CEIP PLURILINGÜE A LAXE

Bos días chic@s! Estamos tod@s?

Que tal o día de onte? Fixéstedes a pizza? E os experimentos? Se non, sempre podedes facelos hoxe!

Nós onte, collimos o xogo dos PYSSLA (esas peciñas de plástico para facer figuras), e como Martín me dera unha idea de facer superheroes con elas , foi o que estivemos facendo especial. Ademais démoslle outra utilidade....mirade, son peóns!

Construír os nosos propios xoguetes, é unha boa opción para pasar o tempo e ter máis recursos para xogar.

Por se queredes investigar máis xogos e xoguetes para construir con cousas que teñades pola casa, deixovos este enlace.

https://ecocosas.com/reciclaje/juguetes-materiales-reciclados/?cn-reloaded=1

Por certo, as vosas familias deberíanme contestar a un correo que lles enviei, algunhas xa o fixeron, pero fáltame xente. Recordádello!

Nadia, fáltame o teu correo falándome da xerminación.

Ahí van as correccións de onte(xa sabedes, póñovos o que considero que puido ter dificultade):

MATEMÁTICAS

PX121 EX3

7877 188

26437 20836

LENGUA

PX 93 EX 7

pequeño grueso valiente

Para o traballo de hoxe, collemos CIENCIAS NATURAIS

Páxina 62 , exercicio 3 e 5. Recordade ler primeiro do tema, as páxinas 56,57,58 e 59.

Para GALEGO imos recuperar o vídeo de onte da receita da pizza e isto é o que ides facer: colledes a libreta de Lengua e poñedes, como sempre, GALEGO. Facedes unha taboa cunha regra con tres filas e dúas columnas, deixovos en documentos adxuntos un exemplo. Debería ocuparvos toda unha folla.

Poñedes de título RECEITA DE PIZZA CORAZÓN.

No primeiro cadro poñedes os ingredientes (recordade poñer os da masa e os outros), no segundo cadro poñedes a elaboración e no terceiro cadro poñedes o debuxo.

Deixovos tamén un contiño curto pero moi chulo para escoitar e copiar na libreta o seguinte exercicio, ollo que son dúas preguntas:

“Escribe o nome dos animais que aparecen no conto e di que lle aporta cada un deles ao moucho. De todo iso que o moucho aprendeu , que é o que a ti che parece máis importante?”

Das fichas de repaso do primeiro trimestre, facedes hoxe unha polas dúas caras.

Como é martes, toca practicar un pouquiños de xadrez, xa lle colléstedes o punto ao programa? Ahí vai!

E por último, pero non menos importante...a clase de hoxe vai adicada a ANTONIO. Outro truquiño matemáitico que seguro que lle vai gustar como o outro. Atenición que este impresiona máis, pero é algo máis complicado tamén de aprender. A practicar magos das Mates!

Ata mañá! Mil bicos chic@s!

XUNTOS CONSEGUIRÉMOLO!

TERCEIROMOLONDEVALON QUEDA NA CASA!

LIDIA.-

LUNS, 30 DE MARZO DE 2020

Bos días chic@s! Estamos tod@s?

Que tal de  fin de semana? Fixéstedes as pulseras? Emilio xa me enviou unha foto con ela, espero as vosas! Teño que recoñecer que eu non a fixen todavía , pero entre hoxe e mañá póñome a facela.

Fixo tan bo tempo, que estiven case todo o día pola horta. Non sei se xa vos contei, estamos facendo en casa unha horta moi chula , xa vos poñerei unha foto cando a rematemos. Por agora, plantamos fresas, que si os vosos pais poden mercalas, sería un traballo estupendo facer unha pequena plantación. No piso xa é máis complicado!

Estivemos investigando algún experimento máis, que os tiñamos algo esquecidos. Deixovos un vídeo do que nós probamos (consello: podedes intentar facelo na bañeira ou encima do fregadeiro).

https://www.facebook.com/thedadlab/videos/196058921664345/

Tamén vos paso un vídeo de experimentos con auga, que xa que estamos, son moi chulos. O do aceite con colorante é moi impresionante. Se non tedes, facédeo con azafrán ou pimentón a ver que sae!

En canto ao traballo que puxen o venres, ahí van as correccións de Mate:

- El reparto de los huevos no podría hacerse de esa manera, ya que

12:2 =6 12:3=4 12:4=3

Si sumamos los resultados 6+4+3=13

Miguel tan solo compró 12 huevos, así que no podría repartirlos de esa manera.

O traballo para hoxe é o seguinte, Hoxe toca un pouco de repaso:

MATEMÁTICAS

Páxina 121, exercicios 1,2,3 e 8.

