Contido popular

O CEIP Plurilingüe Manuel Sueiro participa con entusiasmo no programa "Biblioteca Creativa"
O CEIP Plurilingüe Manuel Sueiro sumouse recentemente ao programa "Biblioteca Creativa", unha iniciativa que busca fomentar a creatividade, a lectura e a expresión escrita entre o alumnado de primaria. Este programa, posto en marcha pola Consellería de Educación, Ciencia, Universidades e Formación Profesional da Xunta de Galicia, ten como obxectivo promover o uso innovador dos recursos bibliográficos e estimular o desenvolvemento das habilidades comunicativas dos máis pequenos.
A participación do centro no "Biblioteca Creativa" está a ser todo un éxito, tanto para os estudantes como para o profesorado. O alumnado, desde os primeiros cursos de primaria ata os maiores, está a vivir unha experiencia inmersiva na que poden dar renda solta a súa imaxinación, ao tempo que melloran a súa capacidade de lectura e escritura. As actividades inclúen a creación de relatos, a reinterpretación de contos populares, e incluso a gravación de pequenos audiobooks, que lles permite experimentar coas diferentes formas de narración.
Pola súa parte, o profesorado tamén está a gozar dun proceso de aprendizaxe continuo, xa que o programa permítelles incorporar novas metodoloxías a súa labor diaria, facendo uso de novas tecnoloxías e recursos didácticos.
Un dos aspectos que máis valoran tanto o alumnado como docentes é a liberdade creativa que ofrece o programa. Ao traballar en grupos e realizar tarefas diversas, os rapaces aprenden a compartir ideas, resolver problemas en equipo e mellorar as súas habilidades de comunicación. Deste xeito, "Biblioteca Creativa" non só está a enriquecer o bagaxe literario dos alumnos, senón tamén a desenvolver importantes habilidades socioemocionais.
Os beneficios do programa son evidentes. Ao fomentar a lectura e a escritura de maneira lúdica e atractiva, o CEIP Plurilingüe Manuel Sueiro está a contribuir de forma significativa á formación integral dos seu alumnado, preparándoos para o futuro cunha base sólida en habilidades clave como a expresión escrita e a creatividade.
Finalmente, o centro ten previstas varias actividades de difusión dos proxectos realizados polo alumnado ao longo deste curso, como exposicións abertas ás familias e outras actividades de integración comunitaria, co obxectivo de compartir os avances alcanzados e mostrar a importancia do programa na formación do seu alumnado.
A participación no programa "Biblioteca Creativa" é, sen dúbida, un exemplo do compromiso do CEIP Plurilingüe Manuel Sueiro coa innovación educativa e a mellora continua na formación do seu alumnado.

Presentación sobre os lugares que visitaremos na saída do mércores 12 de xuño:

O alumnado de 6º de Ed. Infantil dedicou o seu PDI a traballar o pensamento computacional. Para elo, os seus traballos xiraron en torno ao estudo e creación de robots.

Os obxectivos que se perseguiron foron os seguintes:

• Desenrolo da creatividade
• Comparar o seu esquema corporal co dos robots que construíron.
• Discriminación e trazo das letras que forman os nomes dos robots.
• Clasificar formas e tamaños das pezas que os forman.

Entre outras, relizamos as seguintes actividades:

• Escoller un robot e píntalo para o mural da porta.
• Decorar libremente con plastilina gomets…etc.
• Construír quebracabezas de robots.
• Recortar as formas xeométricas que os compoñen.
• Formar con letras recortadas o nome do seu robot e o dos seus compañeiros.
• Escoller e explicar que traballo poderá realizar para axudar os humanos.
• Facer con caixas o disfrace do entroido .
• Obra de teatro que representaron o día do libro.
• Guiñol “Quiero una mamá robot”.

GALERÍA DE IMAXES DO TRABALLO DESENVOLVIDO

O alumnado de 4º, 5º e 6º de Ed. Infantil traballou sobre o conto de "La Sirenita" no seu PDI.

Partiron do conto Hans Christian Andersen, para motivalos no traballo a realizar.

