4ºESO
O pasado venres o alumnado de 4º ESO foi de excursión a Santiago onde percorreron a zona vella seguindo un completo itinerario organizado polos departamentos de Galego, Educación Plástica e Xeografía e Historia.
ITINERARIO PERCORRIDO POLA COMPOSTELA LITERARIA E MONUMENTAL 17 /12 2021
1. Casas Reais. Sociedade Económica de Amigos do País (organización académica e cultural do século XIX onde estudaron autores do Rexurdimento como Rosalía de Castro ou Aurelio Aguirre e centro de encontro dos intelectuais e escritores do momento como Eduardo Pondal. Nos seus escenarios Rosalía interpreta con 15 anos “Rosamunda” con grande éxito de público)
2. Praza de Cervantes (chamada no s. XII Praza do Foro por ser lugar de pregóns) e Igrexa neoclásica de San Bieito do Campo de Prado Mariño do s.XVIII, unha xoia do Neoclásico galego)
3. Praza de Abastos: visita a toda unha institución en Compostela. Construída en 1941 polo arquitecto Joaquín Vaquero Palacios a partir do primixenio edificio que data de 1873 e do que aínda se conserva o enlosado de granito e a muralla con escalinata.
4. Facultade de Historia e Xeografía. Visita ao edificio e á biblioteca
5. Catedral e pazos renacentistas da cidade vella, coas súas ruelas e perspectivas barrocas
6. Biblioteca municipal Anxel Casal.
7. Antigo cárcere municipal, centro de reclusión na ditadura.
8. Paseo da Alameda e homenaxe ás irmás Fandiño Ricart, máis coñecidas como as dúas Marías. Lectura dun texto elaborado pola alumna Nuria Juncal.
E tamén o venres pasado o alumnado de 1º ESO puido disfrutar da visita a dous museos emblemáticos de Santiago, o museo do Pobo Galego e o museo de Arte Contemporánea. Axentes infiltrados nos informan de que o pasaron estupendamente. Tedes máis información no Facebook do centro.
MARCO NORMATIVO
Decreto 443/2001 sobre condicións de seguridade no transporte escolar
Instrución 1/2021 conxunta sobre transporte escolar
LIÑAS E PARADAS
RUTAS E PARADAS 2021 Tamén se poden consultar na web BUS.GAL
Ver documento con paradas xeolocalizadas (ano 2020).
EMPRESA
UTE XG 804 liderada por Monbús. Concesionaria do contrato das liñas de transporte integrado.
* NOTA: O alumnado de Bacharelato e Ciclos Medio e Superior pode usar o transporte escolar pero deberá aboar o prezo da viaxe ou empregar a TERXETA NOVA para que lle salgan gratis. O concello de A Baña proporciona opcións de transporte ao alumnado empadroado nese concello que curse ensinanzas de bacharelato ou ciclos de FP no noso centro. Información no propio concello.
ANTERIORES
Circular 19-20 sobre transporte escolar
Instrución 3/2018 sobre transporte escolar
Manual para acompañantes do transporte escolar
Compilación de normativa actual sobre servizos complementarios (Venancio Graña)
Hoxe publicamos a adxudicación definitiva do Fondo solidario de libros de texto. Poden consultar os libros que lle foron adxudicados a través de internet, coma sempre, na aplicación FONDO LIBROS, se dispoñen de certificado dixital ou chave 365. Usen esta opción preferentemente.
No caso de que non podan facelo de xeito telemático (o que recomendamos) as listaxes estarán dispoñibles no taboleiro de anuncios interior do centro. NON se poden tirar fotografías das listaxes, por normativa de protección de datos, e só pode estar unha persoa no interior do centro. Eviten as aglomeracións e permanezan no exterior do recinto mentres haxa alguén consultando as listaxes.
NOTA: As listaxes de libros son para alumnado de 2º, 3º e 4º ESO. O alumnado de 1º ESO está incluido no Proxecto EDIXGAL. O alumnado de 1º ESO que teña dereito a vale de material escolar recibirá a maiores os libros de texto das materias de Matemáticas, Inglés e Xeografía e Historia, materias non incluídas no proxecto Edixgal. De haber libros sobrantes procederase ao seu sorteo.
