1ºESO
En 1º de ESO, no que respecta ás materias que NON entran dentro do Programa Edixgal e polo tanto necesitan libro de texto (Matemáticas, Xeografía e historia, Inglés e Francés) o centro dispón das seguintes existencias : Matemáticas: 49 libros, XH: 51 libros, Inglés:67 libros e francés: 17 libros, que serán repartidos entre o alumnado.
O consello escolar acordou que no reparto se priorice ao alumnado con menor renta polo que se prestarán en primeiro lugar ao alumnado que resulte adxudicatario das axudas para adquisición de material escolar. De haber libros sobrantes procederíase a un sorteo dos mesmos entre o alumnado restante. A falta da matrícula definitiva en setembro case podemos asegurar que o alumnado adxudicatario do vale de material escolar recibirá en préstamo por parte do centro os libros de Matemáticas, Xeografía e Historia e Inglés.
Como o reparto final non o podemos coñecer ata ter os datos de matrícula definitiva en setembro solicitamos ás familias que non se apresuren en mercar os libros de texto.
- Os libros de texto que teñen que ser devoltos obrigatoriamente son os que pertencen ao fondo solidario de libros de texto xestionado polo centro e os libros de texto adicionais prestados polos departamentos didácticos.
- O alumno traerá o día 22 de xuño (último día de clase) todos os libros que se lle prestaron, que serán comprobados polo titor/a.
- Se ten algunha materia suspensa para setembro, o día 24, cando recolla o boletín de notas, poderá levar de volta para casa os libros correspondentes a esas materias suspensas para estudar durante o verán.
- Os libros que se leven para casa durante o verán serán devoltos en setembro cando veñan facer os exames das materias suspensas.
1- Con anterioridade á entrega as familias deberán:
- Comprobar que os libros teñen o selo e numeración do centro.
- Retirar forros vellos, etiquetas e calquera outro elemento persoal. Comprobar o estado dos libros e identificar os que estean moi deteriorados ou se consideren inservibles.
2- Agradecemos a doación de libros de texto
O curso anterior tivemos a sorte de contar coa desinteresada axuda de familias que mercaron libros de texto e considerando que xa non os ían necesitar os doaron ao centro co cal incrementamos a cantidade de libros dispoñible e puidemos repartir máis libros que nunca, o que favoreceu a toda a comunidade educativa.
Polo tanto, se tedes libros de texto propios que estean vixentes e pensades que xa non os ides necesitar, podedes traelos tamén e nós estaremos encantados de recollelos. Outras familias volo agradecerán.
O xoves 24 de xuño farase entrega presencial ao alumnado de ESO do boletín de cualificacións e do Consello Orientador. Será no seguinte horario:
1º ESO : 12:30 h
2º ESO : 13 h
3º ESO : 13:30 h
4º ESO : 14 h
Ese mesmo día, o alumnado que recibira libros do fondo solidario este curso e teña algunha materia suspensa pode solicitar levar durante o verán os libros das materias suspensas, que devolverán en setembro.
Tamén estará aberta a biblioteca do centro desde as 11:00 para alumnado que desexe levar algún libro de lectura para o verán.
IMPORTANTE: Lembren que a partir do día 23 xa non haberá transporte escolar
Para celebrar o Día do Medio Ambiente no Xulián Magariños o alumnado de FPB deseñou e plantou un horto escolar e o alumnado de ESO dirixido pola profesora Carmen Vales fixo un estudo sobre o lixo atopado nos arredores do centro e redactou unhas interesantes propostas de mellor que sen dúbida teremos en conta. Grazas a todos/as
A NOSA HORTA: Cultivaremos produtos de tempada e de xeito ecolóxico
Acaba de saír publicada a Orde de 6 de maio de 2021 que regula a participación nesta convocatoria.
INSTRUCIÓNS XERAIS (RESUMO DA CONSELLERÍA DE EDUCACIÓN)
Como en anos anteriores garante un mínimo de 6 libros de texto a alumnado con rentas familiares inferiores a 6000€ per cápita e axuda para material escolar por valor de 50€, e 4 libros de texto para rentas inferiores a 10000€ per cápita.
Lembramos que un requisito imprescindible para poder recibir estas axudas e os libros en réstamo é a devolución en bo estado dos libros que foran prestados ao longo deste curso. Próximamente informaremos do procedemento de devolución.
AVISO PARA ALUMNADO QUE VAIA CURSAR 1º ESO: O IES Xulián Magariños foi admitido no proxecto EDIXGAL polo que segundo o artigo 1.2 da convocatoria está excluído da participación no Fondo Solidario de libros pero sí pode solicitar a axuda para material escolar se reúne os requisitos.
PRAZO : O prazo de presentación de solicitudes remata o 22 de xuño de 2021.
COMO CUBRIR OS DATOS NA SOLICITUDE: Ver PDF adxunto
PRESENTACIÓN DAS SOLICITUDES
Recomendamos encarecidamente empregar a aplicación informática FONDO LIBROS https://www.edu.xunta.es/fondolibros para xerar e cubrir os datos da solicitude. Para facelo terán que identificarse na aplicación pulsando o botón verde da esquina superior dereita.
