Creouse unha zona de formación aberta no CFR da Coruña.

Nesta sección ponse á disposición do profesorado galego unha serie de cursos en formato aberto. 

Estes cursos, que inclúen só a parte teórica, pretenden servir de guía e non poderán ser entendidos como actividades formativas certificables nin terán o habitual soporte de titorización co que contan os cursos titorizados tanto en Platega como nos CFR da Rede de formación.

A día de hoxe contamos con dúas actividades de ferramentas institucionais:

·         Actualización de ferramentas tecnolóxicas para docentes

·         Aproveitamento didáctico de ferramentas institucionais para o ensino mixto

Para poder acceder aos cursos debe ser vostede unha persoa usuaria da aula virtual do CFR, si non o é, pode crear o seu usuario segundo as instrucións indicadas na propia aula virtual.

Unha vez que sexa usuario, ten a chave de automatriculación no acceso de cada curso.

Esta actividade ofrece formación específica sobre o método científico e o deseño de experimentos para o profesorado de secundaria. Traballáranse as distintas fases dun traballo científico desde a toma de datos e o procesamento e presentación dos mesmos (estatística descritiva, elaboración de gráficos mediante follas de cálculo ata a discusión dos resultados e a presentación dos mesmos en forma de artigo científico e mediante o uso de novas tecnoloxías (blogues, aulas virtuais, etc).

O curso impártese en forma de obradoiro, dividido en catro sesións relativas ás distintas fases dun traballo científico. Os contidos están recollidos en fichas de actividades que permiten aos participantes avanzar nos contidos ao seu ritmo individual.

Os participantes recibirán antes do curso un kit de experimentación, no seu centro, co fotómetro FOTOMETRIX do grupo XuvenCiencia xunto co material básico necesario para realizar medidas sen necesidade dun laboratorio.

Sesión 1: 14 de abril (mércores), 18-20 h: Mercedes Novo e Wajih Al-Soufi 

Introdución 

Actividade 1 – Deseño do experimento

- Coñecemento previo, busca bibliográfica

- Hipótese previa 

- Método e experimento proposto, modelo teórico, descrición matemática 

- Plan de traballo, datos necesarios 

Actividade  2 – Experimentación

- Montaxe experimental / equipamento 

- A libreta de laboratorio. O uso de táboas. A importancia das unidades

Oradoiro: determinación da concentración dun colorante mediante coa axuda dun fotómetro

Sesión 2: 15 de abril (xoves), 18-20 h: Wajih Al-Soufi e Ana Paula Losada

Actividade 3 – Análise dos datos (Follas de cálculo) 

- Táboas de datos nunha folla de cálculo – formato, unidades

-  Representación gráfica dos datos – Regresión lineal – Recta de calibración 

- A incerteza, precisión, exactitude e a significación das medidas 

Sesión 3: 21 de abril (mércores), 18-20 h: Wajih Al-Soufi e Ana Paula Losada 

Actividade 4 – Interpretación e discusión de resultados

- Interpretación dos resultados 

- Confirmación ou rexeitamento da hipótese

- Discusión, comparación co coñecemento previo, explicación dos resultados

- Propostas de mellora do experimento ou de ampliacións

Sesión 4: 22 de abril (xoves), 18-20 h: Marta López e Mercedes Novo

Actividade 5 – Memoria ou artigo científico, cartel para congresos 

- O artigo científico 

- A comunicación oral 

- O póster ou cartel científico 

Actividade 6 – Comunicación dos resultados mediante TIC

- Divulgación científica

- Bitácora persoal ou blogue

- Redes sociais

Inscrición en FProfe co código da actividade.

O próximo mes de abril desenvolveranse as xornadas “G2002077 Tecnoloxía e creación  maker” todos os venres en formato virtual. 

