Curso 2023/24
Curso de Capacitación Dixital. Xantar peruano
08.11.2023
O 9 de novemebro o noso alumno JR do curso de Capacitación Dixital organizou un xantar típico peruano para os seus compañeiros/as e profesorado que durante estas semanas compartiron aulas. Foi unha xornada na que se puideron degustar pratos propios do Perú. Moitas grazas JR por achegar o Río Cabe ao un país tan fermoso como é Perú.
Aquí podemos ver dúas fotografías de bebidas e pratos típicos do Perú
Todos os cursos. Magosto
13.11.2023
O luns 13 de novembro de 2023 celebramos o Magosto no IES Río Cabe no recreo (diúrno e nocturno) con bolos preñados, bica e cholote quente!
DIÚRNO:
NOCTURNO:
Pica AQUÍ para ver a galería de fotos
2º ESO. Museo de Lugo e Lucus Aventur (parque multiaventura). Lugo
07.11.2023
Hoxe foi un día excepcional para os alumnos de 2º ESO e os seus cinco docentes: Pablo Álvarez, Sara Porrit, Marcos López, Rocío López e Laura Rodríguez.
Partimos pola mañá cara ao Museo de Lugo, pero esta visita foi diferente ao que estamos acostumados. En lugar dun percorrido tradicional, exploramos as diversas salas do museo a través dos capítulos do libro "Contos de fantasmas no museo". Foi unha experiencia enriquecedora que permitiu ao noso estudantado coñecer moitas obras de arte de maneira única. Tras esta visita, o alumnado tivo tempo libre para pasear pola histórica muralla de Lugo.
Ao mediodía, dirixímonos ao parque multiaventura Lucus Adventure. Alí, aproveitamos para comer nese entorno natural uns bocadillos e froita proporcionada polo centro. Cheos de enerxía, continuamos cunha xornada de deporte e aventura: varios circuítos con tirolinas e un campionato de minigolf.
Foi un día marabilloso cheo de diversión, aprendizaxe e vínculos entre compañeiros e compañeiras. Todos esperamos con ansia a próxima oportunidade para repetir esta emocionante experiencia. Grazas a todos os estudantes, docentes e persoal que fixeron posible este día inesquecible.
Pica AQUÍ para ver a galería de fotos.
Todos os cursos. Festa do Samaín
03.11.2023
Coma todos o anos, dende o IES Río Cabe festexamos o Samaín e para iso, en colaboración coa Biblioteca do instituto e coa profesora Flor, decidimos que a temática deste ano sería "Día de Mortos en México". Foi todo un éxito!
As actividades propostas para ese día foron, á parte dos disfraces, unha actuación musical da man da nosa alumna Ariadna de 2º Bacharelato acompañada do profesor Xurxo, ambos os dous amenizáronnos interpretando a canción "La llorona" de Chavela Vargas.
A continuación, o alumnado de 1º ESO e 2º Bacharelato visualizaron unhas curtas de medo na Biblioteca, cómpre destacar que unha delas está protoganizada por alumnas do IES e gravada no centro. Terrorificamente espectaculares!
Moitas grazas a todas e a todos por colaborar e ata a próxima festa!
Pica AQUÍ para ver a galería de imaxes.
IES Río Cabe. Decoración de aulas Samaín
Outubro 2023
No IES Río Cabe estamos inmersos na semana do Samaín e para iso o alumnado decorou a súa aula de acordo con esta festividade, este ano a temática é Día de Mortos en México.
Temos no IES Río Cabe grandes artistas!
Pica AQUI para ver a galería de fotos das aulas decoradas.
Bo Samaín!
IES Río Cabe. Despedida das profesoras Eva e Consuelo
31.10.2023
O 31 de outubro de 2023 antigo e actual profesorado do IES Río Cabe reuniuse para despedir do noso centro a dúas docentes que marchan del: Eva (profesora de Música) e Consuelo (Orientadora). No restaurante Manuel Bistró de Monforte de Lemos, riocabenses reunímonos para desexarlles moita sorte na nova etapa que comezan a dúas grandes profesionais que pasaron no centro case 20 anos.
Isto non é un adeus é un ata a próxima.
Moitas grazas por todos os momentos compartidos, Eva e Consuelo!
Xa formades parte da gran familia riocabense.
