A cápsula do tempo, que abriremos no ano 2029, cando o alumnado de 1ºESO estea en 2º bacharelato, xa está soterrada.
Iñaki Quenerapú asistiu ao noso caótico acto de soterramento como impulsor deste proxecto, que iniciamos o ano pasado, e que conta co seu asesoramento e, sobre todo, bo humor.
Beatriz Martínez, David Mato e Rubén Pérez, como Mellores Expedientes de Galicia ABAU 2024, recolleron os seus diplomas no coliseum da Coruña o pasado venres 21, nun acto que reuniu ao mellor alumnado nas ABAU das tres universidades galegas.
O profesor Jairo Pazos estivo traballando nas titorías do seu curso, 4º ESO A, unha actividade de escoita dos intereses e preocupacións do alumnado que se traduciu nunha serie de ponencias que, finalmente, presentaron diante das súas familias o pasado xoves.
Nove adolescentes que se enfrontaron ao medo escénico e nos trasladaron as súas opinións e inquedanzas. Parabéns!
O alumnado que participou nos clubs de lectura durante o ano e o que fixo voluntariado na biblioteca, puido desfrutar dun agasallo moi especial: ir a Celanova para visitar a casa dos Poetas, o mosteiro de San Salvador e ver a preciosa biblioteca do IES Celanova.
Pola tarde percorreron o burgo medieval de Vilanova dos Infantes e o xacemento arqueolóxico de Castromao.
Do 24 de xuño ás 9:00 h. ao 4 de xullo ás 13:00 h. ábrese o prazo para a solicitude de Ciclos Formativos para o vindeiro curso 2024-2025, tanto de GM como de GS. Podes seguir a través da web toda a información sobre o proceso de Grao Medio e de Grao Superior.
O alumnado de 1º ESO B, D e F traballou na materia de Xeografía e Historia o mosaico. Podedes ver unha selección deles no corredor principal do centro.
Na materia de Plástica o alumnado de 1° de ESO fixo simetrías axiais e radiais con papeis brancos e de cores para, posteriormente, realizar instalacións artísticas nos corredores de centro e na propia aula de Plástica.
O 100% do alumnado que se presentou ás ABAU superou as probas.
Ademais Beatriz Martínez, David Mato e Rubén Pérez están entre os Mellores Expedientes de Galicia ABAU 2024 e recibirán o seu diploma nun acto de homenaxe ao alumnado con mellores notas na ABAU 2024, que se celebrará no Coliseum da Coruña o día 21 de xuño.
