A Declaración Universal dos Dereitos Humanos é un documento que serve de plan de acción global para a liberdade e a igualdade protexendo os dereitos de todas as persoas en todos os lugares do mundo.

Os nenos e nenas do CEIP de Arzúa recollemos varios deses dereitos plasmados neste mural tan bonito titulado “Unha marea de dereitos”. Cada peixe ten rotulado e decorado un dos  dereitos que é “pescado” por ese barco coa finalidade de darle visibilidade, recoñecelo e valoralo.

O 25 de novembro conmemórase o Día Internacional da Eliminación

da Violencia contra a Muller, coa finalidade de visibilizar a violencia

contra as mulleres e nenas a nivel mundial, denunciar estes feitos e

proclamar políticas que axuden a acabar con esta situación.

Os nenos e nenas do Ceip de Arzúa concienciámonos moito sobre este este

grave problema e realizamos diferentes actividades, murais e traballos

onde plasmamos os nosos desexos.

Ademais, realizamos un mural colectivo onde escribimos mensaxes

negativas en gotas de auga que o paraugas pretende “frear” e decoramos o

mural con follas de moitas cores que portaban mensaxes positivas e

esperanzadoras:

Estes son algún dos nosos traballos:

O propio venres, 25 de novembro, o alumnado de 5º e 6º participou nunha

charla contra a Violencia de Xénero (Plan Director).

Tratáronse temas como: diferenzas entre violencia de xénero e violencia

doméstica, tipos de violencia de xénero, tipos de maltrato…

Como sempre, Óscar ( Garda Civil que impoartiu a charla), botou man de

vídeos ilustrativos que facilitaron que o alumnado comprendera a realidade:

a violencia de xénero non só é pegar!

Este venres, 11 de novembro, día de San Martiño, celebramos unha das festas máis importantes do outono, o Magosto. Esta é unha celebración popular relacionada coa colleita das castañas onde os veciños se reúnen para asalas, bailar, xogar e festexar. E iso mesmo é que nós fixemos.

En primeiro lugar, elaboramos este mural colectivo que leva por título “Móllate neste Magosto” no que cada nivel escribiu e ilustrou poemas, refráns, adiviñas… relacionadas con esta conmemoración. Quedou así de bonito:

Logo, celebramos o Magosto con xogos populares, degustación de castañas asadas e chocolatada. Foi unha xornada moi divertida onde desfrutamos moitísimo e nos acompañou un día maravilloso co  “verán de San Martiño”.

O alumnado de Educación Infantil participou en diferentes xogos que estaban repartidos por diferentes recunchos do colexio:

 1. Os globos

2.  A rá

3. Aros musicais

4. A corda

5. Carreia de sacos

Ao finalizar cada xogo, recibían unha peza dun puzle, que despois montaron na aula:

E para rematar a xornada, merendaron unhas deliciosas castañas asadas e tomaron un rico chocolate:

O alumnado de Educación Primaria tamén participou en diferentes xogos populares:

1. Chave e chapas

2. A rá

3. A pesca

4. Aros musicais

5. Tres en raia

6. A corda

7. Carreira de sacos

8. Mariola

9. Os panos

Logo, armaron o puzle de recompensa.

E para finalizar, degustaron as castañas e desfrutaron dun delicioso chocolate.

Unha xornada marabillosa! Feliz Magosto!

Para conmemorar o Día das Bibliotecas, este curso puxémonos en contacto coa actriz e contacontos Erica González. 

Hoxe, 4 de novembro, visitou a nosa biblioteca e grazas a ela o noso alumnado puido desfrutar dunha sesión de animación á lectura. 

A través dun mar en calma, Erica foi narrando historias que nos atraparon e que calaron nos nosos corazóns. Cun conto explicounos a importancia de aceptarse e sentirse "guapas e guapos" para que os demais aprecien a nosa beleza. Con outro, díxonos os ingredientes para ser felices: a familia, a ilusión, a harmonía e a saúde e comentou que se algún deles nos falta nun momento determinado, podemos intentar cociñar a felicidade cos ingredientes que nos quedan. Tamén co flamengo Renato Nicanor descubrimos que nada é imposible para un corazón disposto porque todo esforzo ten a súa recompensa. Estes e outros relatos foron os integrantes dunha xornada chea de fantasía e ilusión que, de seguro, quedará gravada na nosa memoria. 