Achegamos as instrucións sobre transporte escolar para o curso 21-22.
Lembramos que o IES Xulián Magariños entra dentro das concesións de liñas de transporte INTEGRADO, xestionadas dende a Consellería de mobilidade
- Os libros de texto que teñen que ser devoltos obrigatoriamente son os que pertencen ao fondo solidario de libros de texto xestionado polo centro e os libros de texto adicionais prestados polos departamentos didácticos.
- O alumno traerá o día 22 de xuño (último día de clase) todos os libros que se lle prestaron, que serán comprobados polo titor/a.
- Se ten algunha materia suspensa para setembro, o día 24, cando recolla o boletín de notas, poderá levar de volta para casa os libros correspondentes a esas materias suspensas para estudar durante o verán.
- Os libros que se leven para casa durante o verán serán devoltos en setembro cando veñan facer os exames das materias suspensas.
1- Con anterioridade á entrega as familias deberán:
- Comprobar que os libros teñen o selo e numeración do centro.
- Retirar forros vellos, etiquetas e calquera outro elemento persoal. Comprobar o estado dos libros e identificar os que estean moi deteriorados ou se consideren inservibles.
2- Agradecemos a doación de libros de texto
O curso anterior tivemos a sorte de contar coa desinteresada axuda de familias que mercaron libros de texto e considerando que xa non os ían necesitar os doaron ao centro co cal incrementamos a cantidade de libros dispoñible e puidemos repartir máis libros que nunca, o que favoreceu a toda a comunidade educativa.
Polo tanto, se tedes libros de texto propios que estean vixentes e pensades que xa non os ides necesitar, podedes traelos tamén e nós estaremos encantados de recollelos. Outras familias volo agradecerán.
O xoves 24 de xuño farase entrega presencial ao alumnado de ESO do boletín de cualificacións e do Consello Orientador. Será no seguinte horario:
1º ESO : 12:30 h
2º ESO : 13 h
3º ESO : 13:30 h
4º ESO : 14 h
Ese mesmo día, o alumnado que recibira libros do fondo solidario este curso e teña algunha materia suspensa pode solicitar levar durante o verán os libros das materias suspensas, que devolverán en setembro.
Tamén estará aberta a biblioteca do centro desde as 11:00 para alumnado que desexe levar algún libro de lectura para o verán.
IMPORTANTE: Lembren que a partir do día 23 xa non haberá transporte escolar
Información relevante para aquel alumnado que vaia cursar bacharelato ou ciclos formativos de grao medio ou superior.
As becas de estudios do Ministerio de Educación inclúen un apartado específico de RESIDENCIA. Nesta circular aclárase quen ten dereito a solicitar esa contía.
OFERTA EDUCATIVA EN CICLOS FP PARA O CURSO 21-22
-Ciclo Básico de Servizos Comerciais (18 prazas)
-Ciclo Medio de Sistemas Microinformáticos e Redes (20 prazas)
-Ciclo Superior de Administración de Sistemas informáticos en rede (30 prazas)
MÁIS INFORMACIÓN SOBRE A OFERTA DE CICLOS EN TODA GALICIA :https://www.edu.xunta.es/fp/
INFORMACIÓN SOBRE O PROCESO DE ADMISIÓN (procedemento / datas/ formularios) https://www.edu.xunta.gal/fp/admision-curso-2020-2021
#FPGalicia
Acaba de saír publicada a Orde de 6 de maio de 2021 que regula a participación nesta convocatoria.
INSTRUCIÓNS XERAIS (RESUMO DA CONSELLERÍA DE EDUCACIÓN)
Como en anos anteriores garante un mínimo de 6 libros de texto a alumnado con rentas familiares inferiores a 6000€ per cápita e axuda para material escolar por valor de 50€, e 4 libros de texto para rentas inferiores a 10000€ per cápita.
Lembramos que un requisito imprescindible para poder recibir estas axudas e os libros en réstamo é a devolución en bo estado dos libros que foran prestados ao longo deste curso. Próximamente informaremos do procedemento de devolución.
