CEIP PLURILINGÜE A LAXE

   Esta semana celebramos o Entroido. Comezamos cumplindo cada un dos mandados da Meca e cada día fomos ao colexio dunha cor: o luns de amarelo, o martes de verde, o mércores de vermello e o xoves de azul. 

  Ademais elaboramos unhas gafas moi chulas como complemento. 

  O venres chegou o día da gran celebración. Primeiro tivemos un taller de máscaras grazas a ANPA, quedaron xenial!!!

  Este ano a temática eran os estilos musicais e a nós tocounos o country. Por iso disfrazámonos de vaqueiros/as converténdonos na LAXE BAND. E así desfilamos cos nosos compañeiros/as de primaria e logo realizamos a nosa actuación, bailando Cotton Eye Joe de Rednex.

    Esta semana coñecimos a profesión deportista e coa profe Lidia estivemos practicando diversos deportes como tenis, béisbol, hockey e atletismo. Ademais desde este semana contamos con Beth, a auxiliar de conversa, que nos acompañará todos os mércores na sesión de inglés.

  O mércores 23 celebramos o día de Rosalía de Castro, representando en linguaxe de signos o poema do Moucho.

  E tamén fomos a aula Steam para xogar co lego, coas pezas soltas desenvolvendo a nosa creatividade e cos xogos de mesa.

   O luns celebramos o día do amor e fixemos un corazón con la que convertemos nun imán para o frigorífico. Ademais decoramos un calecín segundo o modelo para poder ter o par.

  Tamén fixemos series de forma libre no recuncho da lóxica- matemática e realizamos quebracbezas en equipo.

  Esta semana tocounos coñecer a profesión de doutor/a, así que puidemos converternos en todos uns médicos/as para curar aos nosos bebés.

   Onte veu a visitarnos a tía de Alex e deunos unha clase de ioga. Fixemos un pouco de quentamento inicial, despois varias actividades e por último unha relaxación. Encantounos coñecer un pouco máis sobre esta disciplina e poder practicala. 

   Vos deixamos un vídeo resumo.

   Esta semana coñecimos a profesión de paleontólogo, por iso analizamos un dos dinosaurios que temos na clase: o Tiranoasurio Rex. Ademais tamén fixemos sumas e restas con dados, preparamos o Moucho para gravar o vídeo de Rosalía a vindeira semana, continuamos co noso abecedario e comezamos a preparar unha cousiña para o día 14 de febreiro.

   Tamén estivemos polos diferentes recunchos da clase traballando ca recta numérica, ca táboa do 100 ou formando palabras cas letra de cores na mesa de luz.