O venres, día 7, o alumnado do IES de Cacheiras defendeu os seus traballos, Emociónate connosco e Focos de atención, na categoría de 1º e 2º ESO e A pantera negra, na categoría de 3º e 4º ESO na facultade de matemáticas.

Nesta decimocuarta edición do Concurso Incubadora de Sondaxes e Experimentos organizado por SGAPEIO, o traballo A pantera negra quedou en segundo posto na súa categoría e Focos de atención no terceiro.

O equipo formado por Anxo Amigo, Martiño Amigo, Sabela Noya, Dalmiro Núñez e Brais Suárez  co seu traballo Emociónate connosco de 1º ESO, resultaron gañadores da Fase galega do concurso Incubadora de Sondaxes e Experimentos e representarán a Galicia na Fase nacional que se celebrará en Bilbao.

Estamos na plataforma de cine Acontra +!!
Catro curtometraxes do alumnado do IES de Cacheiras realizados no proxecto Aturuxo Filmsm, no catálogo Acción en Corto.

No último trimestre do curso, o Club de lectura de 1º ESO está lendo Pomelo y limón, que nos está facendo reflexionar sobre as relacións e como se poden ver influídas polas redes sociais e terceiras persoas.

A semana pasada o Club de béisbol e sófbol Os Tilos estivo no noso centro para promocionar a práctica deste deporte entre o alumnado de 1º e 2º ESO.

• Alumnado que cursase durante o ano académico 2023/24 cuarto curso de educación secundaria obrigatoria no réxime ordinario en calquera dos centros da Comunidade Autónoma de Galicia, que estea proposto polo equipo docente para a expedición do título de graduado en educación secundaria e obtivese no conxunto dos catro cursos de educación secundaria obrigatoria unha nota media igual ou superior a 9,00 puntos.

• O prazo de presentación de solicitudes será dun mes a partir da data de publicación no DOG (06/06/2024).

Prazo de presentación de solicitudes: 07/06/2024 - 08/07/2024

• As solicitudes de participación presentaranse preferiblemente por medios electrónicos a través do formulario normalizado (anexo I) dispoñible na aplicación informática «PremiosEdu» accesible desde a sede electrónica da Xunta de Galicia ou, directamente, desde a propia aplicación «PremiosEdu».  As solicitudes subscribiranas directamente as persoas interesadas con plena capacidade de obrar ou, se é o caso, os/as representantes legais das persoas solicitantes.

• A realización da proba terá lugar na data que se estableza mediante resolución publicada no Diario Oficial de Galicia, e no portal educativo da Consellería de Educación, Universidade e Formación Profesional (https://www.edu.xunta.gal). Na dita resolución fixaranse, así mesmo, os lugares e o horario de celebración da proba.

Orde do 29 de maio de 2024 (DOG)

Extracto da Orde do 29 de maio de 2024 (DOG)

Resumo procedemento

Máis información:

Premios extraordinarios de ESO ao rendemento académico correspondentes ao curso 2023/2024

Premios ESO

Sede electrónica. Procedemento ED311D - Premios extraordinarios de ESO ao rendemento académico.

Probas convocatorias anteriores