IES Campo de San Alberto

Por fin rematamos coa actividade máis importante do proxecto: Unha guía turística da nosa comarca. Nela colaboraron intensamente todos os alumn@s e profesor@s vinculados ao proxecto. 

Podes executala nun formato máis lixeiro (Flash) e só en castelán, picando neste enlace.

Pero, se a queres con máis calidade e nos tres idiomas (galego, castelán e inglés), podes descargala en formato pdf interactivo, premendo na seguinte imaxe (tardará un ratiño, pois ten un tamaño de 134 MB).

É posible que o propio navegador que esteas utilizando teña un complemento para interpretar limitandamente os ficheiros pdf interactivos. Daquela, abriríase dentro del, sendo posible que non funcionasen algúns enlaces; Polo que é recomendable premer co botón dereito do rato, enriba da seguinte imaxe, e despois co botón dereito, picar en "gardar enlace como" para descargarla no teu equipo e executala (Acrobat Reader) desde fora do navegador con todas as súas funcionalidades. 

Esperamos que sexa do teu agrado.

O departamento de Educación Física organizou, o luns 22 de xuño, unha actividade voluntaria e gratuíta para o alumnado de 1º de Bacharelato para complementar os contidos referentes ás actividades na Natureza.

Os participantes poideron iniciarse nas actividades de kayak e windsurf na praia da Aguieira.

O IES Campo de San Alberto gaña o certamen de curtas de Mans Unidas: Clipmetrajes.

Un grupo de alumnos do IES Campo de San Alberto de Noia ven de gañar a edición do Clipmetrajes a nivel galego organizado pola ONG Manos Unidas. O premio levaba aparellado unha viaxe para participar na Gala nacional en Madrid. O evento celebrouse no Cine Callao este pasado sábado 9 de Maio. Lucía Alcalde e María Creo nos dicían: "Traballamos moito e merecíamolo. Non gañamos en Madrid, pero outro ano será". 

 Nove alunmnos elaboraron dende Xaneiro ata Marzo unha curtametraje de fición co título "Apúntome". O protagonista da filme é un rapaz. Levántase pola maña, almorza e vai no coche co seu pai cara o instituto. Na radio escoitan unha noticia que lle fai deixar o móbil: 150 nenos foron asesinados nunha escola en Pakistán. Cando chega ao insti e llo conta os seus amigos, non lle gusta a resposta que obtén: "Home, eso pasa todo os días, xa sabes, neses países". Decide entón apuntarse e facer algo (podedes ver a curta e as fotos en: movienoia.weebly.com). 

O mércores 13 de maio o alumnado de 2ª ESO do instituto participou nunha xincana na biblioteca. A actividade forma parte das programadas para o mes cultural, "Do libro ás letras", que se ven celebrando dende hai uns anos.

Superaron diversas probas nas que tiñan que, buscar os 

fondos existentes nos ordenadores, utilizar os móbiles para leer códigos Qr ou ver exemplos de realidade aumentada, busca de libros ou películas... 

A participación foi moi activa e ao final, a experiencia ademáis de ser atractiva axudolles a entender mellor o funcionamento da Biblioteca.