IES Campo de San Alberto

Alumnado da categoría cadete do centro acudiu, o 3 de decembro, a Serra de Outes para participar nun campionato de bádminton.

Foron acompañados polos profesores de Educación Física.

Igaciencia (www.igaciencia.eu)  é a asociación de profesores/as que traballa a prol da Ciencia Galega e do Galego na Ciencia. Todos os anos celebra o día da Ciencia en Galego o 4 de Novembro; pero que se fai extensible a unha semana ou todo o mes de Novembro, para a realización de diferentes actividades, tanto nos Centros de Ensino, como visitas a exposicións,…

Este ano a Asamblea de Nacións Unidas decretou o ano da Luz e do Solo, polo que propuxeron actividades relacionadas con esta temática.

As profesoras do Departamento de Física e Química visitaron o día 5 de Novembro a exposición “A Ciencia e a Tecnoloxía da Luz” cun grupo de 40 alumnos/as  de 1º de Bacharelato do noso Centro, na galería de Sargadelos, en Santiago de Compostela.

Alí poideron disfrutar dunha serie de actividades interactivas con material relacionado coa luz, distribuído en varias “mesas de traballo”: placas fotovoltaicas, multiplicador de imaxes por espellos, fibra óptica, banco óptico, espellos cóncavos e convexos, …e así observaron diferentes fenómenos como a reflexión, refracción, defectos visuais como a miopía, hipermetropía,..,e como correxilos; ilusións ópticas como a formación de imaxes en 3D mediante unha aplicación do móbil …

Outra sala estaba adicada á robótica, onde poideron ver diferentes aparatos con sensores de luz, de cor, temperatura, …

Por último, na exposición había unha serie de paneis explicativos sobre a definición de luz, movemento ondulatorio, diferentes tipos de radiacións e aplicacións, árbore cronolóxico sobre os diferentes avances científicos, formación do arco da vella e relación entre arte e ciencia (sol/estrelas, día/noite)…

O alumnado de 3º ESO  do IES Campo de San Alberto e de 1º Bacharelato do IES Virxe do Mar participaron nunha excursión conxunta para asistir na Cidade da Cultura á presentación do derbi galego entre o Deportivo e o Celta deste sábado 21 de novembro en Riazor.

Presentouse unha peza audiovisual que invita ás dúas afeccións a unirse para gozar do noso derbi "Imposible sen ti".

A este acto acudiron, entre outros, os adestradores dos dous equipos, Víctor Sánchez del Amo e Eduardo Berizzo,  os xogadores Álex Bergantiños e Sergio Álvarez, o secretario xeral para o Deporte, José Ramón Lete Lasa e o presidente da Xunta de Galicia, Alberto Núñez Feijóo. O acto foi presentado por Terio Carrera. 

Ao final do acto o alumnado poido facer preguntas e fotografiarse cas personalidades asistentes.

A noticia saíu en numerosos xornais e programas de televisión.

Con motivo da celebración do VI Día da Ciencia en Galego, 

o mércores 4 de novembro, o alumnado da materia de Anatomía Aplicada e de Ciclo de Laboratorio, asistiu a unha videoconferencia no salón de actos do centro organizada pola Coordinadora Galega de ENDL.

Título: A máquina que constrúe a mente e a realidade.

Relator: Xurxo Mariño Alfonso, biólogo e Doutor en Ciencias Biolóxicas pola Universidade de Santiago de Compostela (1998), profesor do Departamento de Medicina da Universidade da Coruña. 

Sinopse

Todo o que somos cada un de nós, o que percibimos, o noso "eu", as emocións cotiás, todo iso é unha construción elaborada por unha máquina que levamos dentro do cranio: o encéfalo. Aí dentro temos miles de millóns de células, as neuronas, que utilizan a electricidade para comunicarse entre elas e, dese xeito, crear a mente e a realidade. Como funciona esa máquina da mente? A onde vai o "eu" cando durmimos? Poden construírse máquinas artificiais que teñan mente?

Ademais de seguir a videoconferencia, tivemos a posibilidade de interaccionar a través de twitter co hashtag #cienciaengalego.

Este curso temos para vos todos os libros de lectura obligatoria e optativa que vos recomendan os profesores.

Tamén incorporamos novos títulos de actualidade como os que observades na imaxe.

Esperamos que vos gusten e que os disfrutedes.