Hoxe venres 10, no segundo recreo, haberá unha proxección na MeGaBiBlio de traballos realizados nas aulas de Lingua Castelá baixo a dirección de Sonia Iglesias.

Mañá martes 7 de maio, os membros do clube de lectura xantaremos xuntos para charlar sobre estes libros:

• Grupo Autoestradas: Cabalos e lobos
• Grupo Corredoiras: Escarlatina a cociñeira defunta.

Parabéns no nome de toda a comunidade educativa.

Faro de Vigo.

Ata o vindeiro luns 6 de maio estarán expostos no hall do primeiro andar do centros os carteis da exposición "Científicos Galegos 2008-2018", cedidos ata esa data pola Real Academia Galega de Ciencias. Nela poderemos aprender sobre a vida e obra de sobranceiros científicos galegos que dende o ano 2008 ata o 2018 foron homenaxeados con motivo do Día da Ciencia en Galicia. Informarvos tamén que o Científico Galego 2019 corresponde á figura do químico Tomás Batuecas.

O pasado venres 26 de abril varios equipos formados por alumnos e alumnas de 1º de Bacharelato que cursan Tecnoloxía Industrial I conseguiron un éxito sen precedentes na V competición de robots da Universidade de Vigo: dos 6 equipos que polo noso centro se inscribiron á competición, 5 deles chegaron á final acadando dous deles o 1º e o 3º posto! Cómpre engadir que a esta competición acudiron máis de 150 equipos de institutos de toda Galicia, polo que os seus profesores e resto da comunidade educativa non podemos estar máis orgullosos dos nosos alumnos, independentemente de que acadaran ou non o podio, dado que todos eles amosaron unha gran capacidade de traballo en equipo e de entrega por acadar este gran éxito para o centro.

Parabéns e bravo por eles!!

Notas de prensa:

Temos a honra de ter na Estrada a un referente na educación da convivencia, Juan Vaello Orts. É psicopedagogo, titor na UNED de Benidorm de Psicoloxía da Motivación e de Psicoloxía da Emoción, e habitual colaborador en Cursos de Formación do Profesorado.

Ao longo da súa extensa vida profesional foi mestre, profesor de filosofía, director do IES Bernat de Sarriá de Benidorm e autor de varios libros, (Resolución de conflictos en el aula (2003), Las habilidades sociales en el aula (2005), Cómo dar clase a los que no quieren (2007), El profesor emocionalmente competente (2009), Claves para gestionar conflictos escolares (2012), ademais de numerosos artigos.

A asistencia é aberta e non se necesita previa inscripción. O seminario de mellora da convivencia anima a asistir a todo o profesorado, sexa ou non do propio centro.

O vindeiro venres no 2º recreo, visualizaremos os Catalibros realizados polos alumnos da materia de Lingua Castelá coa profesora Sonia Iglesias, que conseguirán a chapa da Biblio.

Tamén faremos pública a presentación sobre a historia do libro realizada polos nove centros educativos de A Estrada.

Mañá mércores no 2º recreo, visualizaremos os Catalibros realizados polos alumnos de 1º de Bacharelato na materia de Lingua Castelá coa profesora Sonia Iglesias.

Logo faremos pública a presentación sobre a historia do libro realizada polos nove centros educativos de A Estrada.

Durante estes días veredes unha estantería na que colocamos libros que podedes levar para as vosas casas se son do voso interese. Estes materiais foron doados por profesorado e alumnado do centro, e agradecémosllelo ofertándolles aos libros unha nova andaina.

A maqueta do noso centro que dende hai uns días podedes ver suspendida na entrada do edificio foi realizada en cartón pluma a escala 1/50 polo alumnado de Volume do Bacharelato de Artes. 

O alumnado de 4º ESO de Economía participou o día 10 de abril no programa CORES nas instalacións da Escola Galega de Consumo en Santiago. A sesión desenvolveuse en tres obradoiros: Etiquetado dos alimentos, Marcas e Consumo responsable. A actividade foi organizada polo Dpto. de Economía.

Parabén no nome de toda a Comunidade educativa.

A nova na prensa:

La Voz de Galicia

Faro de Vigo

O pasado xoves 4 de abril, na facultade de Filoloxía da USC, as alumnas de 2BAC Patricia Riveiro, Alexandra Gambino e Carlota Goldar, participaron nas probas de tradución de grego, dentro da V Olimpíada de tradución de textos clásicos organizada por SEECGalicia. A festa de entrega solemne de diplomas a todos os participantes e de premios aos tres primeiros clasificados en cada modalidade terá lugar o próximo 15 de maio na mencionada Facultade de Filoloxía. 

Logo da charla organizada polo Departamento de Orientación e impartida polo profesor Augusto Otero (4 de abril) para o alumnado de 2º Bacharelato sobre a normativa vixente e aspectos prácticos da ABAU 2019, adxuntamos ficheiro do contido da mesma que pode ser consultado neste documento.

No enlace podedes consultar a convocatoria de reunión da ANPA.

Convocatoria.

Podedes ler a información sobre a exposición do alumnado de Artes na prensa de hoxe.

La Voz de Galicia.

Faro de Vigo.