PROGRAMACIÓN DE ACTIVIDADES PARA A SEMANA DO DÍA DO LIBRO (semana do 22 ao 26 de abril do 2013) NOVIDADE!!: Presentación do noso libro electrónico.
EXPOSICIÓNS: Exposicións de marionetas (feitas por os alumnos de 1º ESO). Exposición dos debuxos dos participantes no concurso de logos. Exposición de marcapáxinas feitos por os alumnos de ESO. Unha árbore de libros: feito por alumnos de infantil e primaria, cunha selección de citas sobre as virtudes dos libros e a lectura de alumnos da ESO) e coas portadas dos seus libros favoritos (alumnos de infantil e primaria). MÚSICA NA BIBLIOTECA: Durante os recreos escoitaranse pezas inspiradas en famosas obras literarias. ACTIVIDADES: Martes 23: “101 buenas razones para leer”. Mércores 24: Conto contigo cos nosos maiores (ás 16 horas): INFANTIL: Cuentos clásicos. PRIMEIRO CICLO: Cuentos clásicos. SEGUNDO CICLO: La señora de los libros. TERCEIRO CICLO: El oso que amaba los libros.
A banda deseñada é unha arte autónoma con máis de cen anos de vida e abondosos precedentes, que nos últimos tempos asiste ao auxe do seu recoñecemento como parte lexítima da cultura internacional. A maiores, en Galicia, unha destaca fornada de autores e autoras está a levar esta arte a límites creativos e de éxito nunca vistos no país. Dentro deste contexto, a Asociación Cultural BD Banda en colaboración coa Associaçom Galega de Lingua promoven a exposición: As Cantigas de Santa María, arte Bdieval, que poderedes gozar a partir de hoxe na biblioteca do centro.
O Departamento de Orientación do CPI Virxe da Saleta organiza as IV Xornadas de Orientación Académica e Profesional. Están convidados a asistir todo o alumnado da ESO e as súas familias. Terán lugar os vindeiros 9 e 10 de abril a partires das 15:30 na aula de música do CPI. A xornada do día 9 tratará sobre Formación Profesional e Mundo Laboral e contará coa participación dos seguintes relatores: D. José Manuel Torres González, propietario da funeraria Saleta e Seguros Mapfre; D. Marcos Mosquera Otero, técnico Superior en Imaxe e Son e reporteiro da Sexta “España en directo”; Dna. Estefanía Hermida Hermida, CS Administrativo e actualmente estudante de Empresariais, exalumna do CPI Virxe da Saleta; Juan Manuel Muñoz Vázquez, cociñeiro do restaurante Ateneo e D. Diego Vázquez González, técnico en electromecánica do vehículo e propietario do taller Dilux.
A segunda xornada céntrase no Bacharelato e Universidade e nela participarán: Dna. Fátima Fernández Fernández, licenciada en Xornalismo e exalumna do CPI Virxe da Saleta; Dna. Lucía Rodríguez Rodríguez, Licenciada en Farmacia e Exalumna do CPI Virxe da Saleta; Dna. Maite Fernández Pérez, Diplomada en Traballo Social e Traballadora Social do Concello de Piñor; Dna. Lucía Formoso Ojea, Diplomada en Logopedia e Máster en intervención logopédica na infancia e na adolescencia, traballadora da unidade de atención temperá da comarca do Deza; D. Francisco Otero Janeiro, Licenciado en Arquitectura e Profesor de Educación Secundaria da especialidade de dibuxo no IES Ramón Mª Aller Ulloa de Lalín; D. Antonio Nogueira Meije, Licenciado en Filoloxía clásica e Profesor Titular da Academia Postal e Dna. Anna Bosak, Licenciada en Español e Ciencias Políticas e Lectora de inglés no CPI Virxe da Saleta.
Velaquí un primeiro exemplo do proxecto CONTO CONTIGO. Alumnado da ESO que, no marco dunha unidade didáctica que desenvolve as Competencias Básicas, realizan unha lectra dramatizada para o alumnado de Educación Infantil do centro. Trátase da Galiña Roxa, conto editado por Kalandraka, que Andrea, Alba, Carlota e Yuli poñen en escena utilizando recursos teatrais e poñendo en práctica a súa Competencia Lingüística diante dun público ben esixente. A actividade levouse a cabo o día da muller, 8 de marzo de 2013. O conto foi escollido por contar a historia dunha galiña traballadora e ao mesmo tempo nai, que se esforza por levar adiante as súas tarefas a pesares da pouca colaboración dos outros animais.
