No curso escolar 2022-2023, despois do éxito de cultivar a horta no CIFP Portovello e intentando que todo o alumnado do colexio poida plantar os seus produtos, decidimos facer 4 pequenas hortas.

Nas seguintes imaxes teredes acceso ao traballo desenvolvido neste curso:

EDUCACIÓN INFANTIL	1º CICLO
2º CICLO	3º CICLO
CIFP PORTOVELLO

Aquí deixamos como deseñamos e construímos a nosa horta con 4 parcelas para que todo o alumnado poida cultivar diversos produtos dentro dunha economía sostible.

Os pasos que demos foron os seguintes:

DESEÑO

• Buscamos o lugar máis soleado e máis resgardado para que o cultivo sexa o máis produtivo posible.
• Pensamos e deseñamos o tamaño e cantidade de bancais. Neste caso 4 bancais: 1 para o alumnado de Educación Infantil, 1 para o alumando de 1º e 2º de Educación Primaria, 1 para o alumando de 3º e 4º de Educación Primaria e 1 para o alumando de 5º e 6º de Educación Primaria. O tamaño é de 1 metro de ancho por 4 metros de longo e 0.25 metros de alto cun volume de 1 metro cúbico por bancal.  
• Marcar o lugar con cordeis.

CONSTRUCIÓN

• Retirada de herbas e facer rego para atopar o firme e así poder asentar o bloque.
• Colocación do bloque.
• Cubrir de terra para o cultivo.

Nas últimas semanas de abril o alumnado das diferentes aulas comezou a plantar na súa horta produtos como: leitugas, coles, cabazas, framboesas, pepinos, cenorias, tomates,...

Os nenos e nenas de 6º de Educación Primaria, ademais de cultivar a nosa horta escolar, seguimos colaborando co mantemento da horta situado no CIFP Portovello.

 DEGUSTACIÓN DOS PRODUTOS DA NOSA HORTA

As tormentas do mes de maio e xuño fixeron estragos na nosa colleita.

O 13 de abril de 2023 realizamos no centro o obradoiro “Fai clic ao teu bocata” no que nos ensinaron as vantaxes e a importancia dunha dieta equilibrada.

A actividade dividiuse en dúas sesións. A primeira delas para o alumnado de Educación Infantil e 1º de Educación Primaria e a segunda das quendas para o alumnado de 2º a 6º de Educación Primaria. Nestes dous obradoiros destacouse a importancia das conservas completando a formación con vídeos educativos e xogos didácticos.

Ao remate da sesión, todo o alumnado elaborou ao seu gusto o bocadillo saudable.

Estamos agardando poder repetir este obradoiro.

EDUCACIÓN INFANTIL E 1º DE EP

Galería de Ed. Prmaria

Todos e todas nós aportamos o noso gran de area no coidado e aproveitamento sostible dos nosos mares e océanos. Por eso, os/as peques de E. Infantil, quixeron colaborar no proxecto do centro “MERGÚLLATE NO OCÉANO MÁIS AZUL”, do xeito que máis lles gusta, a ritmo dos Beatles.

A canción “The yellow submarine” serviu de excusa para aprender máis sobre o medio mariño: fish, waves, the sea, ...

Pero o noso yellow submarine non se move cun motor contaminante do fondo do mar, a enerxía que o move non pode ser máis limpa e inocente: As voces e a ilusión polos seus traballos a prol do coidado do mar.

DISFRUTA DO FONDO MARIÑO A BORDO DO NOSO YELLOW SUBMARINE!

 O venres, 17 de febreiro, participamos no desfile de Entroido que organizamos polas rúas do centro de Ourense, xunto aos colexios do Mestre Vide e Curros Enríquez e contando coa colaboración do Concello de Ourense.

Cada colexio ía de unha temática diferente. A do noso estaba relacionada co PDI que estamos a desenvolver este curso: “Coidemos o noso mar”.

O alumnado de 1º, 2º e 6º de EP disfrazáronse de estreliñas de mar, os nenos e nenas de 3º, 4º e 5º de EP ían de buzos e o alumnado de Infantil engalanouse con escamas de peixes de cores para crear tres bancos de peixes diferentes.

O desfile foi todo un éxito debido a gran participación das familias ao longo de todo percorrido.

Por uns días o CEIP Plurilingüe Manuel Sueiro achegouse ao mar da man da Biblioteca Escolar do centro, guiados pola exposición itinerante “Coidando o noso mar”, prestada polo CEIDA (Centro de Extensión Universitaria e Divulgación Ambiental de Galicia).

Desde as Rías Baixas chegaron as redes e as nasas que os/as nosos mariñeiros/as usan a cotío no seu labor.

Esta exposición enmárcase no PDI do centro, adicado aos ODS axenda 2030. En concreto, o obxectivo 14:  Conservar e utilizar de xeito sostible os océanos, mares e os recursos mariños.

