LETRAS GALEGAS

ACTIVIDADES DA SEMANA DAS LETRAS GALEGAS

Xov, 2024-05-23 18:56 — clarisa

Dende o EDLG propuxeron realizar as seguintes actividades para indagar na vida e obra da homenaxeada deste ano das Letras Galegas LUÍSA VILLALTA GÓMEZ e outras para fomentar o uso do galego.

No seguinte enlace tivemos moitísimos recursos para traballar a figura de Luísa Villalta en formato papel e online. http://seminariogalan.org/
Os cursos 3º, 4º, 5º e 6ºEP realizaron un cuestionario por equipos que tiveron que cumplimentalo buscando nos cartéis que estaban por todo o cole. Os cartéis tiñan un número que se correspondía co número das preguntas. Esta actividade realizouse dende o 14 ata o 24 de maio.
O 16 de maio o alumnado de Educación Infantil, 1º e 2º ciclo de EP realizaron unha xornada de Xogos Populares organizados polo profesorado de Ed. Física.
O 23 de maio ás 10h tivemos no centro un contacontos a cargo de Barafunda para o alumnado de Educación Infantil e 1º ciclo de EP.
O 4 de xuño ás 12h desfrutaremos dun concerto de música en galego a cargo de Migallas Teatro para o alumnado de Educación Infantil e 1º ciclo de EP.
Concerto didáctico, o martes 28 de maio con Tradison, grupo de Donas con instrumentos tradicionais para todo o alumnado do centro.
Estamos pendentes de confirmar data para un obradoiro de regueifas para o alumnado de 5ºEP.
Entre todo o alumnado realizaremos un maio.

DÍA DAS LETRAS GALEGAS

Mér, 2023-05-17 09:47 — clarisa

O Día das Letras Galegas permítenos cada ano viaxar a un capítulo da nosa memoria colectiva, tempo de nós, que recuperamos a través da persoa á que lle dedicamos a celebración. Nesta ocasión a significación é dupla. Por unha banda, a personalidade e a obra de Francisco Fernández del Riego (Vilanova de Lourenzá, 1913 - Vigo, 2010), unha das grandes figuras da resistencia e a revitalización cultural do galeguismo despois da guerra civil, cofundador da editorial Galaxia e doutras moitas iniciativas a prol da recuperación da lingua e a identidade de Galicia: editor, publicista, antólogo, memorialista, ensaísta, viaxeiro, narrador de ficcións, autor dunha inxente correspondencia coas personalidades máis sobranceiras da cultura galega do seu tempo, político cando puido selo, editorialista, orador brillante, crítico literario, xestor de empresas culturais… Unha vida dedicada enteiramente ao seu país. Corazón e pulmón.

Atoparás maís información no seguinte enlace.

O centro tamén traballou o Himno Galego co alumnado. Aquí vos deixamos o vídeo co resultado.

DÍA DAS LETRAS GALEGAS- O HIMNO GALEGO

Xov, 2023-05-04 12:04 — clarisa

O vindeiro luns 8 de maio imos realizar unha gravación con todo o alumnado do centro do Himno Galego. Déixovos por aquí un vídeo para que poidades practicalo.