O alumnado de 1º ESO B visitou esta semana a biblioteca do Grilo.
Esta actividade, que consiste nunha andaina ata a biblioteca municipal, está organizada conxuntamente entre o Equipo da biblioteca e o Departamento de Educación Física.
Reuniuse o Club de lectura de bacharelato para comentar a obra Un tipo duro onde o autor explora emocionalmente a uns personaxes que prefiren olvidar as súas vidas, e demostrar novamente o valiosas que son. A nova proposta para este trimestre é Hoy es un buen día para morir, unha obra esgotada, que nos custou moito conseguir, pero que por fin podemos desfrutar grazas ao préstamo interbibliotecario.
Aldán Creo, ex alumno do IES de Cacheiras, volveu para impartir a charla Sacándolle partido a ChatGPT: trucos, ideas e consellos ao alumnado de 4º ESO e 1º bacharelato.
Paula Carballeira e o seu Obradoiro de narración oral volven ao noso centro para fomentar no alumnado máis novo o interese pola transmisión oral de contos e historias.
Todos os grupos de 1º ESO desfrutaron das súas historias de medo e crearon os seus propios contos para asustar a Paula na segunda sesión.
Grazas á ANPA por financiar esta actividade en colaboración coa Deputación da Coruña.
"Amadriña a cegas un libro" nesta actividade pódese escoller entre os libros ofertados, coñecendo só unha pequena reseña sobre o seu contido.
Exposición de libros curiosos: O profesorado aportou libros que saen do común para realizar esta exposición que podedes ver na biblioteca durante toda a semana.
O alumnado de 1º ESO preparou recomendacións lectoras para este día.