Navega con rumbo
Enviado por admin o Mér, 11/02/2015 - 17:33
Internet representa un mundo de posibilidades para o lecer e a aprendizaxe pero tamén supón unha serie de riscos, como son os contidos inapropiados ou a facilidade de contacto con persoas que non son sempre o que semellan ou din ser. Un dos obxectivos do programa ABALAR é a formación nunha navegación segura. O Plan Navega con Rumbo polo Ciberespazo inclúe unha serie de guías dirixidas ao alumnado, ao profesorado e ás nais e pais. As guías pódense visualizar e descargar aquí. O día 11 de febreiro de 2015 estivo no noso colexio Marisé, do Colexio Profesional de Enxeñaría en Informática de Galicia, para explicar aos nenos e nenas de 5º e 6º cursos de educación primaria como deben realizar unha navegación segura por Internet. |
Balor na acción dunha cadeira
Enviado por admin o Mar, 03/02/2015 - 11:08
Esta semana estréase no Teatro Colón da Coruña a obra "Balor na acción dunha cadeira", dirixida por Roi Fernández. A obra lembra a emigración sadense en Nova York, a orixe da "Sociedad Sada y Contornos" e do noso centro. Xosé Alonso, bisavó de Roi, foi un dos sadenses que formaron parte de "Sada y sus Contornos" en Nova York. Roi recibe unha vella película procedente de New York. Na lata, únicamente unha etiqueta: "Sociedad Sada y Contornos, 1920". A mesma sociedade de emigrantes á que pertencía o seu bisavó... Os alumnos de 5º e 6º de primaria van asistir á representación o venres 6 de febreiro nunha función dirixida aos escolares. Ese mesmo día e o sábado 7, ás 20,30 horas, haberá dúas funcións máis para o público en xeral, ás que animamos a asistir a toda a comunidade educativa. Máis información: Balor na acción dunha cadeira |
Xornada de portas abertas
Enviado por admin o Lun, 19/01/2015 - 11:08
O vindeiro mércores 21 de xaneiro está prevista unha xornada de portas abertas a partir das 18 horas. Convídase ás familias dos alumnos e aos veciños e veciñas de Sada a visitar as novas instalacións coas que conta o noso centro, despois do remate das obras que permiten contar cun novo aulario. A Xornada realízase a iniciativa da Xefatura Territorial da Consellería de Cultura e Educación, Concello de Sada, ANPA As Mariñas e o Colexio. Está previsto que asistan o Xefe Territorial da Consellería, D. Indalecio Cabana, o Alcalde de Sada, D. Ernesto Anido, así como integrantes da Corporación Municipal e tamén as familias e exalumnos que tanto ansiaron esta ampliación. Esperamos poder disfrutar duns momentos entrañables con todos eles. Sada a 19 de xaneiro de 2015. |
Chegou o Nadal
Enviado por admin o Ven, 19/12/2014 - 21:20Chegou o Nadal e con el remata a nosa estadía no Albergue da Marina. Hoxe despedímonos con festas, xogos, cine e visita dos Reis Magos. No noso colexio remataron as obras e xa está agardando por nós. |
Noelada
Enviado por admin o Xov, 18/12/2014 - 22:46
Hoxe apareceu o Albergue invadido de mamás e papás noeles. Grandes, pequenos, medianos,... Conseguimos retratalos pero había tantos que ata a cámara se mareou de tantas fotos e algúns saíron borrosos. Fixádevos ben porque algúns parecían coñecidos... |
Circular de Nadal e traslado instalacións
Enviado por admin o Xov, 18/12/2014 - 09:40Calendario 2015. As nosas árbores
Enviado por admin o Mar, 09/12/2014 - 20:50Entrega de agasallos da biblioteca
Enviado por admin o Lun, 01/12/2014 - 21:04
Continuando co proxecto da Biblioteca: "ILLA FANTASÍA", e co estandar de promocionar a lectura e a escritura, este venres 28 de novembro tivemos a visita do Alcalde de Sada, Ernesto Anido, que respondeu a diversas preguntas sobre a importancia de saber escribir e ler. Aproveitando a súa visita ,fixo entrega xunto con persoal da biblioteca municipal, duns agasallos ao alumnado participante neste proxecto. Desde aqui, o equipo de biblioteca, felicita a todo o alumnado pola particicipación nesta actividade e en especial aos "blogueiros", rapaces/as de 6º e 5º, que fan un bo uso do blogue |
ELECCIÓNS AO CONSELLO ESCOLAR: PROCLAMACIÓN DE CANDIDATURAS ELECTAS
Enviado por admin o Mér, 26/11/2014 - 10:45Proclamación de candidatos electos.
