IES Campo de San Alberto

Este ano, homenaxearase a figura de Carlos Casares, autor a quen se lle adica este ano o día das Letras Galegas coa celebración dun Faladoiro sobre o escritor no que estará presente o seu fillo Hakan Casares e Xavier Castro, director do IES Virxe do Mar, que vén en calidade de profesor especialista en Lingua e Literatura Galegas.

Teremos como convidados a Luís Avilés, fillo de Avilés de Taramancos de quen se celebrou este ano o 25 aniversario do seu pasamento, para que nos fale do seu pai, para o cal contaremos tamén coa presenza de Pilar Sampedro.

Outros convidados serán os escritores Suso de Toro e Marina Mayoral. O mes completarase con saídas ao teatro e actividades organizadas polos diferentes departamentos.

Contaremos ademais coa exposición "Criaturas" de Jorge García Valenciano, diario de viaxe, fotografía e aventura.

Se o desexas, podes premer no cartel para ver o calendario de actividades.

Laura LOJO RODRÍGUEZ é profesora titular no Departamento de Filoloxía Inglesa e Alemá da Universidade de Santiago de Compostela, onde ensina literatura en lingua inglesa e estudos de xénero. Laura dirixe o grupo de referencia competitiva ‘Discurso e Identidade’, financiado pola Xunta de Galicia, e o grupo de innovación docente ‘Identidade e Estudios de Xénero na cultura e literatura anglófona’.

Presentación sobre Virxinia Woolf

E seguimos traballando en proxectos europeos. Esta vez no Erasmus+ "Lighthouses and Stations. Trip to Ithaca".

Podes enterarte de que vai, lendo o artigo que acaba de saír na prensa (pica na imaxe da esquerda).

Aínda que se queres ver a cantidade de cousas tan interesantes que fixeron, é mellor que accedas á súa páxina oficial (pica na imaxe da dereita).

Vaia traballo! Noraboa a todos os participantes.