A Aula de teatro participou na Mostra de teatro Em-Brión pechando este festival que contou coa participación de Tuéjele Teatro, do IES Fernando Blanco de Cee e do Teatro das Maniotas do IES de Brión, anfitrións desta mostra.
O pasado luns, día 13, a Aula de teatro participou no Festival Intercentros, representando no Teatro Principal de Santiago a obra Á luz das candeas.
Despois da longa xira e nunha semana con moitos exames, só puido asistir a metade da compañía, que substituiu ao alumnado ausente e conseguiu levar adiante a obra nunha mostra do compañeirismo e apoio mutuo, que caracteriza a este grupo de teatro.
O alumnado que está de xira actuou no Sint-Pieters- Woluwe, no que contamos coa presenza do Conselleiro de Educación da Embaixada española en Bruxelas, Pedro Martínez Ruano.
Despois da obra o alumnado mantivo un coloquio cos estudantes deste centro.
O resto do día visitamos Bruxelas e Bruxas. Mañá agárdanos París.
Despois de actuar en Sestao no Centro Integrado de FP Construcción Bizkaia, que nos acolle por segunda vez nesta andaina da Aula de teatro no IES de Cacheiras, poñemos rumbo a Poitiers, onde faremos noite.
