Para poñer o broche de ouro á Semana das Letras Galegas, e despois de catro ensaios, por fin o venres 29 de maio fixemos a grabación do lip dub que promoveu o Equipo de Dinamización da Língua Galega do Colexio. Como veredes un traballo absolutamente entusiasta e colectivo de alumnado e profesorado. E todo coa canción "En galego, meu o mundo é", de Paco Nogueiras do seu libro-disco Brinca Vai!

Durante xaneiro e parte de febreiro as profesoras de 5 anos, Eva e Bea, estiveron a traballar a época medieval como centro de interés. Os deixamos un breve resumo de imaxes e música.

Este ano todos os nenos e nenas de educación infantil imos ir disfrazados de mexicanos/as (a elexir ). Os disfraces faranse na casa. O venres 8 virán xa disfrazados dende a casa para celebrar o entroido no cole. Ese día faremos un pequeno desfile de disfraces no patio e a media mañá vos convidamos a presencialo (xa vos diremos a hora). Para que teñades unha idea de como pode ser o disfraz vos deixamos algunhas fotos de disfraces de mexicanos.

O Concello de A Coruña invitou a Papá Noel a visitar aos nenos e nenas do Fdez Latorre. Estivo acompañado de dous simpáticos elfos que animaron aos máis pequenos cantando panxoliñas. Logo todos entregaron a súa carta pedindo xoguetes, monecas, consolas, etc. Papa Noel dixo que intentaría esforzarse moito para conseguir regalos para todos.

O xoves 6 de setembro entre as 10 e as 12 horas, e o venres 7 entre as 12 e as 14 horas as diferentes titoras de educación infantil recibirán nas aulas ás familias para que poidan entregar os libros e material escolar antes do inicio das clases.

   O grupo "Fol do Vento"  presentounos o seu traballo Cancións para    Antía    no Salón de Actos do Centro para todo o alumnado de infantil.

Como podedes ver nos vídeos disfrutamos moito neste concerto tan divertido, onde ademáis os participantes amosaron coñecer as letras de todas as cancións

- http://www.youtube.com/watch?v=5p50D2m5BJ4

- http://www.youtube.com/watch?v=YNemRQ1SI0o