Peques de A Laxe

Ola familias!

Outra semana de cole superada!! Esta semana comezamos a traballar o outono, axudándonos do conto "Ou ladrón de follas", que foi super divertido e encantounos a todos. Estivemos a falar todos xuntos no momento de asemblea sobre que é o outono, que cousas pasan cando se termina o verán e chega esta nova estación... e todos achegamos moitas cousas! Agora xa sabemos que no outono empeza a facer un pouquiño de frío, que algunhas árbores perden as súas follas e que estas caen ao chan enchéndoo todo de cores: laranxa, amarelo, vermello...

Unha das actividades que fixemos para traballar a motricidade fina e a creatividade, foi a dos grafismos con pezas soltas, algunhas delas relacionadas co outono.

Tamén seguimos traballando a lectoescritura partindo do noso nome, primeiro formándoo con letras de cores e cando xa o tiñamos todo controlado fixemos unha actividade parecida na que puidemos pegar as letras do noso nome con pegamento!!! Isto encantounos a todos xa que levabamos moito tempo pedíndolle á profe usar os pegamentos.. jejeje

Outra actividade para traballar as matemáticas foi a de seguir o trazo do número 1 con pintura de dedos, manchámonos un pouco pero pasámolo moi ben! Tamén coñecimos un novo número: o número 2, que formamos con pezas do outono. Así tamén seguimos traballando a motricidade fina.

Por último, como nos encanta a pizarra dixital repasamos nela os números 1 e 2, elixindo cada un a cor que máis nos gustaba para realizar o trazo e repasando así tamén todas as cores.

Ademais, esta semana estivemos a decorar as nosas bolsas para o préstamo de libros da biblioteca mentres outros compis traballaban con outras propostas: quebracabezas, xogos de motricidade fina, propostas de lectoescritura, de atención...

Cando xa estaban as nosas bolsas listas puidemos por fin subir á biblioteca do cole para coñecela, e encantounos! Ten moitísimos contos que poderemos elixir semanalmente para levarnos a casa e lelos en familia.

Por último, o venres tivemos a visita da asociación ASCM, unha asociación que traballa pola inclusión plena das persoas con discapacidade, e que nos preparou un circuíto coas cadeiras de rodas para sensibilizar e concienciar. Gustounos moito a experiencia e démoslles as grazas por vir ao noso cole.

Ata a semana que ven familias!

Ola familias!!

Esta semana démoslle a benvida ao outono e agunhas das propostas estiveron relacionadas con esta temática, pero tamén levamos a cabo outras moi interesantes.

Como sabedes sempre comezamos cunha asemblea na que realizamos diversas tarefas, e unha delas é realizar unha suma. Para iso podemos axudarnos de material manipulativo quen o precise e na que traballamos o conteo, identificación de grafía e realización das mesmas. Ademais moitas veces sorprendemos á profe facendo series de forma espontánea.

O luns tivemos unha proposta sensorial con lentellas que formaban unha castaña e coa que traballamos os trasvases e a coordinación óculo- manual. Algún ata botaba con ámbalas mans.

Tamén traballamos vocabulario desta estación do ano e aspectos de lectoescritura. Tiñamos que formar con letras manipulativas o nome dun obxecto que aparecía nunh tarxeta e logo escribilo.

E sabedes o importante que é traballar a atención, por iso xogamos ao lince buscando obxectos nunha folla con moitisimas imaxes.

E como fomentamos a forza das nosas mans? Pois a plastilina xoga un papel moi importante e nos permite ser creativos.

Tamén fixemos quebracabezas numéricos, nos que tiñamos que ordear os números para formar unha imaxe, traballando a identificación de números e a secuencia dos mesmos.

E como fomentar a atención e a interiorización de contidos lóxico- matemáticos? Pois co xogo do dominó, pero empregado doutra forma. Primeiro tiñamos que colocar nunha plantilla as pezas do dominó que aparecía tendo en conta os puntiños, pero logo a profe retounos e tiñamos que colocar outras pezas, pero xa non tiñamos os puntos senón os números que representaban esa cantidade, polo que a atención tiña que ser moito maior, asociando grafía- cantidade. Que orgullosa está a profe de nós!!!

Tamén collimos con pinzas pauiños de cores nunha bandexa sensorial de lentellas e os clasificamos por cores, afianzando a clasificación e a motricidade fina.

E asociamos cores a imaxes do outono coa paleta de cores de Montessori.

Outra das propostas de lectoescritura estivo relacionada coa conciencia fonolóxica rodeando nunha tarxeta as imaxes que comezaban pola letra indicada.

A semana que ven teremos unha sorpresa e, aínda sen saber que será, colaboramos para tinguir garavanzos coas cores do outono: vermello, laranxa, amarelo e marrón.

A semana que ven comezaremos co préstamo de libros da biblioteca e por iso decoramos as nosas bolsas (este curso cambiámolas polas carpetas). Para iso empregamos rotuladores especiais para tela e desenvolvemos a nos a creatividade pois cada un fixo o debuxo que quixo.

