Hoxe comezaron as charlas que, ao longo de toda a semana, presentarán ao alumnado de 1ºESO, 2º ESO e 3º ESO o proxecto Cidades Amigas da Infancia.

Se queredes saber máis sobre esta iniciativa podedes ler aquí.

Todo o alumnado de 1º ESO pasou esta semana pola biblioteca para aprender sobre o seu funcionamento e coñecer as actividades ás que poden anotarse.

Hoxe repartíronse entre o alumnado de 1º ESO os acordos de cesión dos ordenadores Edixgal. É preciso que se devolvan asinados para que se lle poida facer entrega dos portátiles.

INFORMACIÓN PARA O ALUMNADO E FAMILIAS SOBRE E-DIXGAL

Ao alumnado entrégaselles un ordenador, co seu correspondente cargador e maletín. O reparto faise aleatoriamente, polo que haberá alumnado do mesmo grupo que lle toque un ordenador novo e os demais recibirán un ordenador usado, en diferentes estados de conservación.
Os ordenadores entregados foron revisados por un técnico do Servizo Premium de Atención, Soporte e Acompañamento, polo que os desperfectos que teñen son estéticos e non afectan ao seu correcto funcionamento. Ademais, teñen cuberta a garantía de uso correspondente, tanto se son novos como usados, polo que se ten algunha avaría cuberta por dita garantía, o ordenador será substituído ou arranxado sen coste algún para o alumnado e familias. A xestión destas incidencias será realizada pola coordinadora do centro, que proporcionará un equipo de reserva ao alumno/a, mentres dure a reparación.
O alumno ou alumna é responsable do coidado do equipamento entregado, polo que deberá asumir a reparación daqueles danos que afecten ao seu correcto funcionamento (rotura de pantalla, rotura de teclado, perda do cargador,...). No caso de que ocorra algunha destas incidencias, o centro limitarase a indicar os datos de contacto do Servizo Premium de Atención, Soporte e Acompañamento para que a propia familia xestione a reparación correspondente, xa que o centro non dispón de servizo técnico.
Lembramos que existe un seguro opcional para o portátil do/a alumno/a. Teñen toda a información ao respecto na web do IES de Cacheiras.

Máis información aquí.

Comeza unha nova andaina dos Recreos activos, que organiza o departamento de Educación Física.