Aquí tedes o blog de aula de Bioloxía e Ciencias Naturais onde o alumnado de ESO e a profesora Conchi publican os seus artigos. Atoparedes todo tipo de información sobre traballos escolares e contidos que amplían información sobre o traballado na aula.
Neste curso escolar 2012/13 os nenos/as de educación infantil están a disfrutar do Plan de Consumo de Froitas na Escola. Aproveitando esta actividade xurde a idea de participar no Plan Proxecta, desenvolvendo o proxecto: DISTRIBUCIÓN DE FROITAS AOS CENTROS ESCOLARES. O obxectivo é concienciar ós nosos alumnos/as sobre os beneficios saudables das froitas na nosa alimentación. Tendo en conta este obxectivo estanse a realizar durante o curso diferentes actividades relacionadas con: O coñecemento das diferentes froitas, a importancia das froitas para unha alimentación saudable e unha vida sá e o fomento do consumo das diferentes froitas e a recompensa polo mesmo.
Ata o momento desenvolvéronse as seguintes actividades: Ambientación das aulas de infantil con diferentes froitas; comedor:O rincón de infantil adornamolo con froitas e normas dos bos hábitos a hora de comer (non fales alto no comedor para que te escoiten mellor); degustación de froitos secos e carnosos da tempada; plantación de árbores autóctonas (castiñeiro, carballo, amendoeira, abeleira, nogueira). Despois de dar a coñecer as froitas de outono fixemos plantación no patio do colexio; caderno viaxeiro de adiviñas e refráns de froitas, implicando ás familias no proxecto.
O pasado trimestre, os alumnos de segundo de ESO de Tecnoloxía traballaron o tema da madeira, e como práctica, algúns deles fixeron uns bonitos suxeitalibros para a biblioteca. Outros decidiron construir outros obxectos, como unha caseta para paxaros, unha casiña para a coballa , e incluso caixas para altofalantes.
En todos os casos, encargáronse do deseño, construción e acabado. Aquí podedes ver algunhas fotos do seu traballo. SON UNS ARTISTAS!
Trátase dun proxecto piloto para o curso 2012-2013 proposto polo seminario “As compentencias básicas como eixo vertebrador do proceso comunicativo”. Os alumnos de educación secundaria, preferentemente de 2º ESO de forma voluntaria farán unha lectura dramatizada de contos aos alumnos de infantil e primaria. Durante 15-20 minutos lerán contos en galego e castelán. A actividade levarase a cabo os mércores, xoves ou venres de 16:00 a 16-30 horas, durante o recreo de mediodía dos alumnos de secundaria e coincidindo coa hora de ler dos de infantil e primaria unha vez ao mes, coincidindo con algunha celebración escolar. O calendario é o seguinte: Xoves 14 febreiro San Valentín Conto contigo para o amor Literatura de temática amorosa (cartas, poemas, contos...) Venres 8 de marzo Día da muller Conto contigo para a igualdade Contos para a igualdade Mércores 24 de abril Semana do día do libro Conto contigo para ler Clásicos universais Xoves 16 de maio Día das letras galegas O galego conta contigo Clásicos galegos 5 de xuño Día do medio ambiente O planeta conta contigo Contos de temática ambiental
O Departamento de Orientación do CPI Virxe da Saleta organiza as IV Xornadas de Orientación Académica e Profesional. Están convidados a asistir todo o alumnado da ESO e as súas familias. Terán lugar os vindeiros 9 e 10 de abril a partires das 15:30 na aula de música do CPI. A xornada do día 9 tratará sobre Formación Profesional e Mundo Laboral e contará coa participación dos seguintes relatores: D. José Manuel Torres González, propietario da funeraria Saleta e Seguros Mapfre; D. Marcos Mosquera Otero, técnico Superior en Imaxe e Son e reporteiro da Sexta “España en directo”; Dna. Estefanía Hermida Hermida, CS Administrativo e actualmente estudante de Empresariais, exalumna do CPI Virxe da Saleta; Juan Manuel Muñoz Vázquez, cociñeiro do restaurante Ateneo e D. Diego Vázquez González, técnico en electromecánica do vehículo e propietario do taller Dilux.
