Actividades

O IES Valga acada un dos premios a proxectos de innovación na FP

Mér, 23/05/2018 - 18:57 — IES de Valga

A resolución do 22 de maio de 2018 da Dirección Xeral de Educación, Formación Profesional e Innovación Educativa pola que se resolven os premios para o desenvolvemento de proxectos de innovación tecnolóxica ou científica e proxectos de innovación didáctica no ámbito da Formación Profesional en centros públicos dependentes da Consellería de Cultura, Educación e Ordenación Universitaria otorgou ó noso IES o premio ó proxecto: "Construción dunha maqueta de nave industrial mediante impresión 3D". O IES Valga participa como centro coordinador e colabora a empresa Gama e Hijos, S. L. como centro de traballo asociado.

Na ligazón http://www.edu.xunta.gal/portal/node/25056 atópase a nova.

Picando aquí podes consultar tódolos proxectos premiados e, entre eles, o proxecto do noso centro.

O IES Valga participa nos premios a proxectos de innovación na FP

Mar, 06/03/2018 - 19:51 — IES de Valga

A Consellería de Educación convoca anualmente uns premios a proxectos de innovación na FP. Este ano o IES de Valga participa, como centro coordinador, nesta convocatoria de premios cun proxecto titulado "Construción dunha maqueta de nave industrial mediante impresión 3D", no que colabora a empresa Gama e Hijos como centro de traballo asociado. Na ligazón http://www.edu.xunta.es/fp/webfm_send/7410 atópase a relación de tódolos proxectos presentados, na que o proxecto do noso centro aparece como admitido.

WELDCUP 2107

Mér, 11/10/2017 - 08:57 — IES de Valga

O noso recentemente alumno titulado de 2º Ciclo Medio de Soldadura e Caldereiría, Julián Fernández Souto, gañador do GaliciaSkills 2016 na especialidade de soldadura e medalla de bronce no SpainSkills 2017, acadou un cuarto posto na WELDCUP 2017, Competición Internacional Europea para mozos soldadores, celebrada en Düsseldorf (Alemaña). Parabens.

Julián Fernández Souto cuarto posto na Weldcup 2017

Alumnos de 2º de Ciclo Medio de Soldadura en Holanda

Mér, 15/03/2017 - 22:58 — IES de Valga

Os alumnos Roberto Otero e Darío Gómez do segundo curso do Ciclo Medio de Soldadura están realizando a FCT (prácticas en empresa) en Holanda, nunha empresa adicada ao desenvolvemento e fabricación de artigos deportivos en aluminio e aceiro. Esta estadía comezou o 1 de marzo e rematará o 31 de maio, realizándose dentro do programa Erasmus +.

Julián Fernández medalla de bronce na fase estatal das olimpíadas de FP

Mar, 07/03/2017 - 11:40 — IES de Valga

O alumno de 2º Ciclo Medio do noso Centro, Julián Fernández Souto, foi medalla de bronce nos premios estatais de FP, SpainSkills, na categoría de soldadura; nesta competición promovíanse as competencias de destrezas.

Acompañado do seu profesor, Javier Hermida Liñeira, estivo representado a Galicia do 1 ao 4 de marzo en Madrid nestas olimpíadas de Formación Profesional tras acadar a medalla de ouro nas probas galegas o pasado mes de decembro. Noraboa polo posto e traballo realizado a alumno e titor.