CEIP de San Clodio |

Concerto Brinca Vai

Sáb, 24/11/2018 - 22:02 — admin

Como xa vos anunciamos Paco Nogueiras veu á casa do concello a facernos bulir a tod@s.

Papás, mamás, profes, nenos e nenas danzamos sen parar e desfrutamos dunha hora de música e comedia. E é boa verdade que este rapaz leva alegría alá por onde camiña!!

Destas vez tamén precisou da axuda de Yanet para cantar un dos seus temas que fala da amizade... "Porqué ti es o meu amigo, porqué nos levamos ben" aprendemos a letra e Yanet converteuse na nosa xefa de baile!! Fíxoo moi ben e por iso tamén levou uns agasallos de Paco!

Asi que solo nos queda por dicir...

Paco Nogueiras, ti es tamén o noso amigo, volve cando queiras ao noso cole!!!

blogue de admin

Montamos o noso invernadoiro

Xov, 22/11/2018 - 22:55 — admin

Gústanos mostrarvos as cousiñas que imos facendo no cole. A semana pasada tivemos axuda dos pais/nais para poder construir un invernadoiro. E, é que as nosas plantas as veces precisan de estar resguardadas do frio do inverno, das xeadas e ao quentiño!!

Tivemos que ir montando a estructura aos poucos e sempre guiados polos nosos xefes de obra que foron moi pacientes con nós, que somos solo principiantes nestes labores...

Esperamos que cumpla a súa función e dentro de pouco os froitos podian ser expostos aqui na web do cole!!

blogue de admin

Recollemos os froitos

Dom, 21/10/2018 - 12:12 — admin

Pasou o verán e toca a satisfación de recoller os froitos do que anteriormente foi sembrado.

Temos moito que agradecer aos colaboradores do noso horto, pais e nais que se preocuparon por axudarnos a obter o que estades vendo.

O outono chegou e é hora de poñerse mans á obra e volver a empezar a pensar en plantalo.

Polo de agora os nabos xa están na terra!

blogue de admin

III ANDAINA ESCOLAR POLO CAMIÑO DE INVERNO

Dom, 21/10/2018 - 12:05 — admin

O martes 16 de outubro realizamos unha andaina escolar con outros centros da comarca, todo gracias a iniciativa e colaboración da Asociación Camiños a Santiago pola Ribeira Sacra.

Fixemos dentro da etapa Monforte- Chantada un tramo de 5 km dende a igrexa de San Paio de Diomundi a San Pedro de Líncora. Todo isto camiñando por unha calzada romana, nos codos de Belesar e entre fermosos bancais e viñedos cruzando o río Miño por Belesar.

Paramos a facer un descanso na Adega Via Romana, e participamos dunha entrevista para a radio Onda Cero.

Foi un dia de diversión e deporte! Aqui vos podemos mostrar algúns recordos!

blogue de admin

A fábula do espantallo.

Dom, 21/10/2018 - 11:51 — admin

O pasado día 5 de outubro poidemos contar coa presencia do grupo teatral Os quinquilláns.

Tiñan unha ardua labor por diante, converternos en actores/actrices nun par de horas.

Todos/as fomos participes dunha versión da obra de Xosé Neira Vilas "O espantallo amigo".

Algúns eran gatos, outros cans, outros paxaros, xentes do pobo, insectos... e como non o noso protagonista, o espantallo!

Todos colaboramos e puxemos o mellor do actor/actriz que levamos dentro e o resultado final foi máis que aceltable!

blogue de admin

Brinca Vai

Xov, 18/10/2018 - 19:37 — admin

Resultado de imaxes para brinca vai

“BRINCA VAI!” é un libro para ler, ver e escoitar. Un feixe de cancións para toda a familia que de seguro vos acompañarán aló onde vaiades.

“BRINCA VAI!” son 12 cancións para os 12 meses do ano, todas elas compostas e interpretadas por Paco Nogueiras nun amplo abano de estilos musicais: techno, rock, folc, reggae ou música electrónica.

Con esta carta de presentación non vos podedes perder a actuación de Paco Nogueiras o dia 29 de outubro as 15:00 no noso concello!!!

No CEIP de San Clodio gústanos mover o esquelete asi que aqui vos deixamos un adianto do que aló imos ver, e de paso a ver se podemos aprendela para o Samaín!! Ide ensaiando!!

https://www.youtube.com/watch?v=2x3puRGW7f8

Xornadas audiovisuais "Un universo de cine no teu concello"

Xov, 18/10/2018 - 19:25 — admin

O CEIP de San Clodio vai a participar nunhas xornadas de cine que se organizan en colaboración co OGDR Ribeira Sacra- Courel no noso concello. Serán uns talleres que se realizarán no centro e na localidade de San Clodio os días 15, 19 e 24.

Na primeira xornada veremos a proxeción dun documental da Ribeira Sacra quiado por unha nena. A evolución das videocámaras nos últimos 25 anos e a posta en común das ideas que poidan xurdir para a preparación do noso video.

Na segunda xornada definiremos o guión, sairemos as rúas a grabar e faremos algunha entrevista.

Na derradeira xornada visionaremos o noso material!!

Por uns intres o concello de San Clodio será o noso plató de cine e nos as estrelas!!

Resultado de imaxes para un universo de cine no teu concello

Aqui podedes apreciar que temos un gran dominio coa cámara...

Pero tamén é importante saber cousas máis técnicas e para iso que mellor que ter a dous expertos dentro da nosa aula! Moitas grazas!

blogue de admin

Coñecemos a ópera

Mér, 17/10/2018 - 19:54 — Anónimo

Os rapaces e rapazas do segundo grupo ( 4º,5º e 6º de primaria) están a descubrir algo sobre o xénero operístico.

Comezamos pola obertura de ópera Carmen de George Bizet, xa somos quen de acompañala con percusión corporal e máis con instrumentos de pequena percusión de altura indeterminada.

https://www.youtube.com/watch?v=OJe6reeG8_8

Aqui vos deixamos o enlace para seguir a practicala na casa! O noso corpo é un isntrumentos marabilloso. Senón botádelle un ollo ao grupo Mayumaná!!

https://www.youtube.com/watch?v=B2UcIaIe2xE

E por último aqui vos deixo unha imaxe coa partitura rítmica para practicar!

Resultado de imaxes para musicograma wix carmen