Convócase a I edición do English Photo Contest

2 Febreiro, 2015 - 11:13 — inglés

O IES Santa Irene convoca a I edición do English Photo Contest de acordo coas seguintes

Poderá participar todo o alumnado do centro. A participación neste concurso suporá a total aceptación destas bases.

As fotografías presentadas deberán ter algunha relación co idioma inglés.

Cada concursante poderá presentar unha imaxe orixinal e inédita. Non se admitirán, polo tanto, fotografías descargadas de internet.
As fotografías presentaranse en ficheiros JPG de 3 MiB como máximo cos metadatos orixinais e acompañadas dun título que se indicará separadamente no formulario de envío.
As fotografías non poderán ser retocadas ou alteradas con programas informáticos de edición de fotografía. Tampouco se aceptarán fotomontaxes. Permitiranse correccións de cor e luminosidade, así como a redución das dimensións orixinais.
As fotografías deberán enviarse mediante o formulario de participación no English Photo Contest.
O prazo de presentación das fotografías remata o venres día 27 de marzo ás 14 horas.
Unha vez rematado o prazo, as fotografías recibidas reduciranse automaticamente a unha resolución máxima de 1200×1200 píxeles e publicaranse na páxina do centro en Google+, onde as valorará o xurado.
Os premios poderán quedar desertos se non se presentan fotografías que cumpran estas bases e teñan a suficiente calidade para merecelos.
Os concursantes ceden ao IES Santa Irene todos os seus dereitos sobre as fotografías presentadas a concurso.

Á hora de elixir as fotografías premiadas valorarase:

a adecuación ao tema do concurso: o idioma inglés debe estar reflectido implícita ou explicitamente na fotografía
a creatividade, imaxinación, orixinalidade
a calidade fotográfica da imaxe