Como xa sabedes onte foi o Día Internacional da Muller e dende o CEIP de San Clodio no quixemos deixar de aportar o noso pequeno gran de area nesta loita. Os nenos e nenas do colexio fixeron un mural colaborativo cunha imaxe rendindo homenaxe a todas as avoas loitadoras. Tamén as nenas de quinto e sexto escribiron unhas palabras en forma de manifesto que leron para todo o crentro. Este dicía así:
" Nas redes sociais, televisión, prensa e na rúa conmemoramos o 8 de Marzo. No concello de Ribas de Sil e no noso colexio recordamos que non é unha data para celebrar que somos mulleres senón para homenaxear a todas as mulleres.
Este ano 2023 adicámosllo ás tarefas do fogar, que históricamente foron desenvolvidas por mulleres. as mulleres por tradición cultural traballaban no coidado da casa e das nosas familias, ademais dos seus oficios. En cambio, os homes chegaban a casa despois do traballo e non axudaban coas tarefas do fogar.
Queremos e debemos poñer en valor a cantidades de horas que as mulleres dedicaban a traballar nas casas.
A pesar de que segue a ser moi común, a día de hoxe estamos comezando a ver que o mundo está a cambiar e cada vez as tarefas do fogar son compartidads por outros membros das familia. Este é o sinal de cambio social que nos di que os traballos da casa son para todas as persoas.
Sintámonos responsables de valorar as mulleres, pensemos que nos tamén somos quen de facelo igual que os millóns de mulleres do mundo."
Despois de estas palabras deixámosvos un par de imaxes e o vídeo do acto.
Preme aquí para acceder ao vídeo.
Álbum: Curso 2022-2023 -> Día Internacional da Muller
