Novo curso de capacitación dixital 2024
O IES Santa Irene pertence á rede de centros de acreditación dixital. O primeiro obxectivo desta rede é abrir os centros educativos á poboación adulta que non estea recibindo formación no sistema educativo regrado. Para ela está dirixido un curso de formación de 30 horas de duración á que se lle ofrece unha competencia dixital básica.
O curso está financiado polo Fondo Social Europeo, polo que é gratuíto. Ao remate entregarase un certificado de asistencia e aproveitamento, co que se poderán acreditar unidades de competencia de cualificación profesional.
Desenvolverase na aula de informática do IES Santa Irene. A formación recibida será válida para manexarse con internet e con dispositivos electrónicos, coma móbiles ou tablets.
Cada curso atenderá a un mínimo de 10 alumnos/as e un máximo de 25.
O 1º curso de capacitación dixital desenvolverase entre o 02 de abril de 2024 e o 02 de maio de 2024, no seguinte horario:
- Martes e xoves, de 20:00 h a 22:30 h
A inscrición realizarase de forma presencial na secretaría do IES Santa Irene ou chamando ao 986 23 37 99. Tamén é posible realizar a inscrición online premendo AQUÍ.
Prazo para realizar a inscrición: ata o 31 de marzo de 2024.
A presentación do curso terá lugar o día do comezo do curso (02 de abril de 2024, ás 20:00 h)