Deixovos neste enlace un xoguiño para comparar números. Non é por si vos apetece...tedes que facelo!É coma un test, tedes que marcar a opción correcta.

Recordade que nos símbolos de maior ou menor, a boquiña aberta sinala hacia o número máis grande.

https://quizizz.com/admin/quiz/5c090bff3df863001bdd941a/comparar-numeros-de-hasta-5-digitos?studentShare=true&fbclid=IwAR0dPucasXboFsB6c64S_An-H_eBWhYx90yGkcWnc2cKbhtZiwafZ5QtwuM

LENGUA

Página 93, ejercicio 7,8 y 9.

E a clase de hoxe vai adicada a ....Lucas! Penso que lle encanta a pizza e está conseguindo tantas cousas nesta nova aventura que estamos vivindo, que hoxe se merece ceala! Pero...non vai a ser tan sinxelo.

Tocouche cociñala! Aquí che deixo un vídeo ben chulo dos pasos a seguir...espero que o desfrutedes.

Mil bicos.

Xuntos conseguirémolo! Quedade na casa!

Lidia.

Bos días chic@s! Estamos tod@s?

Veña ese ánimo que xa é venres!

Propóñovos para esta tarde ou este finde algo que nós fixemos onte e foi moi divertido , “carreira de gusanos”. No vídeo vedes como se fan. Nós fixeos ademais unha especie de portería cos Lego para ver quen o metía antes. Fixemos unha manualidade e un pouco de exercicio!

Indicacións extra...a ver si facedes o gusano de 36 cm de largo e 4 cm de ancho, e as dobreces de 6 en 6 cm. E na cara...que se pareza a min! A ver como me debuxades!

Se non tedes regra, facédeo do largo do libro de Mate e do ancho de tres dedos. Logo as dobreces as facedes para que sexan iguais. E se non tedes unha palliña para soprar, pois non pasa nada, sen ela.

Sairon os problemas de onte? A continuación paso a poñervos os resultados dos 4 problemas de Mate para correxilos.

- Pablo tiene 20 años.

- Tiene 63 canicas.

-Tiene 138 cromos.

-Duró 36 días.

En canto o traballo para hoxe, apuntade:

Matemáticas

Páxina 119 exercicio 11. Tedes que dicir cantos ovos son para cada un.

Deixovos nos documentos adxuntos unha folla con operacións que copiades e facedes na libreta.  Van tamén os resultados, non sexades tramposos, que é para que o empreguedes para correxir.

Ciencias Naturais

Tedes que ler de novo do tema 2 as páxinas 22,23,24 e 25 e facer os exercicios da páxina 30, o 2 e o 6.

Deixovos tamén un enlace a un test, tedes que facer o número 3, las plantas.

https://www.testeando.es/3-Primaria-Ciencias-sociales-y-naturales-55

(se vos dá algún problema , non o fagades, non fai falta que vos rexistredes)

Mirade que vídeo máis bonito, igual o conto é algo infantil para vós, pero paréceme que a idea de facelo así é moi interesante. Anímovos a intentar reproducilo...

E a clase de hoxe vai adicada  a ...Emilio. Pola súa creatividade e como é tan detallista nas manualidades, eu penso que lle pode gustar. É un vídeo para facer pulseras, e pensei que podíamos facelas todos e así cando volvamos a clase con elas postas, quitámolas e facemos algo con elas. Será o noso homenaxe a terlle gañada a batalla ao coronavirus, que vos parece?

https://www.pequeocio.com/como-hacer-pulseras-de-macrame/

Que se note que é fin de semana chic@s, facede algo especial, poñédevos máis guapos, montade a mesa para comer ou cear máis elegante, facédelle un agasallo a alguén de sorpresa...

Mil bicos!

ÁNIMO E QUEDADE NA CASA!

XUNTOS CONSEGUIRÉMOLO!

LIDIA

Xoves, 26 de Marzo 2020

Bos días chic@s! Estamos tod@s?

XA a piques de rematar esta segunda semana, e agora pensado , a que non parece tanto?

Nós onte, como fixo un día tan soleado, estivemos todo o día no xardín. Olvidámonos da cociña, dos experimentos e do deporte...sair da rutina de cando en vez tampouco está mal!

Encantáronme os vosos correos electrónicos, fáltanme os de Martín e Nadia. A ver si hoxe sacades un momentiño e me mandade un.

Tedes experiencias coa xerminación bastante diferentes. Lucas aínda non conseguiu ver nada (pero é cuestión de tempo) y a de Ianire xa ten ata follas! Gustoume moito a idea de Antonio, que plantou unha pataca coa súa avoa e xa ten unha planta fermosísima.

