Esta actividade formativa en rede, forma parte da oferta formativa do plan anual de formación do profesorado de FP para o terceiro trimestre, destinada principalmente ao profesorado da familia profesional de Informática e comunicacións e tamén ao profesorado de Sistemas Electrónicos que imparta no ciclo de Sistemas de Telecomunicación e Informáticos. O profesorado interesado debe contar con coñecementos básicos de administración do Sistema Operativo Linux, sendo este un requisito necesario para participar na actividade.

O curso dedícase ás diversas tecnoloxías que se poden utilizar para a implementación de dominios con usuarios centralizados e recursos compartidos en rede, facendo uso de sistemas GNU/Linux e integrando tamén equipos clientes baseados en Windows. Para os exercicios prácticos empregarase Virtualbox e a última versión LTS do sistema operativo Ubuntu, polo cal os participantes deben contar cun PC con polo menos 4GB de memoria RAM.

Os titores responsables do curso, profesores da familia profesional de informática e comunicacións, xa actuaron coma titores na actividade anteriormente relacionada: Xestión avanzada de Ubuntu. Servizos de rede e deseño dunha infraestrutura de dominio.

Xa que esta actividade celébrase en paralelo co curso G1301003: Desenvolvemento de aplicacións web con J2EE , destinada ao profesorado da mesma familia profesional, pode darse a situación de que un/ha profesor/a sexa seleccionado/a para participar nas dúas actividades. De ocorrer ese caso os/as afectados/as deberán confirmar a súa admisión no curso que máis lle interese e renunciar ao outro. No caso de confirmar a súa admisión nas dúas actividades, será dado/a de baixa de oficio de unha delas elixida ao azar, en cumprimento do artigo 10.1.e da Orde do 14 de Maio de 2013 (DOG do 22/5/13).

Data de comezo: 22/4/2014

Data de finalización: 1/6/2014

Lugar de celebración: Platega

Número de horas totais: 30

Ligazón a FPROFE: https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=54378

Ligazón á Aula Virtual: http://www.edu.xunta.es/platega/course/view.php?id=2451

Esta actividade formativa en rede, forma parte da oferta formativa do plan anual de formación do profesorado de FP para o terceiro trimestre, destinada ao profesorado da familia profesional de Informática e comunicacións. Xurde da demanda do profesorado desta familia, para formarse en linguaxes de programación para aplicacións web, completando un itinerario formativo neste eido formado polas seguintes actividades xa rematadas:

• Desenvolvemento web con HTML5, CSS3 e jQuery empregando as pautas de Symfony2
• Acceso a datos en Java
• Programación orientada a obxectos para plataformas web con PHP e MySQL

O curso dedícase á presentación e ó desenvolvemento dunha aplicación web usando tecnoloxías JEE, usando unha arquitectura de 4 capas. Usarase unha base de datos relacional para facer a persistencia, a capa de negocio e o acceso a datos ira no servidor de aplicacións JBoss e a capa de presentación Web se despregará nun servidor de servlets coma Jetty ou Tomcat.

O titor responsable do curso, profesor da familia profesional de informática e comunicacións, ten unha dilatada experiencia laboral como programador de aplicacións web e xa actuou coma titor na actividade: Desenvolvemento web con HTML5, CSS3 e jQuery empregando as pautas de Symfony2

Xa que esta actividade celébrase en paralelo co curso G1301007: Servizos de rede e deseño dunha infraestrutura de dominio con GNU/Linux , destinada ao profesorado da mesma familia profesional, pode darse a situación de que un/ha profesor/a sexa seleccionado/a para participar nas dúas actividades. De ocorrer ese caso os/as afectados/as deberán confirmar a súa admisión no curso que máis lle interese e renunciar ao outro. No caso de confirmar a súa admisión nas dúas actividades, será dado/a de baixa de oficio de unha delas elixida ao azar, en cumprimento do artigo 10.1.e da Orde do 14 de Maio de 2013 (DOG do 22/5/13).

Data de comezo: 21/4/2014

Data de finalización: 31/5/2014

Lugar de celebración: Platega

Número de horas totais: 30

Ligazón a FPROFE: https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=54373

Ligazón á Aula Virtual: http://www.edu.xunta.es/platega/course/view.php?id=2223

O curso “Aprendizaxe Baseada en Proxectos (ABP)” ofrece unha oportunidade de desenvolvemento profesional a través da participación nunha rede de aprendizaxe masiva e en liña e grazas ao deseño dun proxecto de aprendizaxe nun ambiente colaborativo.

Participar nesta experiencia permitiranos coñecer proxectos de referencia, analizalos, deseñar os nosos propios proxectos e entrar en contacto con outros docentes, profesionais ou persoas interesadas na educación con quen non só debateremos sobre esta metodoloxía senón que tamén serán o noso principal apoio e os nosos compañeiros e compañeiras para o desenvolvemento dos nosos proxectos.