Protexer os nosos océanos debe ser unha prioridade. A biodiversidade mariña é vital para a saúde das persoas e do planeta. As áreas mariñas protexidas deben ser xestionadas de forma efectiva, tamén os seus recursos, e poñer en marcha regulamentos que reduzan a sobrepesca e a contaminación mariña dos océanos.

MERGÚLLATE NO MAR MÁIS AZUL!

Desde o noso cole apoiamos e damos voz ás iniciativas promovidas pola IAPB, organismo internacional recoñecido como líder mundial na defensa da saúde dos ollos.

Como di o logo, a campaña anímanos a todos/as a amar os nosos ollos, a coidar a nosa visión e romper as barreiras que impiden brindar atención oftalmolóxica en todos os países do mundo.

Tamén coñecemos a figura de Louis Braille que ideou un sistema de puntos en releve para ler e escribir, coñecido tamén como cecografía.

Escribimos con ese método unha frase que deixa ás claras os prexuizos que, ás veces, temos sobre as persoas con discapacidade visual. Non temos a máquina para escribir braille, pero solucionámolo con imaxinación, un tradutor e boliñas de algodón.

A nosa frase é: MIRANDO SEN VER. Con este xogo de palabras deixamos ben clara a nosa intención de romper as barreiras daqueles que NON QUEREN VER.

Creamos unhas gafas do máis chulas coas que pretendemos cambiar a cor e a mirada de todos/as nós.

E temos un agasallo en forma de frase para rematar cun sorriso:

• I OPENED TWO GIFTS THIS MORNING:
• THEY WERE MY EYES!

O curso de 4º de Educación Primaria iniciamos as actividades e situacións de aprendizaxe navideñas.

Nesta nova, presentámosvos "A árbore dos ODSeos". Aproveitando que o PDI do Centro son os ODS da axenda 2030, creamos unha árbore navideña xigante na que o alumnado colgara os seus desexos relacionados cos ODS, formando deste xeito os ODSeos.

En sintonía coa elección do Proxecto Documentado Integrado do colexio neste curso académico, dende o área de Relixión estamos a traballar o ODS 1: Acabar coa pobreza no mundo.

Para entender que a pobreza pode chegar a calquera por situacións inesperadas e podemos partir dunha situación económica social boa e de repente, quedarnos sen nada, na máis absoluta miseria con o que esa situación implica, fixemos para os cursos de 5º e 6º Educación Primaria unha dinámica baseada na experiencia dun emigrante.

En que consistiu a actividade?

Proponse aos alumnos e alumnas que imaxinen que sucedeu algo moi grave en España e deben deixar o seu país en unhas horas.

Antes de abandonar o país, poden ir a súas casas a recoller só 20 obxectos que poden levar con eles tendo en conta as necesidades básicas que necesitan cubrir. Unha vez que escollan as cousas que queren levar, les diremos que cada un deles debe deixar cinco deses obxectos porque o único medio dispoñible para poder viaxar é unha barca pequena na cal irán moi apertados e polo tanto, non poden levar moito equipaxe.

Comeza a travesía e cando levamos xa cinco días de viaxe, se acabaron xa a metade dos víveres (comida e auga). Ao cabo de dous días máis, prodúcese no mar unha forte tormenta que fai balancear a barca producindo a perda da metade dos obxectos que tiñan nese momento. Cinco días despois non nos queda ningún alimento nin auga e empezamos a sufrir fame e sede.

Por último, cando case estamos a punto de chegar á terra, a barca sufre un naufraxio e perdemos todas as pertenzas que aínda nos quedan.

Por fin, chegamos a terra, empapados, co só a roupa que levamos posta, sen ter absolutamente nada máis, mortos de frío, tristes e famentos.

O texto bíblico que traballamos nesta sesión encóntrase en Mateo 25:35-40 “Porque tiña fame e me destes de comer; tiña sede e me destes de beber; eu era un estraño, e recollíchesme; estaba espido e cubríchesme; enfermo, e me visitastes; no cárcere, e viñeches a min.  Entón, os xustos responderán: Señor, cando os vimos con fame, e apoiámosche ou sedento, e démosche a beber?  E cando nos vimos estraños, e te collemos ou espidos, e cubrímosche? Ou cando te vimos enfermo ou no cárcere, e chegamos a ti?  E respondendo, el díxolles: dígolle que en canto fixeches un destes irmáns pequenos, fixeches a min.

Cando rematamos a actividade, os nenos e as nenas reflexionaron acerca de como se sentirían si a eles les ocorrese algo así. Tamén falamos de como por ser cristiáns somos chamados a ser solidarios e compasivos coas persoas que vense nestas situacións axudándolles con o que podamos facer, sabendo que facer isto é como si se o fixéramos ao mesmo Xesús.

Preparamos un receitario de cociña entre todas as aulas,onde atoparás estupendas receitas reais ou inventadas, Coidado coa que escolledes!!!; o libro estará dispoñible na biblioteca do cole para deleite dos usuarios e nesta mesma páxina.

O 19 de outubro degustamos os alimentos elaborados polo o alumnado nos obradoiros de cociña que realizamos en todas as aulas do noso centro.