IES Castelao

O día 10 de marzo inícianse as actividades do programa "Lectura e Familias" do IES Castelao organizado pola Biblioteca Ramiro Fonte.

O programa está dirixido a nais ou pais, titores e titoras do alumnado da comunidade educativa, interesadas tanto no fenómeno da lectura e no seu papel de formadores dos pequenos lectores e lectoras como en estratexias de actuación cara a diversos problemas que xorden na adolescencia, prestándolle especial atención ao mundo do libros e a información.

Pódese consultar clicando aquí ou na imaxe superior. As persoas interesadas en asistir deberán anotarse no formulario enviado por SMS aos responsables do alumnado.

          Un ano máis, chegou o momento de dicir palabras de amor.

          Nesta ocasión o alumnado dispón dun muro como o da casa na que viviu quen inspirou o amor dunha das grandes parellas de namorados da historia da literatura (Romeo e Xulieta), para escribir as súas mensaxes.

          Desde a biblioteca fornecemos a quen queira dispoñer delas palabras de amor, para lelas ou para dicirllas a alguén.

          E, por certo, se non sabes a historia do santo, pódeste informar tamén no vestíbulo!!!

          Feliz Día de San Valentín ♥

Álbum: Curso 2021/2022 -> San Valentín

          Un ano máis, chegou o momento de dicir palabras de amor.

          Nesta ocasión o alumnado dispón dun muro como o da casa na que viviu quen inspirou o amor dunha das grandes parellas de namorados da historia da literatura (Romeo e Xulieta), para escribir as súas mensaxes.

          Desde a biblioteca fornecemos a quen queira dispoñer delas palabras de amor, para lelas ou para dicirllas a alguén.

          E, por certo, se non sabes a historia do santo, pódeste informar tamén no vestíbulo!!!

          Seguindo coas exposicións de debuxos do alumnado de Plástica, podemos gozar agora na biblioteca das fermosas Metamorfoses que debuxantes de 1º e 2º de Bacharelato plasman combinando ou ben plantas con cunchas ou ben plantas con insectos.

          O resultado é extraordinario, abofé. Non deixedes de visitar esta exposición!

Álbum: Curso 2021/2022 -> Metamorfoses

           Ao longo da semana que remata celebramos varias sesións de achegamento á figura e á obra de Verne, con grupos de ESO na biblioteca e con 1º de Bacharelato no Paraninfo. Pensamos que serviron para espertar ou afianzar o interese polo escritor internacional, tan vencellado á nosa cidade.

          Aínda queda por vir o 18 de febreiro, data do aniversario da chegada do Nautilus á baía de Vigo no capítulo VIII da 2ª parte de Vinte mil leguas baixo dos mares, que a cidade celebrará da man da Sociedade Jules Verne de Vigo, coa lectura íntegra dese capítulo, ao pé da emblemática escultura do escritor sentado nun polbo xigantesco.

Álbum: Curso 2021/2022 -> Lendo a Verne

          Un ano máis celebramos esta data no noso calendario de lectura.

          Por que? Porque os días 7-8-9 de febreiro celébrase a nivel mundial o "Día de Ler a Verne" coincidindo coa súa data de nacemento (Nantes, 8 de febreiro de 1828). 

          Por que nós? Porque Vigo é unha cidade moi verniana xa que aquí chegou o Nautilus, o submarino do capitán Nemo, o 18 de febreiro de 1868, na súa novela Vinte mil leguas baixo dos mares, e porque tamén Verne viaxou despois, en dúas ocasións, á nosa cidade. 

          Así que podes ler hoxe, na Hora de Ler, o capítulo  A baía de Vigo da súa novela citada.

           Tamén podes ver ilustracións e traballos diversos feitos polo alumnado do instituto no curso 2017/2018, no proxecto "Viaxando con Verne", así como ler o resto da novela resumida.

          Neste mes de xaneiro, no que Castelao naceu (día 30) e faleceu (día 7) adoitamos dedicarlle algunhas sesións informativas para que o alumnado deste centro de secundaria que leva o seu nome saiba algo máis del.

          Centradas no nivel de 2º da ESO, desenvolvéronse na biblioteca e mais no vestíbulo do instituto ao longo desta semana que remata o 30 de xaneiro, data na que se celebra, conmemorando o nacemento de Castelao en 1886, o Día da Ilustración, este ano adicado a Reimundo Patiño.

          Tamén distribuímos cuestionarios e pasatempos arredor da figura de Castelao, coa mesma finalidade divulgativa. Nas imaxes recóllense algúns momentos destas actividades.

A semana do 17 ao 21 de xaneiro o departamento de Educación Física organizou uns obradoiros de béisbol para o alumnado de 1º e 2º da ESO. Os talleres foron impartidos por Fernando do clube de Béisbol Trasnos.

Mirade que xeitiño ten o noso alumnado.

Álbum: Curso 2021/2022 -> Béisbol

O pasado mércores 19 de xaneiro o alumnado de 1º ESO participou nunha obradoiro sobre violencia de xénero no novo contexto dixital da man de Haizea Álvarez.

Álbum: Curso 2021/2022 -> Ciberviolencia de xénero

          Se queredes sentirvos moi ben, coma no ceo, visitade a biblioteca e contemplade estas estrelas que debuxou o alumnado de 3º A. Decoran tres das mesas longas.

          Continuamos ofrecendo mostras de bo facer por iniciativa do departamento de Plástica, contribuíndo a crear na biblioteca un espazo agradable, luminoso, acolledor, creativo...

          Visitádea!