Resumimos a continuación as actividades realizadas ao longo do curso:

• Lemos o conto na clase adaptándoo os distintas idades pois na mesma aula están escolarizados nenos e nenas de cuarto, quinto e sexto de Educación  Infantil.
• Coñeceron as súas personaxes , describíronas e os maiores axudaron os  mais pequenos tanto para contar o conto como para describir as distintas personaxes.
• Debuxaron as personaxes principais os de cuarto de educación infantil pintáronnos e a medida que avanzou o curso tamén as debuxaron .
• Utilizamos tamén o libro “Fauna e flora Mariña” para coñecer onde vivía a Sereiña, os distintos peixes , aprenderon os seus nomes en galego e debuxáronnos. Os máis pequenos pintaron os máis coñecidos e sinxelos.
• Proxectamos na  aula imaxes do autor e do país onde naceu “Dinamarca” coñecendo algúns aspectos de ambos. Os nenos e nenas de sexto de educación infantil tamén situaron e pintaron Dinamarca nun mapa de Europa.
• Os maiores da clase leron e escribiron os nomes das personaxes do conto e dos peixes que coñecemos a través do conto “Fauna e flora mariña” .
• Presentaron o seu proxecto a principio de curso, o dia das bibliotecas, cos demais nenos e nenas do Colexio cun baile que ensaiamos na aula da película “La sirenita” de Disney.
• Recortaron unha careta da personaxe” Sebastián” e unha diadema de flores para a  presentación do proxecto.
• Axudaron a recortar  algunhas pezas para o disfrace do Entroido do colexio as nenas de
• “Sirenita” e os nenos de rei “Tritón”.

Todos e todas nós aportamos o noso gran de area no coidado e aproveitamento sostible dos nosos mares e océanos. Por eso, os/as peques de E. Infantil, quixeron colaborar no proxecto do centro “MERGÚLLATE NO OCÉANO MÁIS AZUL”, do xeito que máis lles gusta, a ritmo dos Beatles.

A canción “The yellow submarine” serviu de excusa para aprender máis sobre o medio mariño: fish, waves, the sea, ...

Pero o noso yellow submarine non se move cun motor contaminante do fondo do mar, a enerxía que o move non pode ser máis limpa e inocente: As voces e a ilusión polos seus traballos a prol do coidado do mar.

DISFRUTA DO FONDO MARIÑO A BORDO DO NOSO YELLOW SUBMARINE!

Neste libro recollemos aquelas actividades e recursos educativos que nos poden ser de utilidade para a celebración do magosto no noso cole.

No mes de decembro, o alumnado de 3º de EP realizamos o primeiro concurso de animación á lectura deste curso. Nesta ocasión o libro escolleido foi No corazón do bosque de Agustín  Fernández Paz.

Raquel ten nove anos e vive na cidade. Un día vai coa súa clase de excursión ao bosque das Fragas do Eume. De regreso na casa, descobre abraiada que se lle coou na mochila un ser vello e diminuto. É Derdrín, un trasno de máis de trescentos anos, que habitaba na fraga e non quería pasar o inverno só. Dille á nena que unicamente precisa conversación e algo de comida. Raquel acepta que se converta no seu hóspede secreto e ofrécelle para durmir a caravana das barbies.

A novela é a crónica dos meses que pasan xuntos, durante os cales Derdrín exercerá unha influencia moi grande na vida da nena, tanto no ámbito familiar como na escola. Unha historia tenra e cargada de humor, que reivindica a necesidade da fantasía e, tamén, a importante función que cumpren os antigos mitos en calquera sociedade.

O equipo gañador levou como premio o libro que traballaremos ao longo do próximo mes.

Na aula de 1º de Ed. primaria, reforzamos a lectura  empregando libros en castelán e galego. O grao de dificultade das mesmas ía en función da comprensión lectora dos alumnos.

Traballamos tanto a lectura individual como a lectura colectiva, en voz alta e de xeito encadeado, de libros como “Un baúl lleno de dinosaurios”, “A avoa non quere comer”…

Fíxose un seguimento  individualizado da comprensión  lectora  e da velocidade lectora de cada un dos alumnos.

