O pasado 24 de maio o alumnado de 1º ESO de Ciencias Naturais, acompañados pola súa profesora Dolores Castro, desenvolveu parte do traballo de aula no Museo de Historia Natural da USC.

No enlace pódese consultar as listaxes definitivas de alumnado seleccionado e suplente correspondentes ao disposto no artigo 17.6 da Orde do 4 de febreiro de 2019 pola que se convocan axudas para a realización de actividades de formación en linguas estranxeiras no ano 2019, destinadas ao alumnado dos centros docentes sostidos con fondos públicos.

Listados.

Onte, a iniciativa do alumnado de Bioloxía de 1º de bacharelato, realizamos no centro un acto simbólico de apoio ao movemento FridaysForFuture que recolle a prensa de hoxe. 

Faro de Vigo.

La Voz de Galicia.

Co relato "Horizante con neboeiro", unha reflexión sobre o rural vaciado, Teresa Iglesias vén de gañar o 1º Premio Relato Curto categoría adultos convocado pola FANPA. Parabéns.

O pasado martes 28 de maio tivo lugar o acto de graduación do alumnado de 2º de bacharelato organizado por eles mesmos. No enlace, podedes ver os vídeos proxectados no teatro. Parabéns.

Vídeo do alumnado coordinado por Xoán Xosé Pérez.

Vídeo de Marisa Otero.

Xefatura de estudos vén de publicar o calendario de exames correspondentes á avaliación ectraordinaria de 2º de bacharelato e das materias pendentes de 1º. Lembrade que os exames de setembro agora son en xuño para 2º.

Calendario.

Mañá martes 28, ás 20 horas, na sala de usos múltiples do centro, Fesanpas e a ANPA organizan unha charla sobre o acoso escolar a cargo do profesor da USC Carlos Vila Lago. Contamos con vós.

Como todos os anos, precisamos que todos os libros estean devoltos entre o 27 de maio e o 3 de xuño. Nestas semanas revisaremos todos os fondos para que os libros (tamén películas, cedés, cómics...) poidan marchar de vacacións con todos vós, polo que non se poderán facer préstamos ata 15 de xuño.

Este venres 31, no 2º recreo, disfrutaremos das recomendacións de lectura dos alumnos de Sonia Iglesias.

O vindeiro mércores 5 de xuño, no 2º recreo, proxectaranse os traballos de Literatura Universal baixo a coordinación de Soraya Suárez. 

• Mañá, xoves 23 de maio no 1º recreo, final do campionato de Fraguas. Aínda estás a tempo de gañar. Ao final do recreo entregaránse os tres premios.
• Tamén o xoves 23, no 2º recreo proxectaremos os traballos realizados polos alumnos dirixidos por Sonia Iglesias.
• O venres 24 veremos os vídeos feitos polo alumnado de Literatura Universal baixo a coordinación de Soraya Suárez.

A próxima semana teremos outro pase tamén xoves e venres. Aínda que haxa sol, podes entrar a disfrutar das propostas dos compañeiros.

Seguimos coas actividades do Día das Letras Galegas!!! Apúntate no primeiro recreo do luns ou proba a ver se es un dos 6 primeiros en achegarte a xogar. Temos un taboleiro, 6 fichas, unhas preguntiñas e uns premios do teu gusto.

Haberá tres premios (1º, 2º e 3º ). Anímate!!!

O Museo Pedagóxico de Galicia festexa o día das Letras Galegas homenaxeando a Antonio Fraguas cun roteiro polo museo a través dunha serie de pezas prodecentes dos centros educativos nos que estudiou ou traballou como profesor. 

Dende o seu Facebook agradece ao Instituto Manuel García Barros da Estrada a cesión de varias pezas para esta ocasión.

Durante as dúas próximas semanas, do 20 ao 31 de maio, se repartirár froita fresca de tempada, durante o 1º recreo, ao alumnado da ESO.

Esta iniciativa forma parte da campaña de distribución de froita fresca convocada polo Fondo Galego de Garantía Agraria.

O alumnado que teña unha nota media no bacharelato igual ou superior a 8,75 puntos  poderá concurrir as probas para acadar un dos 20 premios extraodinarios de bacharelato convocados pola Consellería de Educación e cunha dotación de 1000 Euros cada un.

O prazo para matricularse nestes premios finalizará o 28 de maio de 2019.

A matrícula (non se pode facer no centro) farase preferentemente de forma electrónica ou en papel nun rexistro público oficial.

O enlace que figura ao final desta nova da acceso a publicación no DOG da convocatoria.

ORDE do 28 de marzo de 2019 pola que se convocan os premios extraordinarios de bacharelato correspondentes ao curso 2018/19.

O alumnado de 2º de Bacharelato poderá reclamar, de xeito fundamentado, as cualificacións obtidas tanto na convocatoria ordinaria (maio) como extraordinaria (xuño). Para o caso da convocatoria extraordinaria, as datas oficiais de reclamación no centro non poden cumprirse polos festivos locais (26 e 27 de xuño). Inspección Educativa autorizou novas datas, os días 25 e 28 de xuño. O alumnado levará cos boletíns de notas unha circular explicativa, que tamén podedes consultar aquí.

Circular explicativa.

Normativa xeral.