Xúntase o Plan Anual de Formación do Profesorado para o curso 2020/2021. 

• Plan Anual de Formación do Profesorado para o curso 2020/2021

O CAFI pon á disposición do profesorado galego un novo curso na sección de formación aberta en Platega, co título Introdución ao ensino mixto: https://www.edu.xunta.gal/platega/course/view.php?id=825

Esta versión xeral, aberta, non titorizada e non certificable, ofrece un primeiro achegamento  ao ensino mixto adaptable para todos os niveis educativos. Inclúe aportacións de profesionais e institucións sobre esta modadidade de ensino co obxectivo de explorar aspectos que se poidan incorporar á propia práctica, no deseño de secuencias didácticas integradas dentro das opcións que ofrece o ecosistema dixital galego para organizar e estruturar o noso traballo nun espazo virtual.
Completarase no vindeiro curso con versións titorizadas e certificables que abordarán contidos específicos para o profesorado das diferentes etapas educativas.

Así mesmo, recordámosvos que na sección de formación aberta en Platega contamos con outros cursos orientados á aprendizaxe no manexo de ferramentas e metodoloxías orientadas á docencia mixta ou na Rede.

Estes cursos non requiren inscrición en fprofe e estarán dispoñibles en Platega por tempo ilimitado mediante as credenciais de acceso da conta corporativa e automatrícula nos mesmos.

Para acceder a estes contidos poderase escribir “formación aberta” na caixa de busca de cursos ou directamente a través da seguinte ligazón:

https://www.edu.xunta.gal/platega/course/index.php?categoryid=98

Boletín de publicacións do CFR de A Coruña de xuño 2020

Para baixar o arquivo fai clic aquí

EduHabilidades é un programa que pretende achegar as habilidades sociais, directivas e emocionais á comunidade educativa.

Presentaranse as quince habilidades que hoxe máis se teñen en conta á hora de avaliar as destrezas e competencias, tanto persoais como profesionais: motivación, creatividade, negociación, persuasión, comunicación, análise, estratexia, xestión do tempo, marca, atención plena, traballo en equipo, dirección, exposición, responsabilidade social e atención.

A cada unha dedicaráselle unha micropílula de dez minutos, unha guía con nocións básicas e un xogo interactivo.

Publicarase un recurso cada día, dende o 11 de maio ata o 10 de xullo e estarán dispoñibles, dentro da sección de formación aberta en Platega, no espazo EduHabilidades: Educar en habilidades e habilitar para o futuro, na seguinte ligazón: https://www.edu.xunta.gal/platega/course/view.php?id=795

Para acceder á mesma lembramos que é preciso introducir o usuario e contrasinal da conta corporativa edu.xunta.gal

A Dirección Xeral de Educación, Formación Profesional e Innovación Educativa, para paliar os danos que a situación socio-sanitaria relacionada co COVID-19 está a provocar nos centros educativos, oferta actividades formativas dirixidas aos/ás docentes que precisen unha formación inicial básica para o manexo de ferramentas para docencia a distancia.

 
Características da actividade:

Formación non presencial, de 10 horas de duración.
Contidos básicos: emprego da aula virtual e ferramentas de videoconferencia.

Destinatarios: Todas as ensinanzas

Para máis información poñerse en contacto co CFR da Coruña por medio do correo electrónico cfr.coruna@edu.xunta.gal ou chamando ao teléfono 981.274.221

Dende o CAFI poñemos a disposición do profesorado, na nosa sección de Formación aberta en Platega o espazo Recursos e orientacións para o ensino a distancia

Este espazo, que non é un curso de formación en si mesmo, consitúe unha recopilación de información útil para o profesorado sobre as ferramentas e posibilidades de desenvolvemento do ensino non presencial na actual situación de emerxencia sanitaria.

Trátase dun espazo vivo que contén ligazóns a titoriais, artigos, bancos de recursos e outros espazos na Rede, organizados nas seguintes categorías:

1. Antes de comezar...
2. A contorna virtual
3. Ferramentas de comunicación
4. Busca e curación de contidos
5. Creación de contidos
6. Metodoloxía e atención á diversidade
7. Outros espazos, recursos e exemplos

O espazo continuará a ser actualizado, polo que recomendamos visitalo con frecuencia.

Podedes acceder directamente, sen ser preciso automatriculación, na seguinte ligazón.

Para calquera consulta ou suxerencia podedes escribir ao enderezo cafi.educaciondixital@edu.xunta.gal