Hoxe convertémonos en científicos para poder conseguir novas cores. Cada neno/a tiñamos dous vasos con auga e colorante alimentario, algúns vermello e amarelo, outros azul e vermello e outros azul e amarelo. Cunhas pipetas fomos pasando auga dun vaso a outro e conseguimos novas cores: o verde, o negro, o laranxa, o marrón...
Hoxe os nenos e nenas convertéronse en arqueólogos para atopar os números ocultos baixo a area ou o sal. Atoparon moitos!!! Os maiores anotáronos e os máis pequenos puxeron un pompón no número que atopaban.
Esta semana estivemos construíndo as nosas rectas numéricas e táboas do 100: coloreando, cortando e pegando. Ademais as nenas e o neno de 5 anos realizaron sumas con dados. Qué ben o fixeron!!!
E por fin chegou o día: o venres celebramos o Samaín e o Magosto!!! Viñemos disfrazados ao cole e nos convertemos en bruxas e bruxos, vampiros, cabazas, gatiñas, Carapuchiña vermella, zombie, esqueletos e diablesas.
Ademais merendamos castañas cocidas e como tiñamos moitas ganas de usar as castañas fixemos un pequeno colar con elas.
Tamén recibimos a visita da mestra Laura que nos contou o conto "Corre, corre, cabaciña".
Que ben o pasamos!!!!
Esta semana estivemos facendo diversas manualidades de Samaín e Magosto: arañas terroríficas; caretas de pantasmas, bruxas, monstruos, momias e cabazas; e cucuruchos para as nosas castañas.
Ademais trouxemos cabazas decoradas de Samaín para expoñelas coas dos nosos compañeiros/as de Primaria. Somos uns artistas!!!