En cada videoconferencia ofrecerase unha visión actual sobre tendencias máis innovadoras no campo  tecnolóxico e educativo, tratando de potenciar o desenvolvemento de  proxectos  STEM/ STEAM nas aulas galegas. O obxectivo desta conexión  cas  novas tendencias tecnolóxicas é o estabrecemento dunha cultura  maker nos centros interesados que pensen en ofrecer alternativas prácticas ao seu alumnado.

As charlas están desenvoltas por 4 referentes nacionais:

-Venres 9 de abril: Nuria Robles, directora do Fablab León.

-Venres 16 abril: Concha Monje, investigadora en robótica da Universidade Carlos III de Madrid.

-Venres 23 de abril:  Nerea Luis, doctora e investigadora en Intelixencia artificial.

-Venres 30 de abril: Maria Castellanos, artista, investigadora e creadora de dispositivos tecnolóxicos.

Despois da charla os asistentes poderán establecer un diálogo coa convidada facéndolle chegar as súas preguntas e consultas sobre a temática exposta.

Datas: 9, 16, 23 e 30 abril

Horario: de 17,30 a 19,30 horas

Prazas: 50 

Inscrición e información en FProfe co código da actividade.

As actividades formativas do Plan serán as seguintes:

G2002136 - Formación para a XESTIÓN DE CENTROS no contexto da Covid-19

G2002134 - Formación para a xestión da aula de EDUCACIÓN INFANTIL no contexto da Covid-19.

G2002138 - Formación para a xestión da aula de EDUCACIÓN PRIMARIA no contexto da Covid-19

G2002135 - Formación para a xestión da aula de SECUNDARIA no contexto da Covid-19

G2002137 - Formación específica no contexto da Covid-19 nas ENSINANZAS MUSICAIS

G2002132 - Formación específica no contexto da Covid-19 na atención de AL e PT

G2002139 - Formación específica no contexto da Covid-19 na EDUCACIÓN FÍSICA E ENS. DEPORTIVA

G2002133 - Formación específica no contexto da Covid-19 en FP e TECNOLOXÍA.

Duración: 8 h (5 horas de telepresencia e 3 horas de actividade virtual)

Forma de participación: Telepresencial

Obxectivos:

1. Coñecer as situacións de risco vinculadas á situación de emerxencia sanitaria derivada da pandemia por Covid-19 para os diferentes colectivos educativos.

2. Comprender e poñer en práctica os diversos protocolos específicos e orientacións para minimizar o risco derivado da Covid-19 para os diferentes colectivos educativos.

3. Coñecer as vías de actualización dos diferentes protocolos, orientacións e instrucións.

Contidos:

Os contidos están orientados aos diferentes colectivos educativos tanto xerais coma específicos.

A levitación  ultrasónica é un fenómeno físico non lineal relacionado coas ondas acústicas. Trátase dun método para suspender materia no aire contra a gravidade utilizando presión de radiación acústica de ondas de son de alta intensidade. Son esas ondas acústicas as que logran manter ao obxecto suspendido (pequenas partículas,  gotículas, ) no aire sen necesidade de contacto.

Nesta formación, dinámica e activa, ou docente dispoñerá dun kit individual de traballo que recibirá no seu centro e que formará parte da dotación STEM/ STEAM do mesmo unha vez superada a formación.

As súas características son:

1.Duración: 8 horas

2.Modalidade: Videochamada vía Webex con apoio dunha aula virtual Moodle na plataforma do CAFI

3.Horario: de 18.00 a 20.00 horas

4.Sesións de traballo: 4 sesións de dúas horas

5.Calendario: 10, 13, 17 e 19 de abril

6.Contido das sesións:

• Sesión 1: Introdución e montaxe 1

• Sesión 2: Montaxe 2 e actividades didácticas 1

• Sesión 3: Outros levitadores e actividades didácticas 2

• Sesión 4: Hologramas DIY

7. Docente: Impartido por Asier Marzo Pérez, profesor de Estatística, Informática e  Matemáticas,  Linguaxes e Sistemas Informáticos  na  Universidade Pública de Navarra. A investigación de Asier Marzo céntrase en utilizar o son e a luz para manipular a materia. Para esta tarefa a informática é unha ferramenta imprescindible. O seu traballo aparece en varios programas de televisión así como en numerosos blogues de tecnoloxía e ciencia ( xataka,  microsiervos, I  fucking  love  science). O obxectivo principal é facer a súa investigación, dispositivos e software accesibles de forma gratuíta para todos.