AVISO PARA ALUMNADO QUE VAIA CURSAR 1º ESO: O IES Xulián Magariños foi admitido no proxecto EDIXGAL polo que segundo o artigo 1.2 da convocatoria está excluído da participación no Fondo Solidario de libros pero sí pode solicitar a axuda para material escolar se reúne os requisitos.
PRAZO : O prazo de presentación de solicitudes remata o 22 de xuño de 2021.
COMO CUBRIR OS DATOS NA SOLICITUDE: Ver PDF adxunto
PRESENTACIÓN DAS SOLICITUDES
Recomendamos encarecidamente empregar a aplicación informática FONDO LIBROS https://www.edu.xunta.es/fondolibros para xerar e cubrir os datos da solicitude. Para facelo terán que identificarse na aplicación pulsando o botón verde da esquina superior dereita.
No caso de que non poidan presentalas pola sede electrónica, as datas para a presentación de solicitudes no centro serán escalonadas por protocolo COVID segundo o seguinte calendario e en horario de 9:30 a 14:00 horas.
- Alumnado que vai cursar 2º ESO : do 31 de maio ao 4 de xuño
- Alumnado que vai cursar 3º ESO : do 7 ao 11 de xuño
- Alumnado que vai cursar 4º ESO: do 14 ao 18 de xuño
Unha vez completado o impreso de participación na aplicación informática a solicitude numerada pódese presentar :
- por vía electrónica a través da sede electrónica da Xunta https://sede.xunta.gal (necesítase certificado dixital e adxuntar escaneada a documentación requerida )
- Presencialmente no centro educativo. Imprima a solicitude xerada na aplicación que terá que ser asinada por todos os membros da unidade familiar. Deberá traer ademáis a seguinte documentación: SEMPRE fotocopia do ou dos libros de familia /// Se está separado/a divorciado/a fotocopia da sentenza de separación/divorcio e convenio regulador onde conste a custodia do alumno/a /// Certificado de defunción se é o caso /// Cando non teña libro de familia ou este non reflicta a situación actual, deberá traer un volante de convivencia da unidade familiar que se solicita no concello.
Se por calquera motivo non pode cubrir a solicitude en Internet , na conserxería do instituto existen copias en papel que poden pasar a recoller.
Durante este mes de maio o alumnado de Bioloxía e Xeoloxía de 4º da ESO e o de Ciencias da Terra e do Medio Ambiente de 2º de bacharelato fixemos unha serie de saídas á contorna coa fin de fortalecer os contidos impartidos en clase relacionados coa ecoloxía, rama científica da bioloxía.
Nunha das saídas, dirixidos por Sergio Vázquez (alumno do Prácticum do Máster Universitario en Profesorado de ESO), fixemos un estudo da biomasa árborea das explotacións forestais e dos bosques situados preto do noso centro educativo. Empregando un metro e un clinómetro caseiro, tomamos unha serie de medidas, coas cales posteriormente, usando a tanxente trigonométrica e outros cálculos xeométricos, estimamos a biomasa dunha serie de árbores. Finalmente, con esta mostra de datos individuais de cada árbore calculamos cal sería a biomasa para unha parcela enteira. Este estudo, pois, permitiunos repasar, amais de conceptos da materia de bioloxía, diversos conceptos matemáticos.
Noutra saída abordamos o estudo do rego de Doumes, situado preto do Instituto. Seguindo directrices do Proxecto Ríos, organizado pola asociación ecoloxista galega ADEGA, analizamos diversos factores abióticos, tales como a temperatura, pH, caudal, turbidez, dureza da auga, así como a concentración de nitritos, nitratos e cloro. Ademais disto estudamos a presenza de diversas especies que actúan como bioindicadores do estado da saúde ecolóxica dos ríos.
Unha vez analizados todos os datos, tanto os factores abióticos como os bioindicadores, chegamos á conclusión de que o estado deste ecosistema é sobresaínte. É unha gran noticia e esperamos que no futuro siga así.
Santiago Rodríguez. Profesor do Dpto. de Bioloxía e Xeoloxía