Xogástedes onte co xogo dos sustantivos? Olvideime de decirvos que podíades preparar algún paquetiño sorpresa para quen ganase se xogades con alguén máis. Revisade que todos os substantivos propios estean con maiúscula!

En canto as correccións de C.Naturais. Revisade o exercicio que fixéstedes a ver si ten algo que ver con isto:

“Miro o semáforo e vexo que está en vermello. O vermello (órgano dos sentidos) envía esa información ao cerebro (sistema nervioso). No cerebro elabórase a resposta: espero ata que se poña verde para cruzar a rúa. Cando o semáforo se pon verde levo a cabo a resposta e comezo a camiñar(aparello locomotor).

O traballo para hoxe vai ser o seguinte:

MATEMÁTICAS

Páxina118 exercicio 8 (eses 4 problemas). Recordade poñer DATOS-OPERACIÓN-SOLUCIÓN para resolvelos.

En documetos adxuntos tamén vos deixo un encrucillado matemático, copiádelo na libreta e completádelo.

LINGUA GALEGA

Póñovos un enlace a unha fantástica páxina de lendas galegas. Tedes que ler a lenda que vos aparece e copiar na libreta de Lengua Castellana o texto que fala en concreto da aparición da galiña cos pitos de ouro (pista: son os dous últimos parágrafos).

Preguntádelle a vosa familia se coñecía a lenda , e si non é o caso, quedade como auténticos historiadores contándolla!

Cando todo o coronavirus por fin se pire, será unha boa excursión ir a visitar Libunca e recordar esta lenda.

https://galiciaencantada.com/lenda.asp?cat=3&id=421

Fai días que non vos recomendo unha aplicación. Ahí vai unha que a min me gusta moito para xogar con Manuel. Como tedes que poñer a idade dos participantes, adáptase ben a calquera.

Chámase FUN FAMILY TRIVIA.

E a clase de hoxe está adicada a...Sara e Celia! Como Sara visitou fai pouco o berce de Harry Potter e Celia tamén foi fai algún tempo, este vídeoé  para que o recordedes e poidades compartilo con todos.

Mil bicos chic@s!

Xunt@s conseguirémolo! Seguide quedando na casa!

Lidia

Bos días chich@s! Estamos tod@s?

Xa na metade da semana! Que tal vai todo?

Eu sigo buscando ideas para poñervos e pensando cousiñas para probar a facer en casa. Sigo coa nosa rutina e, como non, seguimos coa “cociña lambona”. Fai moito que non vos poño unha receita chula , póñovola hoxe! Onte fixemos donuts (bueno, algo parecido). Mirade que pintaza!

Clicade na imaxe para a receita (Sara, ti xa sabes, a adaptamos e listo, no? Fariña sen glute e para diante!). Por certo, eu non tiña moldes e fíxenos cun vaso grande para darlle a forma e cun chupito par facerlle o círculo do medio.

Gustouvos o conto de onte? Lucas díxome que lle encantara!

Hoxe imos traballar Lengua Castellana.

Colledes a táboa que vos deixei en documentos adxuntos, non fai falta imprimila, con copiala con curiosidade xa está. Collede unha regra, e sen non tedes, imaxinación! O borde dunha libreta ou un rotulador servirá para facer as líneas rectas.

Xa xogamos a isto en clase, trátase de que en tres minutos, completedes o maior número de datos posibles. Para escoller a letra coa que empezamos podemos facer varias cousas:

-tirar dous dados, facer a multiplicación e contar no abecedario ata a letra que ten ese número. Por exemplo, se me sae un 2 e un 6, será o 12, e a letra número 12 é o L (abecedario en castelán)

-dicir unha letra ao azar

-facer unha línea con cada unha das letras polas que empezan os nomes da vosa familia. Por exemplo, meu fillo chámase Manuel, pois fago unha rolda coa M.

Ciencias Naturais

Que tal vai esa xerminación? Contádemo nun correo electrónico!

Fichas repaso Primeiro Trimestre. Facedes tres fichas, polos dous lados. Son faciliñas, no? Esas fichas teñen un aprende na parte superior, é un repaso, lédelo e despois vos poñedes a traballar.

Recordade que a aula virtual segue activa por si hoxe rematades pronto o traballo e queredes pasarvos por alí.

A clase de hoxe voulla adicar a....ANTONIO. Como lle gustan tanto as Matemáticas ahí vai este truco par que te quedes con todo o mundo. Practicádeo, e logo facedes videochamada a alguén para poñelo en práctica!

Clicade na imaxe!

Mil bicos chic@s!

Seguide animados! Xuntos conseguirémolo!

LIDIA.-