Requisitos da formación:

--Coñecementos en soldadura.

--Coñemecementos en programación co Arduino IDE.

Inscrición en FProfe co código da actividade.

Hoxe día Internacional da Muller e da nena na Ciencia, presentouse no IES Eduardo Pondal de Ponteceso o seu proxecto CANSAT.

Un CANSAT é unha simulación do lanzamento dun satélite real integrado dentro do volume e forma dunha lata de refrescos. Un dos requirimentos engadidos é cumprir cunha misión científica a realizar durante ese lanzamento. Todo o proceso realízao o alumnado amosando todas as súas comptencias clave.

Así dende o CFR de A Coruña, como membro colaborador, pudemos acompañalos no proceso de presentación do proxecto que retomaron do ano pasado para melloralo e obter mellores resultados que na anterior edición. Acompañamos ao  grupo de 8 alumnos e alumnas cunha gran iniciativa e moitos intereses polo mundo científico. Un grupo moi motivado e con moita iniciativa que o ano pasado quedou nun segundo posto na fase rexional sen ter a sorte de poder voar o seu satélite. Polo que prometeron que nesta edición volven tentalo.

https://www.edu.xunta.gal/centros/ieseduardopondalponteceso/CanSat

Twitter: @pontesat

Instagram: @pontesat

A Unidade de Divulgación Científica e Cultural da Universidade da Coruña quere celebrar e compartir convosco o Día Internacional da Muller e a Nena na Ciencia. 

Con este propósito realizaron dous audiovisuais, un dirixido a escolares de educación primaria (que podedes consultar nesta ligazón) e outro dirixido a escolares de educación secundaria (que podedes consultar nesta ligazón). Neles participaron investigadoras da USC para dar a coñecer dun xeito sinxelo e próximo a súa traxectoria científica e vital e, ademais dos seus logros profesionais, relatan anécdotas co obxecto de incentivar a curiosidade pola profesión investigadora e científica.  

Podedes participar nesta iniciativa visualizando os audiovisuais e logo gravando un pequeno vídeo preguntándolles o que queirades ás nosas científicas. Tedes ata o 31 de marzo de 2021 para vos gravar e mandar os vosos vídeos a través dunha ligazón facilitada por qr nos própios audiovisuais.  

Animádevos, xa que entre os participantes realizarase un sorteo para visitar algún dos centros do Parque Tecnolóxico da nosa universidade, poderedes ver o lugar de traballo das nosas científicas! 

AI Basics for Schools é un MOOC onde os docentes exploran o potencial e as limitacións da IA ​​e descubren como pode permitirlles implementar novas formas de ensinar e aprender a aula. Esta formación ofrece aos profesores a oportunidade de adquirir unha comprensión básica sobre a IA e como integrar os recursos de IA no seu ensino co obxectivo de mellorar a experiencia de aprendizaxe dos estudantes.

A través deste curso de tres módulos, os participantes observarán os elementos básicos da IA, aprenderán a definir a IA, verán as formas en que a IA xa se usa na nosa vida cotiá e explorarán as oportunidades e os retos da IA ​​para ensinar e aprender. 

Tamén explorarán recursos para apoiar a aprendizaxe dos estudantes e, ao mesmo tempo, permítenlles usar creativamente a IA para axudar aos demais e resolver problemas. Descubrirán actividades relacionadas coa IA que se poden implementar facilmente en diferentes contornos de aprendizaxe: totalmente en liña, híbrido / combinado e unha aula distante fisicamente. Finalmente examinarán cuestións éticas detrás da intelixencia artificial e aprenderán a axudar aos seus estudantes a desbloquear o potencial da IA.

