23.10.2023

Nesta primeira xornada micolóxica do Río Cabe o alumnado de 1º ESO, acompañado das súas profesoras Raquel Seoane e Nuria Mariño, foi testemuña da grande exuberancia dos montes da bisbarra monfortina.

A asociación micolóxica da propia vila, os Lactouros, foi a encargada de impartir unha breve formación e de acompañarnos na saída de campo que tivo lugar en Bóveda ao longo da mañá deste pasado 23 de outubro. Mais non só iso, senón que tamén fixemos partícipe dos nosos achados a toda a comunidade educativa a través da exposición que dispuxemos na entrada, na que se poden ver as diferentes especies cos seus respectivos nomes científicos, así coma unha recollida da gran diversidade de nomes existentes para referirse aos cogomelos, cantigas e refráns asiciados aos mesmos, et. na que, por certo, debedes participar!

Moitas foron as especies das que recollemos exemplares, dende amanitas ata linguas de vaca, e malia non termos atopado os ben apreciados boletos ou níscalos, prometemos volver ao monte na súa procura porque, agora si, somos quen de identificalos grazas aos nosos novos amigos de Lactouros.

Pica AQUÍ para ver a galería de fotos.

20.10.2023

O venres 20 de outubro o alumnado de 2º de BACH. de Relixión e Historia da Arte, acompañados das súas profesoras Fina Vázquez, Ángeles Vázquez e Ana Otero, fixeron unha visita ao Museo de Arte Sacro das Clarisas de Monforte de Lemos, o segundo máis importante de España.

Foi fundado no S.XVII polo VII Conde de Lemos e a súa muller Catalina de la Cerda, filla do duque de Lerma, tras regresar de Nápoles, onde Pedro Frenández de Castro foi Virrei

A visita foi do máis proveitosa, alí puidemos ver toda unha colección de relicarios, a maior parte do S.XVII (un dos cravos da cruz de Cristo, unha espiña da coroa, un fragmento de madeira da cruz...), así como obxectos litúrxicos (custodias, cálices, casullas, estolas, etc...), dous Ecce Homo, etc.

O que máis chamou a atención foron, entre outras cousas, unha réplica da cabeza de San Xoan Bautista e, sobre todo, a escultura do Cristo Xacente, feita en madeira policromada e obra do artista galego barroco Gregorio Fernández (Sarria).

Pica AQUÍ para ver a galería de fotos.

20.10.2023

O venres 20 de outubro, un grupo de ex alumnos visitou o instituto para compartir as súas traxectorias académicas e profesionais cos estudantes de 1º de Bacharelato. Neste caso, os relatores foron Carlos Ingunza, enxeñeiro en Organización Industrial, quen actualmente traballa como consultor nunha empresa en Madrid. Hugo Morales e Pablo Pérez, ambos os enxeñeiros en informática; Hugo traballa nunha empresa galega desenvolvendo aplicacións para móbiles, mentres que Pablo traballa no ámbito da banca en Chicago. Por outra banda, Rocío Álvarez-Cedrón, unha enxeñeira en telecomunicacións a pesar de non ser exalumna do instituto, veu proprcionar unha perspectiva valiosa nun campo tradicionalmente masculinizado. Rocío tamén traballa en Chicago, pero no seu caso para unha coñecida empresa de telefonía móbil.
 
Durante a actividade, os enxeñeiros brindaron información sobre os seus estudos, como elixiron as súas respectivas carreiras e como progresaron nos seus campos profesionais. Os estudantes de bacharelato tiveron a oportunidade de facer preguntas e obter consellos sobre as súas futuras eleccións académicas, así como comprender a importancia da diversidade de xénero e o traballo en equipo no ámbito laboral. Esta actividade proporcionoulles unha visión realista e motivadora das posibilidades educativas e profesionais que lles esperan despois de graduarse.

Moitas grazas por volver ao que foi a vosa casa. Desexámosvos moita sorte e moitos éxitos!

Agradecementos a Laura Cortiñas, PT do IES Río Cabe e exalumna do noso centro pola organización.

 A actividade enmárcase dentro do ciclo de relatorios de exalumnas e exalumnos do IES Río Cabe que volven ao centro para contarnos as súas experiencias académicas e profesionais.

Pica AQUÍ para visualizar a galería de imaxes. 

19.10.2023

Esta semana veu de visita ao centro a nosa excompañeira Ritu Alasmaki, a profesora finlandesa que no curso 2022-2023 estivo desenvolvendo un proxecto Erasmus de colaboración docente co Departamento de de Matemáticas do IES Río Cabe. Nesta ocasión acompañou ás profesoras Carmen Morais e Emilio Sotelo nunha das súas clases para saúdar ao alumnado de 1º e 2º Bacharelato. 

Grazas por vir e ata a próxima, Ritu!