Para fomentar o cálculo mental a subitización é moi importante, pois temos que identificar cantos elementos hai nun grupo sen contalos dun en un e iso foi a que fixemos nesta tarefa na pantalla.

E seguimos coa estimación, intentando adiviñar cantos pompóns había nun bol sen contalos. Para iso observámolos e logo apuntamos o número que criamos que había nun anaco de papel. Un dos compañeiros acertou!!

Estas semanas a profe deuse conta de que ás veces dudamos un pouco como facer os números, por iso nos propuxo unha actividade na que tiñamos que realizalos cun coche seguindo as liñas e despois os fixemos na pizarra. Previamente tiñamos que ordealos na recta numérica, pois a profe nolos daba todos mesturados. Que pilla, jeje.

E seguimos ca subitización no dado e coa coordinación óculo- manual collendo cunha palliña tantas goma nun bandexa con auga como nos indicaba o dado ao tiralo.

Tamén houbo propostas libres con materiais novos, como estes tubos cos que fixemos de todo: bastóns, coches... e as pezas soltas.

En valores nos xuntamos con algúns compis de 3 e 4 anos. Nesta ocasión limos un conto sobre a amizade, valorando a súa importancia.

E seguimos con arte, motricidade fina e creatividade formando estes grafismos con pompóns de cores, seguindo sempre a súa direccionalidade.

E nos adentramos no mundo da minúsculas partindo do noso nome (o cal xa o vemos neste novo tipo de letra nos percheiros, na asemblea...). Primeiro tiñamos que atopar o noso nome entre os de todos os compañeiros/as e logo formalo con esta letras manipulativas.

Tamén puidemos xogar de forma libre neste minimundo de outono con animais e cabazas.

Este curso tamén seguimos traballando a estimulación da linguaxe oral. Esta semana fomentamos a conciencia fonolóxica xirando a ruleta, dicindo o son da letra que saía e dicindo unha palabra que comezase por ese son. Se alguén necesitaba axuda aí estamos todos para axudar.

E chegou o venres, día no que fiexmos quebracabezas do outono, traballando a atención, a concentración, a paciencia...

Buscamos números ocultos na táboa do 100 tapados por elementos do outono. Nesta ocasión tamén nos axudamos uns ao outros.

E formamos as casiña dos números do 0, 10 e 20 en equipo.

Para rematar o día tivemos a visita da Asociación ASCM que nos permitiu facer un circuito e xogar ao baloncesto sentados en cadeira de rodas, comprendendo de primeira man como se moven e se sinten as persoas que necesitan empregalas. Gracias por todo!!

Como xa sabedes a semana que ven comezamos proxecto novo: O corpo humano. Por iso falamos e anotamos o que sabemos e o que queremos saber sobre o tema. Hai moito coñecemento sobre el, pero tamén moitos enigmas que resolveremos.

Boa fin de semana!!

Ola familias!!

Esta semana seguimos collendo ritmo mediante propostas que traballan lectoescritura, lóxica-matemática, arte...

Demos a benvida ó outono co álbum ilustrado ''O ladrón de follas'', que trataba sobre un esquío á que lle desapareceran as follas da árbore da súa casa... Quen sería?.

E despois da lectura, fixemos uns debuxos sobre o conto.

Tamén aproveitamos para introducir vocabulario básico do outono e traballar o conteo co mesmo: tiñamos que tirar o dado, colocar tantos obxectos como nos tocaba e despois representar a cantidade coa grafía.

E non só contamos con obxectos de outono, senón que tamén utilizamos os policubos, que nos encantan...

Seguindo coa grafía dos números, utilizamos a pantalla dixital para escribir algúns: neste caso repasamos e despois tentámolos escribir nós soliñ@s.

E tamén xogamos cos atributos dos bloques lóxicos, traballando así as cores, formas, tamaños e grosor á vez que estimulamos o noso razoamento lóxico e a aprendizaxe visual.

Outras das nosas actividades estiveron dedicadas ao grafismo e á lectoescritura: traballamos coa nosa inicial, fixemos trazos con pezas soltas sobre papel e area (verticais, horizontais, bucles, formas...) e tamén compuxemos o noso nome, desenvolvendo tamén a direccionalidade. Gustounos tanto, que ademais de con pezas soltas, fixémolo con gomets e con plastilina, que nos permite potenciar a nosa motricidade fina e concentración.

Xa para rematar a semana, decoramos no recuncho de arte as nosas bolsas de tea que usaremos para levarnos a casa os contos da biblioteca. Quedáronnos chulísimas!.

E por suposto, fomos á biblioteca do cole para elixilos, con todos os que había... difícil elección!

Por último, viñeron visitarnos ó cole a asociación ASCM, unha entidade sen ánimo de lucro que ten como obxectivo prioritario a plena inclusión das persoas con discapacidade, e fixemos un circuito coas cadeiras de rodas, para sensibilizarnos sobre a riqueza das distintas capacidades existentes na sociedade.

Vémonos a semana que vén familias!

