Economía

Rematamos as exposicións do curso fixándonos nesta que recolle os proxectos de reutilización e reciclaxe que realizou o alumnado de 2⁰ESO D-E 4º ESO A-C.

Aínda a podedes ver no corredor principal.

O equipo “Minerales” composto por: Carla Atrio Montes, Dora Ferreira Martínez, Uxía Taboada Pillado, Uxía Campos Lugo e Uxía Ferreiro Fernández foi seleccionado para representar a Comunidade Autónoma de Galicia na fase estatal do concurso sobre consumo responsable e calidade de vida: Consumópolis-19: súmate á enerxía responsable organizado polo Instituto Galego do Consumo e da Competencia, adscrito á Consellería de Economía, Industria e Innovación, e á Consellería de Cultura, Educación, Formación Profesional e Universidades.
A este equipo clasificado en primeiro lugar na Categoría B, ademais de representar a Galicia na fase nacional, concederáselle un premio de 1000 euros.

O equipo “ Sirenas de Mako” composto por María Martínez Fernández, Julia Mella Taboada, Carla Miranda Loureiro, Alejandra Rodríguez Varela e Aroa Vázquez Liñares acadou o terceiro posto na mesma categoría, obtendo un premio de 300 euros.

Todos os membros do equipo recibirán, ademais dos premios, un diploma do Instituto Galego do Consumo e da Competencia que os acredita como gañadores nun acto oficial que se celebrará o próximo luns 10 de xuño no IES de Cacheiras  ás 12.30 no Salón de Actos, contando coa presenza do Director do Instituto Galego do Consumo e da Competencia, Manuel Heredia Pérez.

Hoxe foi Ana Tomé, da Axencia tributaria de Santiago, a encargada de falar ao alumnado de 3º e 4º ESO.

Encántanos que o alumnado que xa non está no centro se achegue a visitarnos e a contarnos como lles vai.

Hoxe non só saudaron aos seus antigos profes, tamén explicaron ao alumnado de 4º ESO a súa experiencia académica e laboral despois de deixar o instituto.

Moitas grazas a Nerea Conde Doce, Victoria Iglesias de la Fuente e Aldán Creo Mariño e moita sorte no futuro!

Dentro do proxecto O valor dos residuos orgánicos, que está enmarcado dentro de Polos Creativos, o alumnado de Proxecto Competencial de 1º ESO realizou unha campaña de recollida e pesada de lixo no noso centro.