O Curso masivo en rede AI Basics for Schools está promovido pola Codeweek e a European Schoolnet Academy sendo unha actividade do plan de Formación 2020-2021 en Galicia. 

Os pasos a seguir para certificar as 15 horas son os seguintes.

1. Atoparás a  actividade en Fprofe, o código da actividade é “G2002130  Intelixencia artificial na escola. Conceptos básicos ” https://www.edu.xunta.es/fprofe/. As prazas están limitadas a 25 e cubriranse por orde rigurosa orde de inscrición. Deberás confirmar a túa participación no prazo indicado no correo.

2. Inscríbite tamén na plataforma da EUN https://www.europeanschoolnetacademy.eu/courses/course-v1:CodeWeek+AI+2021/about. Se non tes un usuario podes iniciar o rexistro nela e crealo.

3. Na ligazón anterior podes atopar toda a información para coñecela: Obxectivos, contidos, coordinadores, moderadores, etc.. 

4. O curso ten 3 módulos, iníciase o 8 de marzo e remata o 7 de abril, o tempo estimado de adicación en cada módulo é de 5 horas.

   1. Módulo 1: Que é a IA? - abre o 03/03/2021

   2. Módulo 2: IA en educación - abre o 15/03/2021

   3. Módulo 3: Beneficios e retos da IA: ábrese o 22/03/2021

5. No módulo atoparás información sobre o tema específico, vídeos e materiales  complementarios, espazos de intercambio, actividades e un pequeno cuestionario.

6. O final do curso terás que deseñar unha pequena proposta didáctica para a túa aula para incluir e aplicar todo o aprendido no MOOC. Esta proposta será coavaliada entre pares sendo revisada por otros dous compañeiros do curso. Lembra que o idioma de comunicación é o inglés.

7. O superar o MOOC na EUN recibirás o seu certificado dixital, para obter o certificado correspondente a administración galega tes que remitir o da EUN por correo a cafi.aulanova1@edu.xunta.gal. Data de recepción de certificados 15 de abril do 2021.

8. Podes seguir toda a info do curso nas redes sociais: Twitter, grupo de Facebook e Instagram

9. Coñece o traballo doutros docentes europeos e conecta con eles e explora o contido da web da Codeweek https://codeweek.eu/

Nas vindeiras semanas darán comenzo os cursos de contidos dixitais:

• Creación de contidos dixitais para a aula virtual
• Ferramentas de avaliación na aula virtual
• Ferramentas para a colaboración e interacción na aula virtual
• Enriquecemento audiovisual para a aula virtual

Estes cursos pretenden dar continuidade aos xa realizados no primeiro trimestre do curso, incidindo e ampliando os contidos máis interesantes e útiles.

Se hai un número suficiente de docentes dun centro concreto, poderase facer especificamente para ese centro, do contrario, o profesorado interesado integrariase nun curso con profesorado doutros centros.

O prazo límite de inscrición é o 12 de febreiro.

O CFR de A Coruña ven de publicar un novo exemplar do seu “Boletín de recursos do CFR da Coruña”.

Remitimos aos centros educativos, neste momento o primeiro número dos dous que se publicarán neste curso escolar 2020/21. Número, este,  que inclúe recensións actualizadas, funcionais e prácticas.

O comentario de texto, tanto en formato dixital como impreso, e unha ampla e seleccionada escolma de temática diversa que esmiúza, de xeito didáctico, o mundo educativo; é un exemplo sobre o que poderá reflexionar e/ou debater en claustro, ou ben de forma personalizada.

Estas lecturas son unha ferramenta moi interesante para profundar no debate sobre o tipo de escola que estamos a deseñar, e a escola do futuro inmediato.

Nos seguintes número desexaríamos poder contar coa colaboración de todo aquel persoal docente que teña interese e se anime.