Actualidade ANPA

A cápsula do tempo, que abriremos no ano 2029, cando o alumnado de 1ºESO estea en 2º bacharelato, xa está soterrada.

Iñaki Quenerapú asistiu ao noso caótico acto de soterramento como impulsor deste proxecto, que iniciamos o ano pasado, e que conta co seu asesoramento e, sobre todo, bo humor.

O alumnado de 4º ESO de Bioloxía e Xeoloxía visitou hoxe o Parque natural de Corrubedo nunha actividade organizada polo CEIDA.

Esta saída foi posible grazas a que a financiou a ANPA en colaboración coa Deputación da Coruña.

Estes días visita o noso centro Sole Felloza que está impartindo unha serie de obradoiros ao alumnado de oratoria de 3º ESO.

Grazas á ANPA por facer posible esta actividade que financia en colaboración coa Deputación da Coruña.

Samuel Mountoumnjou,de Senegal, realizou este contacontos interactivo co alumnado de francés do noso centro.

Grazas á ANPA, que financiou esta actividade en colaboración coa Deputación da Coruña.

Hoxe 8 de marzo, as alumnas e alumnos de 2º ESO entrevistaron a cinco mulleres da nosa contorna con moito que contar.

Partindo do texto de Paula Carballeira, As alumnas, quixemos que nos contasen como cambiou a educación das mulleres ao longo do tempo e tamén coñecer o seu traballo e inquedanzas.

Tivemos a sorte de ter con nós a:

Paula Carballeira, actriz e escritora, que vén de gañar o Premio Nacional de literatura dramática coa obra As alumnas no 2023.

Ana Conde, xornalista, directora e creadora do Teovivo.

Fanny Félix, unha das impulsoras da asociación Bolboretea, familias teenses para as neurodiversidadese, que tamén forma parte da ANPA do IES de Cacheiras.

Juliana Pérez, mestra xubilada que foi profesora de Lingua Castelá neste instituto ata que se retirou.

Iria Páramo, médica no Hospital Psiquiátrico de Conxo.