Pica AQUÍ para ver a galería de fotos.
Alumna do IES Río Cabe 3ª Clasificada no IX Concurso Proxectos Empresariais Semente Ribeira Sacra.
O pasado sábado 29 de outubro de 2023 no Parador de Monforte de Lemos a alumna Noelia Rodríguez do Ciclo Superior de Guía, Información e Asistencia Turística do IES Río Cabe acadou o terceiro premio do IX Concurso de Proxectos Empresariais Semente Ribeira Sacra, valorado en 4000 euros.
O seu proxecto chámase Bikarte e consiste nunha empresa de alugueiro de bicicletas con servizo de visitas guiadas a través dunha App que nos permite coñecer roteiros diferentes con contido cultural, patrimonial, artístico e natural.
Bikarte pretende posicionarse no mercado de Turismo Activo a nivel nacional e internacional e ser un referente de empresa sostible e responsable co medio ambiente na Ribeira Sacra respondendo á necesidade de mobilidade alternativa ó transporte motorizado tradicional.
O proxecto de Noelia estase convertendo en realidade, grazas á campaña de divulgación que a Asociación Semente de Monforte desenvolve nos Institutos de secundaria e nas universidades galegas. A asociación vai celebrar unha década incentivando proxectos empresariais para dinamizar e innovar no medio rural. Co Concurso de Proxectos Empresariais Semente Ribeira Sacra, a asociación, que engloba a Universidades, Empresas, Administracións e particulares, quere axudar a emprender esas ideas innovadoras que poden mellorar a nosa calidade de vida.
Parabéns a Noelia Rodriguez, ó alumnado do Ciclo Superior de Guía, Información e Asistencia Turística do IES Río Cabe, as súas profesoras e a Asociación Semente Ribeira Sacra polo traballo realizado.
Máis información do Concurso de Proxectos Empresarais Semente Ribeira Sacra en:
- APIs de Blogue
- Calendario
Únete aos recreo activos
Dende o IES Río Cabe en colaboración co Departamento de Educación Física póñense en marcha os recreos activos con voleibol e retos de calistenia.
Distribución semanal:
Voleibol: martes e xoves
Retos de calistenia: venres
Inscricións: na conserxería ata o 3 de novembro
Recordade que todos os equipos deberán presentarse no pavillón o 6 de novembro ás 11:15 h.
Animádevos e recordade: mens sana in corpore sano!
4º ESO - 1º Bacharelato. Por un mundo en paz
26.10.2023
O 26 de outubro o alumnado de 4º ESO e 1º Bacharelato, coa axuda das súas profesoras Anuncia López e Nuria Mariño, elaborou unha serie de pancartas en varios idiomas: galego, ucraíno, castelán... en apoio á paz do mundo e ao respeto dos pobos.
Vaia dende aquí o noso pequeno xesto solidario coa esperanza de que os conflitos que a día de hoxe seguen activos cesen para poder vivir nun mundo libre e sen guerras.
4º ESO. Relatorio "Charlas- coloquio sobre o Parlamento de Galicia"
25.10.2023
Dentro do programa "Charlas-coloquio sobre o Parlamento de Galicia" o 25 de outubro o alumnado do IES Río Cabe de 4º ESO recibiu ás exdeputadas Julia Rodríguez Barreira (PP) e María Xosé Vega Buxán (BNG) -exalumnas do noso centro educativo- xunto co exdeputado Miguel Ángel Fernández López (PSdG).
Presentados pola profesora Pilar López e moderando o relatorio a profesora Ana Otero, os tres exmembros do Parlamento de Galicia fixeron cadansúa presentación sobre o traballo que se desenvolve no Parlamento e o labor que o seu grupo político levou a cabo durante o seu período como deputadas.
O alumnado fíxolle preguntas do máis interesantes e variadas sobre a institución representativa do pobo galego que os tres responderon amplamente.
Dende o IES Río Cabe queremos agradecer a súa visita e felicitar ao Parlamento de Galicia pola grande importancia deste tipo de actividades que mostran e espallan os valores da democracia entre a xente moza.
Pica AQUÍ para ver a galería de fotos.
- « primeira
- ‹ anterior
- …
- 6
- 7
- 8
- 9
- 10
- 11
- 12
- 13
- 14
- seguinte ›
- última »