a) Representantes dos pais
Despois do escrutinio realizado pola Mesa electoral para elección dos representantes dos paiS proclámase como candidatos electos ao Consello Escolar:
-D. Manuel Fernández Arrojo
-Da. Ana Lucía González Castro
-D. Miguel Agrelo Suárez
b) Representantes do profesorado
Do resultado da votación para a elección dos representantes do profesorado celebrada en Claustro extraordinario proclámanse como candidatos electos para cubrir os dous postos correspondentes a esta renovación, segundo acta remitida a esta Xunta Electoral:
-Da. Oliva Blanco Díez
-Da. Esperanza Arias Ferreiro
En terceiro lugar proclámase a:
-Da. Mª Luisa Ricoy Lamas
Esta última cubrirá un posto vacantes no sector do profesorado que quedou sen cubrir por falta de candidatos na elección realizada no ano 2012 e con mandato ata a próxima renovación no ano 2016.
Representante do persoal de administración e servizos
Como representante do persoal de administración e servizos, segundo acta remitida a esta Xunta Electoral:
-Da. Patricia Lobato Álvarez
Representante do Concello de Sada
Como representante do Concello de Sada, foi designada:
-Da. Soraya Salorio Porral.
ELECCIÓNS PARA A RENOVACIÓN DO CONSELLO ESCOLAR
Enviado por admin o Mér, 05/11/2014 - 16:06
O Consello Escolar é o máximo órgano de xestión do Centro. Del forman parte representantes dos distintos sectores da comunidade educativa, participando conxuntamente na toma de decisións. Pola importancia que ten o Consello Escolar na vida do Centro anímase a todos a participar neste proceso electoral. Durante o mes de novembro do presente curso procederase á renovación de 3 representantes das nais e pais e 2 dos profesores no Consello Escolar do centro e o representante do persoal de administración e servizos. A Xunta Electoral reunida o 4 de novembro, acordou establecer o seguinte calendario electoral: DO 6 AO 14 DE NOVEMBRO (ámbolos dous inclusive) -Exposición dos censos electorais de nais e pais, profesores, persoal non docente e período de reclamacións aos mesmos. Os censos estarán expostos no taboleiro de anuncios da entrada do centro e da sala de profesores respectivamente. -Prazo de presentación de candidaturas ao Consello Escolar. O prazo remata o día 14 ás 14 horas. Son electores e elixibles todos os membros da comunidade escolar. Para a presentación da candidatura e reclamacións ao censo farase un escrito dirixido ao director do centro. Quen o desexe ten modelos á súa disposición na conserxería ou pode descargalos da web do centro. Impreso para presentación de candidatura Impreso para reclamación ao censo 18 DE NOVEMBRO -Reunión da Xunta Electoral na que se procederá a admisión das candidaturas, aprobación definitiva de censos electorais, aprobación de modelos de papeletas, sobres,... -Publicación de candidaturas. -Publicación definitiva do censo electoral. -Sorteo público, ás 16,30 horas na entrada do Albergue, para a designación dos integrantes mesa electoral para a votación das nais e pais 25 DE NOVEMBRO -Votacións. A votación de nais e pais terá lugar no Albergue de 16,30 a 18,30 horas. Sada a 5 de novembro de 2014. |
- « primeira
- ‹ anterior
- …
- 37
- 38
- 39
- 40
- 41
- 42
- 43
- 44
- 45
- …
- seguinte ›
- última »