Asemade, os luns e os mércores traballamos a lectura de poesías. Dividimos o proceso en catro partes:

1. Escoitar: neste primeiro momento os alumnos, en cada sesión, escoitaban unha poesía e despois facían un debuxo sobre a mesma.  
2. Ler: neste momento cada día un alumno lía un poema para os seus conpañeiros. Os propios alumnos escollian os poemas que querían mostrar á aula.
3. Rematar: nesta parte, non só, nos dedicamos á poesía se non tamén a narrativa. Presentabamos ao alumnado un conto ou un poema sen rematar e os alumnos tiñan que rematalo e decoralo con diferentes técnicas artísticas.
4. Crear: a última parte do proceso foi a creación de poemas por parte dos alumnos, traballamos a rima e practicaron a poesía sobre as cousas cercanas a súa vida coma as estacións do ano, os animais...

En todo o proceso, respectamos a creatividade do alumnado, os seus intereses e as súas necesidades.

“Poesía es la unión de dos palabras que uno nunca supuso que pudieran juntarse, y que forman algo así como un misterio.“
Federico García Lorca

SAKURA CHERRY BLOSSOM

Chegou spring e con ela toda unha explosión de cores na natureza. Así loce o noso cherry tree do que poderemos comer moi pronto unas delicious cherries.

Coa técnica do origami demos a primeira forma ás flores que brotaron dun especialísimo cherry tree que nos achega a Yayoi Kusama.

Pasámolo ben facéndoo,  pero aínda mellor cando comamos as cherries.

Coma xa ben sendo tradición, nos últimos cursos, volvemos a realizar unha exposición de calacús para celebrar a Festa do Samaín.

A maioría do alumnado trouxo os traballos que realizaron na súa casa coa axuda da súa familia para expolo nos corredores da entrada do colexio.

Parabéns para todos e todas as participantes pola calidade dos seus traballos.

Traballos destacados polo alumnado

Durante o verán redecoramos o espazo da biblioteca con nova pintura. Aproveitamos a ocasión para facer unha nova restructuración dos diferentes espazos de lectura da nosa biblioteca grazas á dotación material da Consellería e ao novo orzamento do PLAMBE. Reorganizamos os espazos para a lectura dos máis cativos e dos primeiros lectores

Asemade, mudamos de lugar os andeis destinados aos prelectores para que lle fosen máis accesibles os diferentes fondos da biblioteca.

Todos os fondos ordenados por CDU sufriron unha nova localización espacial, facéndoa agora moito máis operativa e adaptada ao alumnado.

O libro Game Over, é unha obra teatral, escrita por Carlos Losada e editado pola Biblioteca Dramática Galega. O libro traballouse durante o mes de abril. Game Over conta a historia de Roi e como dende que acende a videoconsola para botar outra partida co seu xogo favorito dende hai unhas semanas, a última versión dos súper loitadores Mortal Combat versión 3.0. Pendente de chegar á gran final do xogo, nin atende a chamada do seu amigo Sebas, nin a do seu pai e ten unha boa liorta coa súa nai. Roi, a pesar de todo, xoga coa consola ata quedar durmido deixando a Ken, o personaxe do seu vídeoxogo favorito, perdido baixo as letras vermellas de "Game over". Roi emprende así a viaxe ao seu país das marabillas e dos seus medos.

Actividade 1: Lectura

• Lectura colectiva en voz alta.

Actividade 2: Análise das personaxes

• A presentación das 10 personaxes.

Actividade 3: Traballo de contidos da área de lingua

• O texto serviu como práctica para traballar os contidos que estabamos dando na aula nese momento: os verbos (tempos verbais, conxugacións), pronomes, tipos de oracións e o estilo teatral.

Actividade 4: Ilustración

• O alumado realizaron debuxos das personaxes en diferentes situación e con diferentes calidades, o que nos permitiu afondar nos contidos relacionados cos adxectivos. Unha vez rematado dito traballo cada un dos alumnos/as realizou en A3 escenas da obra Game Over, o que nos permitiu converter a obra de teatro nun conto que nos permitiu amosar e contar ao resto do alumnado co noso Kamishibai.  

Actividade 5: Conclusión/valores

• Despois da presentación da obra de teatro aos nenos máis pequenos fixemos a nosa valoración para saber se lles gustou ou non o noso traballo.

 Reunión do club de lectura na biblioteca

Unha vez rematado de traballar co libro, voltamos a realizar unha xuntanza na biblioteca, no tempo destinado a actividades extraescolares, na que intercambiamos as nosas impresións e sensacións sobre o libro do Game over e o traballo desenvolvido sobre o mesmo.