11.10.2023

O 11 de outubro o alumnado de 3º ESO PDC e o alumnado de 4º ESO PDC acompañados das súas profesoras Carmen Quiroga e Rocío López participaron nunha actividade organizada polo equipo de Benestar Emocional do IES Río Cabe.

Tratouse dunha xornada de convivencia que se desenvolveu nas instalacións de AVENTURA SACRA en Sober, durante a cal o alumnado practicou o Paintball poñendo de manifesto a importancia que ten a colaboración e traballo en equipo no deseño e posta en práctica das estratexias de cada un dos equipos.

Resultou ser unha xornada ben proveitosa na que desfrutaron ao máximo desta experiencia.

E... xa esperando pola seguinte!

Pica AQUÍ para ver a galería de fotos.

11.10.2023

O mércores 11 de outubro, o alumnado de 4º ESO acudiu ás inmediacións do río Cabe para realizar a primeira inspeccións fluvial (a de outono) acompañados dos seus profesores, Jose Manuel Gil, Raquel Seoane e María Padrón

O Proxecto Ríos é unha iniciativa de concienciación, educación e participación cidadana en defensa dos ríos galegos. Este proxecto, promovido por ADEGA (Asociación para a Defensa Ecolóxica de Galiza), consiste na realización de inspeccións (dúas inspeccións, unha en outono e outra en primaveira) do estado dos ríos galegos por parte de personas ou grupos voluntarios a nivel local, co obxetivo final de facerse responsables da vixiancia (adopción) do río que pasa polo seu municipio ou localidad. A participación neste proxecto Ríos, tanto a nivel privado como de diferentes entidadesse concreta en dos inspecciones fluviales anuales, una en primavera y otra en otoño. O noso centro participa dende hai varios anos neste proxecto, baixo a supervisón dos Departamentos de Bioloxía e Física, co propósito de axudar na conservación dos ríos, dende a concienciación

A inspección consistiu no análise das características biolóxicas, físicoquímicas, hidromorfolóxicas e patrimonniais do ecosistema fluvial. Para realizar o seu traballo o alumando (organizado en grupos de cinco) foi dotado de todo o material de investigación necesario, dende pinzas, lupas, cintas métircas, ata redes e incluso vadeadores de pesca, xa que para obter algunhas das mostra a estudar (macroinvertebrados) tiñan que adentrarse no río. Estas saídas teñen moi boa acollida por parte do noso alumnado, xa que lles permite converterse en verdadeiros investigadores, utilizando a súa contorna máis próxima como aula improvisada.

Voltaremos!

 Pica AQUÍ para ver a galería de fotos.

11.10.2023

O 11 de outubro tivemos a sorte de contar no noso centro educativo con Abraham Cupeiro (Sarria, 1980). Dentro da actividade "Resoando no pasado", o músico mostrou toda unha colección de instrumentos celtas, persas, romanos, chineses... ata a actualidade. Mesturando historia e música, Abraham cautivou a todo o público da man dos instrumentos, algúns con máis de 2000 anos de antigüidade, e da súa voz.

A actividade tivo grande acollida entre o alumnado que non parou de facerlle preguntas intrigado por todo o que estaba a ver.

Dende o IES Río Cabe desexámoslle moitos éxitos e agardamos velo de novo. 

Pica AQUÍ para visualizar a galería de fotos da actividade.

O 2 de outubro de 2023 o noso alumno de 2º Bacharelato Alexandre Maceda Fernández,  e as nosas antigas alumnas Sara Rodríguez Rodríguez, Miguel Vega López, Sara Rodríguez Traveso e Saleta Losada Cuervo, xunto co seu profesor de Economía Emilio López Mariño, resultaron gañadores do Concurso Financieiro celebrado en Sevilla. Deixámosvos aquí o vídeo. Moitos parabéns e a seguir colleitando éxitos.

06.10.2023

Un ano máis o IES Río Cabe participa na Andaina Escolar polo Camiño de Inverno, este ano 2023 coa súa sexta edición acudiu o alumnado de 3º ESO e 4º ESO acompañado das docentes Javier Barros, Nerea Iglesias, Nuria Mariño, Raquel Seoane e Emilio Sotelo. Xunto cos demais centros da comarca, saíron dende Cereixa para percorrer varios quilómetros por parte deste entorno tan marabilloso como é o Camiño ata chegar a Monforte de Lemos.

Foi unha mañá ben entretida entre compañeiras e compañeiros, docentes e natureza; incluso fixeron unha bandeira con todos os panos!

A actividade rematou no "cadrado" de Monforte de Lemos xunto cos outros centros educativos.

Para o ano máis!

Como levamos facendo estes anos, o IES Río Cabe quere darlle o recibimento ao alumnado de 1º Bacharelato que, ou ben se incorpora de novo, ou ben continúa no centro, cun xantar de benvida. Para iso, alumnado e profesorado xantaron todos xuntos o 5 de outubro no Club Fluvial onde aproveitaron para coñecerse e intercambiar experiencias destas primeiras semanas de curso.

Agardamos que fose do seu agrado!