No caso de que non poidan presentalas pola sede electrónica, as datas para a presentación de solicitudes no centro serán escalonadas por protocolo COVID segundo o seguinte calendario e en horario de 9:30 a 14:00 horas.
- Alumnado que vai cursar 2º ESO : do 31 de maio ao 4 de xuño
- Alumnado que vai cursar 3º ESO : do 7 ao 11 de xuño
- Alumnado que vai cursar 4º ESO: do 14 ao 18 de xuño
Unha vez completado o impreso de participación na aplicación informática a solicitude numerada pódese presentar :
- por vía electrónica a través da sede electrónica da Xunta https://sede.xunta.gal (necesítase certificado dixital e adxuntar escaneada a documentación requerida )
- Presencialmente no centro educativo. Imprima a solicitude xerada na aplicación que terá que ser asinada por todos os membros da unidade familiar. Deberá traer ademáis a seguinte documentación: SEMPRE fotocopia do ou dos libros de familia /// Se está separado/a divorciado/a fotocopia da sentenza de separación/divorcio e convenio regulador onde conste a custodia do alumno/a /// Certificado de defunción se é o caso /// Cando non teña libro de familia ou este non reflicta a situación actual, deberá traer un volante de convivencia da unidade familiar que se solicita no concello.
Se por calquera motivo non pode cubrir a solicitude en Internet , na conserxería do instituto existen copias en papel que poden pasar a recoller.
O Equipo de Dinamización e Normalización Lingüística coordinado pola profesora Begoña Leal está volcado na celebración do Día das Letras Galegas.
O alumnado de 1º ESO e de 2º Bacharelato gravou poemas de Xela Arias que enviamos á radio, porque ían facer un programa sobre a poeta. Onte foron á radio Negreira as alumnas de 2º ESO que deseñaron o tríptico sobre Xela Arias que distribuiremos no centro.
Se che gustan as matemáticas, tes talento para elas e naciches nos anos 2007, 2008 ou 2009 podes apuntarte ao PROGRAMA ESTALMAT (Estimulación do Talento Matemático) da Universidade de Santiago de Compostela.
Tes de prazo entre o 6 de maio e o 1 de xuño. O proceso de selección consta de 2 fases:
-Unha proba de aptitude consistente na resolución dunha serie de problemas (EXEMPLO DE PROBA DE SELECCIÓN)
- Unha entrevista persoal para avaliar o interese e o compromiso de participación.
Os seleccionados comprométense a asistir ao longo dos cursos académicos 2021-22 e 2022-23, 20 sesións cada curso, ás actividades formativas que se programen nas mañás dos sábados (normalmente 20 sábados cada curso)
ECOAUDITORÍA DO LIXO NO PATIO
O departamento de Bioloxía e Xeoloxía coordina a primeira ECO-Auditoría no centro. Participa o alumnado de 1º ESO dirixido de xeito voluntario por alumnado de 2º BAC.
Aquí vos deixamos a súa crónica da primeira xornada:
"Onte levouse a cabo a primeira actividade consistente no estudo do lixo acumulado no patio, e, a pesares de que o tempo non acompañaba, cabe salientar que o alumnado non cegóu no seu empeño e fixo unha exhaustiva recollida e clasificación do lixo nas diferentes fraccións para a súa reciclaxe. A fracción de lixo dominante foi o da bolsa amarela ( plásticos e metais) dos que destaca pola abundancia as bolsas de alimentos elaborados (patacas fritas, gusanitos e semellantes, doces, chuches).
O propio alumnado quedóu sorprendido da cantidade de refugallos esparcidos polo entorno e sobre todo dos “alixos” escondidos nos arbustos e nos desaugues que estaban case atorados.
Tamén fixeron fincapé nos puntos de recollida de lixo: papeleiras, conterdores… indicando a localizción e estado de conservación.
Agora están a cubrir unha enquisa sobre os “Hábitos que ten cada un na xestión do lixo”.
Cando se procesen eses datos, o alumnado elaborará as propostas que poden contribuir á desaparición dese problema."
O Departamento de Bioloxía (e por extensión todo o centro) agradece a todo o alumnado participante o excelente traballo realizado e desexamos que esta pequena semente que plantamos hoxe, poida xermolar e medrar vigorosa ao longo do curso para que poidamos disfrutar dun entorno natural sen "adornos artificiais".
Onte e hoxe procedeuse ao reparto das máscaras para o alumnado, adquiridas en base ao Fondo de Reserva de Garantía Educativa, distribuídas seguindo o establecido na Orde do 6 de novembro de 2020. Se algún alumno/a que tivera dereito a elas non as recibiu por non ter acudido ao centro pode solicitalas á volta do período vacacional.
Xa está dispoñible a listaxe definitiva coa adxudicación dos libros de texto do fondo solidario. Para coñecer os libros adxudicados a cada alumno podedes consultar na web (na aplicación Fondo Libros, aqueles que teñades certificado dixital) ou no taboleiro de anuncios na entrada do instituto. No caso de ter que acudir ao centro por favor sede moi escrupulosos no cumplimento das medidas de seguridade: distancia, desinfección e mascarillas.
Só pode estar unha persoa consultando as listaxes, o resto debe esperar fora.
Non podemos facilitar información telefónica dos libros adxudicados.
