CEIP Plurilingüe da Ramallosa |

12 DESEXOS PARA O 2012 DO CLAUSTRO DE PROFESORES/AS

Ven, 2011-12-23 22:13 — mari

Start: 00/00/

Timezone: Array

1. Que se garanta o dereito á educación en igualdade para todas e todos.

2. Que vir ao cole sexa un motivo de alegría.

3. Que as dificultades na aprendizaxe sexan atendidas.

4. Que a escola e a súa contorna sexan unha.

5. Que o saber non ocupe un lugar secundario.

6. Que “aprender a ser” sexa a nosa teima.

7. Que a solidariedade inunde as nosas aulas.

8. Que a “educación para tod@s” considere as necesidades individuais e a integración escolar non sexa unha utopía.

9. Que se protexa con aloumiños a fala dos nosos devanceiros.

10. Que contemos con recursos materiais e humanos imprescindibles.

11. Que o labor do ensinante non sexa aldraxado.

12. Que toda a comunidade educativa defenda e aposte por un ensino público de calidade.

CAMPIONATO DE TROMPOS 2011

Sáb, 2011-11-12 10:51 — ramallosa

Como todos os anos, o día do magosto celebramos no cole o Campionato de Trompos no que participaron máis de 100 nenos e nenas de 3º, 4º, 5º e 6º.Noraboa a tod@s.

Os gañadores deste anos foron:

1º clasificado: ALBERTO CASAL

2º clasificado: BRAIS FERNÁNDEZ

3º clasificado: ISAAC GAÑETE

O CLUB DA CIENCIA

Dom, 2011-09-25 17:33 — Anónimo

Unha nova serie de libros, escritos por Víctor Raga,

para aprender sobre o que acontece ao noso redor a través da fición cunha dose de humor. (máis)

Un novo premio para Agustín Fdez Paz

Ven, 2011-09-16 18:16 — Anónimo

O escritor recibirá o Premio Iberoamericano SM da Literatura Infantil e Xuvenil como recoñecemento á súa traxectoria literaria.

Parabéns, Agustín (máis)

MMM, QUE BEN SABE!!!

Lun, 2011-08-08 12:22 — Anónimo

Ola, colegas! Hai alguén aí?

Quería saudarvos e que virades que xeado máis saboroso tomei na praia; pero... sabedes de que era?: DE CHOURIZO!!! Nooon, é unha trola, era de amorodo!. Pero non sei se sabedes, que cada vez máis, os fabricantes os inventan con sabores novos (e extraños); como por exemplo, de FABADA!! Agora non é trola, eh? que se lle ocorreu a un fabricante de xeados asturiano!! (o que non sei é se tería moito éxito)

Bueno, se queredes saber máis sobre xeados, lede.

Ata máis ver!!

CONTOS PARA XOGAR

Mar, 2011-07-19 20:12 — Anónimo

Aínda que esteamos de vacacións, quizais algúns e algunhas todavía nos visitades nesta páxina; así que vos quero recomendar unha páxina que atopei "navegando" (pola rede, que non polo mar). Chámase "Contos interactivos" e se trata de escoitar contos pero ao mesmo tempo ilos rcompoñendo, os que escoitamos podemos ir facendo avanzar a historia. Pode ser divertido!

Así que se vos aburrides moito... (que tonterías digo, non si?)