Ao longo do curso poderanse conseguir 3 emblemas dixitais:

• Ao finalizar a unidade 3: Docente activo

• Ao finalizar a unidade 5: Docente avaliador

• Ao finalizar a unidade 7: Docente ABP

Esta modalidade de formación faise de forma experimental sen certificación. Só se entregan os emblemas dixitais mencionados como forma de recoñecemento da aprendizaxe desenvolvida nas actividades do curso e non se certifican “horas de formación”. A estimación de carga horaria (40 h) é só orientativa. Agárdase que a participación no curso teña como principal motivación a aprendizaxe persoal, o desenvolvemento profesional e a colaboración con outros docentes.

As actividades da unidade 1 abriranse o luns 31 de marzo.

ACCESO A TODA A INFORMACIÓN

Referencia: C1302001
Centro de formación e recursos: A Coruña
Temporalización:  04/04/2014  -  05/04/2014
Data límite de inscrición: 14/03/2014
Lugar: A Coruña
Prazas:  100

Horas totais

Asesor responsable da actividade

Asesor:  PENELAS-CORTÉS BELLAS, MARÍA MONTSERRAT

Ata o vindeiro día 23 de febreiro, está aberto o prazo de preinscrición da modalidade formativa  Estadías Formativas en Empresas. Esta convocatoria está dirixida unicamente ao profesorado funcionario de Formación Profesional inicial, e de Ensinanzas Artísticas e Deseño.

O profesorado substituto non pode participar nesta modalidade formativa. Os interinos si.

As Estadías Formativas, brindan ao profesorado a oportunidade de actualizar os seus coñecementos e da realidade do seu sector, colaborando cunha empresa do seu ámbito profesional. Existen tres tipos:

• As estadías de tipo A, na que o profesorado interesado pode solicitar ocupar unha das prazas ofertadas nalgunha das empresas coa que a Consellería de Cultura, Educación e Ordenación Universitaria ten establecido un convenio de colaboración.
• As estadías de tipo B, na que o profesorado interesado é o responsable de propoñer a empresa, tras acordar previamente con eles as condicións da súa estancia. Deste tipo de estadías distínguense dúas categorías:
  • Tipo B-1 , se a sede da empresa está en Galicia.
  • Tipo B-2 , no caso de que a sede da empresa estea en Europa pero non en Galicia.

Temporalización

O período de realización das estadías comprende dende o 1 de abril de 2014 ata o 12 de setembro, sen incluír o mes de agosto (agás casos excepcionais). Nese intervalo, o profesorado debe consensuar coa empresa o seu horario, dentro dos seguintes límites:

• A duración mínima das estadías é un total de 40 horas e a duración máxima 160 horas.
• Como mínimo as sesións diarias deben ser de 4 horas interrompidas e o máximo é de 8 horas.
• Deben facerse como mínimo dúas sesións por semana.
• A temporalización proposta non debe interferir coa das actividades lectivas. Deben facerse fora do horario lectivo.

Solicitude

O profesorado interesado debe solicitar a súa participación a través de fprofe, no apartado GT,SP,PFAC,PFFP. Cada interesado/a deberá solicitala súa preinscrición poñendo a modalidade na que está interesado, o CFR ou CAFI da súa área xeográfica, e premendo no botón Presentar.

É importante decatarse que o botón de gravar só serve para almacenar unha copia de borrador, pero non se completa a solicitude de preinscrición ata premer en Presentar.

Posteriormente e sempre tras o remate do prazo de preinscrición a persoa interesada, deberá entregar no CFR ou CAFI correspondente, a solicitude de inscrición segundo o seguinte modelo.

1. O prazo para facer a preinscrición e ata o próximo día 23 de febreiro (incluído).

2. O prazo para entregar a inscrición no CFR ou CAFI correspondente é ata o próximo día 14 de marzo (incluído).

3. Nos últimos días do mes de marzo publicarase no apartado de Estadías formativas da páxina web da Subdirección xeral de FP, a listaxe de solicitudes seleccionadas para realizar as estadías e o importe da axuda concedida para a mesma.

4. Por último, os asesores de formación de profesorado, porase en contacto cos beneficiarios/as para ofrecerlles asesoramento.

Certificación

Ao termo de cada estadía, o profesorado participante deberá entregar ao asesor/a de formación que o asesore e a través de fprofe:

• unha memoria final, resumindo a súa experiencia.
• unha actividade de aplicación directa na aula, na que aplique o aprendido no ensino dalgún módulo con atribución para a súa especialidade.
• Os xustificantes dos gastos de desprazamento: billetes, tíckets, etc.

Tras o remate da presente convocatoria de estadías formativas, a Comisión de selección avaliará a documentación e informes presentados, e decidirá o número de horas de formación que deberán certificarse por cada estadía, cun máximo de 3 horas de formación por cada 10 horas de estadía. Por exemplo, para o caso dunha estadía de 160 horas, como máximo poderán certificarse 160·0.3 = 48 horas.

Mais información en: http://www.edu.xunta.gal/fp/estadias-formativas-en-empresa

A/A Xefes/as de departamento e coordinadores/as de formación.