Skip to Content

EXCURSIÓN AO PARQUE ACUÁTICO DE AMARANTE

Xov, 2023-06-01 17:55 — clarisa

                   

Organizada pola ANPA Pousa de Fontán o día 24 de Xuño.

Anímate a participar nunha xornada lúdica coa túa familia ou amigos.

DESCARGA A FOLLA DE INSCRIPCIÓN AQUÍ

PROGRAMA DE RADIO ESCOLAR * TELEXORNAL*

Mér, 2023-05-24 19:41 — clarisa

O alumnado de 3º, 4º, 5º e 6º do obradoiro de Radio e TV, o venres día 19 de maio, creou e gravou o seu telexornal. Deixámosvos aquí o resultado. Temos moitos locutores e locutoras do futuro. Encantoulles a experiencia.

DÍA DE EUROPA

Mér, 2023-05-24 09:26 — clarisa

O día 9 de maio conmemoramos o día de Europa. A actividade organizada polo equipo Pluri consistíu na investigación da cultura de diferentes países que conforman a Unión Europea.

Este foi o resultado:

PERCORRIDO POLA RÍA DE VIGO 6ºP

Mar, 2023-05-23 20:07 — clarisa

Nesta saída o alumnado acudíu ao Porto de Vigo realizando un percorrido pola Ría de Vigo con monitores/as especializados nunha embarcación con todos os avances tecnolóxicos para achegar ao alumnado á riqueza do noso ecosistema mariño único.

Obxectivos didácticos:

  • Coñecer a xeografía da Ría de Vigo.
  • Valorar a riqueza do ecosistema mariño.
  • Coñecer e valorar a riqueza das bateas de mexillón.
  • Observar in situ diferentes especies de animais invertebrados mariños.
  • Observar a composición dunha mostra de plancto mariño.
  • Valorar a importancia que ten para a vida dos seres vivos o coidado dos elementos da paisaxe máis próxima.
  • Enriquecer as relacións sociais dentro e fóra da aula.
  • Gozar dunha xornada de aprendizaxe e lecer.

CALENDARIO ESCOLAR PARA O CURSO 2023-2024

Dom, 2023-05-21 10:41 — clarisa

Estimadas familias:

Para que poidades conciliar e organizarvos mellor, informámosvos do calendario escolar para o curso 2023-2024, publicado na:

Orde do 3 de maio de 2023 pola que se aproba o calendario escolar para o curso 2023/2024 nos centros docentes sostidos con fondos públicos na Comunidade Autónoma de Galicia.

 

DÍA DAS LETRAS GALEGAS

Mér, 2023-05-17 09:47 — clarisa

O Día das Letras Galegas permítenos cada ano viaxar a un capítulo da nosa memoria colectiva, tempo de nós, que recuperamos a través da persoa á que lle dedicamos a celebración. Nesta ocasión a significación é dupla. Por unha banda, a personalidade e a obra de Francisco Fernández del Riego (Vilanova de Lourenzá, 1913 - Vigo, 2010), unha das grandes figuras da resistencia e a revitalización cultural do galeguismo despois da guerra civil, cofundador da editorial Galaxia e doutras moitas iniciativas a prol da recuperación da lingua e a identidade de Galicia: editor, publicista, antólogo, memorialista, ensaísta, viaxeiro, narrador de ficcións, autor dunha inxente correspondencia coas personalidades máis sobranceiras da cultura galega do seu tempo, político cando puido selo, editorialista, orador brillante, crítico literario, xestor de empresas culturais… Unha vida dedicada enteiramente ao seu país. Corazón e pulmón.

Atoparás maís información no seguinte enlace.

O centro tamén traballou o Himno Galego co alumnado. Aquí vos deixamos o vídeo co resultado.

 

VISITA AO IES AUGA DA LAXE DO ALUMNADO DE 6º DE ED. PRIMARIA

Sáb, 2023-05-13 20:02 — clarisa

O pasado venres día 12, o alumnado de 6º de Ed. Primaria visitou o IES Auga da Laxe. 

Os obxectivos da visita foron:

  • Posibilitar a transición fluida do alumnado entre as dúas etapas educativas.
  • Fomentar o proceso de acollida e de integración  no instituto para evitar situacións de inadaptación, de ansiedade, procurando responder as súas inquedanzas para evitar preocupacións innecesarias.
  • Favorecer o coñecemento do novo centro e procurar un adecuado grao de comunicación entre o alumnado e o novo centro.
  • Coordinar as actuacións titoriais dos dous centros.

Que fixeron alí?

10:00 h recepción e benvida. Visita polas instalacións do centro.

11:10 h Un grupo fixo plástica e realizaron unha actividade conxunta e o aoutro aistíu a un concerto interpretado polo alumnado do instituto na Aula de Música. Intercambiaronse os grupos.  Déixovos os enlaces aos  concertos. CONCERTO 1, CONCERTO 2

12:00 h Charla no salón de actos de orientación académica onde explicaron as características da nova etapa e respondendo ás dúbidas do alumnado.7

12:30  h Pincho a cafetería e foto final.

Deixámosvos algunhas imaxes da saída.

 

 

COMO MELLORAR A AUTOESTIMA

Xov, 2023-05-11 20:17 — clarisa

Desarrolla tu Autoestima : "Las 10 claves de la autoestima" | UC3M

AQUÍ deixamos unhas pautas para as familias e reflexións para mellorar a autoestima do alumnado.

PAUTAS PARA FAMILIAS CON ALUMNADO CON DIFICULTADES DE APRENDIZAXE

Xov, 2023-05-11 20:15 — clarisa

Qué son las dificultades de aprendizaje? – ASOCIACIÓN ADHIN
AQUÍ  Encontrás un documento con pautas para las familias  sobre as dificultades de aprendizaxe.

 

OBRADOIRO DO DEPARTAMENTO DE ORIENTACIÓN: COMPETENCIAS SOCIAIS

Xov, 2023-05-11 19:58 — clarisa

Adicamos o mes de marzo a desenvolver e afianzar as competencias socioemocionais no alumnado dos cursos de 3º e 4º de primaria  a través do OBRADOIRO DE FORMACIÓN EN COMPETENCIAS SOCIOEMOCIONAIS. A finalidade deste Obradoiro foi a de:  

                • Favorecer o seu autocoñecemento.
                • Fortalecer a confianza en si mesmos.
                • Fomentar un maior coñecemento e xestión das propias emocións.
                • Aprender estratexias de xestión emocional e flexibilidade mental.
                • Aumentar o nivel de resiliencia e a adaptación positiva aos cambios.
                • Identificar as emocións nos demais (empatía).
                • Desenvolver a comunicación emocional nas relacións sociais.
Distribuir contido


by Dr. Radut