Grazas Erica por compartir estas divertidas historias connosco e por amosarnos, unha vez máis, que a través dos libros podemos viaxar e aprender moitas leccións e valores. 

O Samaín é unha festa chea de maxia e misterio. A noite do 31 de outubro facíase unha celebración moi especial que, de feito, constituía a festa celta máis importante: era o comezo do Ano Novo Celta.

Conmemoraba o tránsito da luz (verán) á escuridade (inverno), un momento máxico no que, por unha soa noite, quedaban abertas as ventás do máis alá, o cal era aproveitado polas almas dos difuntos para visitar o mundo dos vivos.

Ademais de traballar e aprender máis cousas sobre esta festividade, decoramos as nosas aulas así de terroríficas!

Botádelle unha ollada a estes recursos que poden resultar interesantes:

- Compilación de crenzas e supersticións, cantigas, adiviñas, refráns, poemas e suxestións gastronómicas.

https://en.calameo.com/read/004018423bf5c49b1729b

- Unidades didácticas para traballar o Magosto. Preme aquí.

- Páxina web cunha selección de xogos ancestrais da nosa cultura ou acervo familiar, para xogar no interior ou no exterior e que aposta polas tecnoloxías dixitais para preservar, desenvolver e gañar públicos para a cultura e a lingua galegas.

http://xogostradicionais.consellodacultura.gal/

Deixámosvos aquí diferentes recursos para achegarnos á festividade do Samaín:

- Unidade didáctica do Samaín. Preme aquí para visualizala.

- Contos de medo do Samaín. PREME AQUÍ

- Xogo para aprender curiosidades do Samaín en formato Genially:

https://view.genial.ly/61575c7175267b0e312bca8e

- Vídeo do Samaín:

-  A orixe  da nosa lingua guapa: Unha meiga, unha profesora e un grupo de nenas e nenos protagonizan a primeira película de ficción da Real Academia Galega, baseada en feitos abraiantes pero reais como a vida mesma. Non perdades esta fascinante historia do nacemento dun idioma especial coma ningún outro, porque sodes vós as persoas que tendes o superpoder de seguir a darlle mil primaveras máis de vida. Só tendes que berrar e practicar este retrouso máxico: Nós, en galego! A nosa lingua guapa! 

 PREME AQUÍ

Neste mes de maio, ademais de traer diferentes espectáculos ao noso colexio para festexar as Letras Galegas, tamén fixemos moitas actividades desde o propio centro. 

Este é o mural colectivo que montamos na planta baixa, no que aparecen tres caricaturas de Florencio Delgado Gurriarán, realizadas polo alumnado de 4º, 5º e 6º EP, e un marcapáxinas representando a cada titoría. 

Estes son algúns dos traballos que se fixeron nas distintas aulas do colexio.

O venres, 13 de maio a compañía de teatro Ghazafelhos trouxo ao noso centro a súa obra "A máquina do tempo"; unha peza de teatro que ilustra dun xeito ameno e pedagóxico a historia das civilizacións. Coa axuda dunha curiosa escenografía, Pepablo Patinho e Montse Piñón, fixeron un percorrido pola historia a través de dúas chamativas personaxes: a doutora Mon e o seu axudante Pe. Durante o espectáculo solicitaron a axuda dos nenos e nenas para viaxar xunto coa doutora e o seu axudante a distintas épocas da nosa historia. Con esta peza teatral vivimos unha aventura educativa a partir do humor e botamos unha boas risadas. 

Fixéronse dous pases para que puidera asistir todo o alumnado de Primaria a esta representación teatral.

Este espectáculo foi financiado polo Concello de Arzúa.