Ola familias! Xa estamos por aqui os nenos e nenas de 3 anos!! Fai dúas semanas comezou a nosa aventura no “cole de maiores”!!! Foron días moi intensos, cheos de novidades e moitísimas emocions… temos novos compañeiros e compañeiras, novos espazos que descubrir e novos materiais divertidos cos que imos aprender moitísimas cousas.

Nestes días estivemos dedicando tempo a familiarizarnos coa nosa nova aula, que é moi chula! Estivemos xogando con diferentes quebracabezas, fixemos un picnic no recuncho de xogo simbólico, traballamos a motricidade fina e a clasificación por cores na mesa sensorial, e divertímonos moito pintando o mural do espazo no rincón de arte.

Tamén pasámolo moi ben no rincón da biblioteca, onde temos unha morea de contos moi divertidos.

Ademais, a medida que ían pasando os días, tivemos que ir aprendendo novas rutinas: poñer o mandilón e as zapatillas ao chegar á clase, lavar as mans antes da merenda, facer o noso tren para saín a xogar ao patio… cantas cousas novas!!! Por certo, podedes ver nunha das fotos a creación dos manteis para o momento da merenda, primeiro fixemos un debuxo e depois decoramos con gomets, quedaron xenial!

Comezamos a traballar a lectoescritura partindo do noso nome, neste caso fixémolo pegando gomets seguindo as letras que o forman. Tamén comezamos o traballo dos números con esta alfombra, traballando así a serie numérica e as grafías dos mesmos. O número 1 foi o protagonista, compuxémolo con diferentes pezas soltas e pasámolo moi ben combinando as que máis nos gustaban.

Por último, esta semana celebramos o aniversario de dúas compis, Julia e Aloia! Decoraron as súas coroas, repartiron os agasallos para os compis e todos xuntos cantamos e bailamos polos seus aniversarios. Nós tamén quixemos ter un detalle con elas, creando este lenzo tan bonito coas súas mans como protagonistas e as pegadas do resto de compañeiros e compañeiras ao redor.

Ata a semana familias!!!

Ola familias!

Aquí ensinámosvos algunhas das propostas desta semana...

Empezamos cunha das nosas rutinas favoritas: a asemblea. O encargado debe colocar o día da semana, número, mes, pasar lista e contar cantos somos no cole, comprobar o tempo, contar como se sente..., e despois sempre temos un intre para compartir cos nosos compañeiros e compañeiras as cousas interesantes que nos pasaron o día anterior. Aos poucos irémola ampliando con propostas novas que traballen conceptos lóxico-matemáticos e de expresión oral.

Traballamos a representación de nós mesmos e do esquema corporal a partir do debuxo. Cada mes iremos facendo un para ver como imos evolucionando!

Dentro da lectoescritura, empezamos traballando co máis próximo a nós: recoñecer e asociar o noso nome e o dos nosos compañeiros e compañeiras (por que letra empeza e cal é o seu son), e construír o noso nome seguindo o modelo, que nos serve como axuda visual. Aos poucos iremos aumentando a complexidade...

En canto á lóxica matemática traballamos o conteo do 0 ao 5 de maneira máis visual e manipulativa, colocando obxectos segundo o indicado.

E tamén a grafía do 1 ao 3 pegando gomets para formar os números no sentido dás liñas.

Por último, empregamos as alfombras dos números para traballar a recta numérica do 1 ao 10. Primeiro tiñamos que ir saltando dunha nunha dicindo á vez o número correspondente: cálculo, coordinación motora, axilidade mental...

Despois, debiamos buscar os números que nos dicía a profe pero de maneira salteada, traballando así a asociación do número coa súa grafía.

E finalmente, para traballar o concepto de cantidade, colocar cantas pezas como fosen necesarias á beira do seu número.

Tamén traballamos a estimulación cognitiva e da linguaxe dunha maneira interactiva coa pantalla dixital, grazas ás parellas lóxicas, que nos axudan a desenvolver a atención, o léxico e o razoamento lóxico, a través do establecemento de relacións entre palabras: tiñamos que identificar, nomear, asociar, determinar a súa utilidade e tomar conciencia da relación funcional dos dous elementos que formaban a parella.

Outra actividade que fixemos de estimulación da linguaxe foi o lince do verán: tiñamos que atopar o obxecto da tarxeta que nos tocaba... unha proposta para traballar prerrequisitos básicos como a memoria e a atención, á vez que potenciamos o noso vocabulario e a discriminación auditiva dos fonemas. Encántanos traballar e xogar en equipo!

E falando de xogar... tamén tivemos tempo de xogar aprendendo!! Co memory para facer parellas, os quebracabezas, e as series lóxicas de menor a maior traballamos aspectos como a atención, a memoria visual, a concentración, a coordinación ollo-man, as habilidades cognitivas e as relacións espazo-temporais.

E xa para rematar, celebramos o aniversario do noso amigo Liam: decorou a súa coroa, repartiu os regaliños e cantamos e bailamos o cumpreanos feliz. Que ben o pasamos! Moitas felicidades Liam!