Gústache a poesía de Celso Emilio Ferreiro? Daquela vas adorar coñecer a Celanova de Celso Emilio.

Nesta visita  descubrimos Celanova a través da vida e das palabras de Celso Emilio Ferreiro, paseando polos lugares frecuentados polo poeta e que se atopan mencionados na súa obra (Acevedo do Río, Vilanova das Infantas, a Praza maior, o Mosteiro...). Ao mesmo tempo redescubrimos o Celso Emilio através de Celanova, a vila por el máis amada, onde naceu, onde pasou parte da súa vida e onde está enterrado. Paseamos polos espazos máis significativos da vida de CEF, deixándonos acompañar polas palabras que o poeta escrebiu sobre Celanova. A casa onde naceu e onde viviu, onde foi feliz, onde sufriu prisión, a tasca na que se reunía con outros artistas e amigos, as rúas que percoría de mozo e de maior… Estes espazos revélanse como testemuños e cómplices literarios de CEF.

Datos importantes:

• Data: sábado 21 de xaneiro 2023
• Relator: Ramón Nicolás, Paula Lengua e Luís Ferreiro
• Horario: de 10:00 a 14:00h e de 16:00 a 20:00h.
• Código en  fprofe:  G2203005
• Lugar: Celanova

Nacín (modestia fora)

nun lugar onde o mundo

se chama Celanova.

Moitas vegadas

a miña nai contóumo.

O día que ti naciche

houbo estranas sinales no ceo.

  Celso Emilio Ferreiro, Onde o mundo se chama Celanova, 1975.

Dous cursos para profesorado de inglés de tódolos niveis: TIC TAC na aula de inglés e Developing oracy in English. Ademais, desenvolverase outro curso sobre a metodoloxía AICLE ou CLIL para profesorado de materias non lingüísticas que queiran impartir a súa materia nunha lingua estranxeira. 

S2201068 Developing oracy in English

Sábado, 28 de xaneiro - 9:30 a 13:30h
Sábado, 11 de febreiro - 9:30 a 13:30h
Sábado, 25 de febreiro - 10 a 14h
Lugar: CAFI
Prazo de inscrición en Fprofe ata o 16/01/2023

SS2203011 TIC TAC na aula de inglés

Mércores, 1 de marzo – 16:30 a 19:30
Mércores, 8 de marzo – 16:30 a 19:30
Xoves, 16 de marzo – 16:30 a 19:30
Xoves, 23 de marzo – 16:30 a 19:30
Lugar: CAFI
Prazo de inscrición en Fprofe ata o 01/02/2023

S2203004 Metodoloxía CLIL e recursos dixitais na educación plurilingüe

Mércores, 25 de xaneiro – 16:30 a 20:30
Mércores, 1 de febreiro – 16:30 a 20:30
Mércores, 8 de febreiro – 16:30 a 20:30
Xoves, 9 de febreiro – 16:30 a 19:30
Lugar: CAFI
Prazo de inscrición en Fprofe ata o 16/01/2023

Curso recomendado para mestres de educación infantil e primeiros cursos de primaria. (1º, 2º)

Obxectivos:

1. Dotar ao profesorado de recursos, para empregar os contos na aula.
2. Experimentar a lectura de contos como un feito de comunicación cos alumnos/as.
3. Aprender a planificar actividades de animación lectora na aula.

Contidos:

1. Distinción entre ler, contar e recitar.
2. Contos e dramatización.
3. O conto como recurso didáctico.
4. Que, como e cando contar contos na aula.
5. O docente como narrador.

Relator: Franciso J. Guede García

Horario:

• 17-11-2022: de 17:00 a 20:00 - Ler, recitar, contar.
• 22-11-2022: de 17:00 a 20:00 - A escrita como motivación á lectura.
• 24-11-2022: de 17:00 a 20:00 - Contos con valores.
• 29-11-2022: de 17:00 a 20:00 - O ritmo nos contos.
• 01-12-2022: de 17:00 a 20:00 - A maxia dos contos.
• 18-01-2023: de 17:00 a 20:00 - O conto como estímulo para o xogo dramático I.
• 19-01-2023: de 17:00 a 20:00 - O conto como estímulo para o xogo dramático II.

As Xornadas de formación Traballando a competencia discursiva na aula. Novos marcos, ferramentas e estratexias pretenden ofrecer unha oportunidade para a reflexión sobre a importancia de ensinar a escribir textos na aula e para a proposta de actividades, ferramentas, métodos e estratexias que contribúan a unha mellora da competencia discursiva do alumnado.

Neste marco, retlexionarase sobre a competencia discursiva plurilingüe, con especial atencion ao novo escenario que se configura coa última reforma educativa; presentaranse diferentes propostas didácticas en volta do ensino do proceso de escritura: darase a conecer o corpus CORTEGAL, Corpus de textos galegos escritos por estudantes no ámbito academico, que inclúe mil textos anotados extraidos da prequnta de comentario das probas de lingua e literatura galegas dos exames ABAU; e debaterase sobre os retos e dificultades que supón o ensino da competencia discursiva, así como sobre os métodos e estratexias que poden usarse na aula para lograr mellores resultados.

Todas as intervencións contarán cun tempo reservado para o coloquio co público asistente, posto que as xornadas prentenden ser, ademais, un foro de intercambio de ideas, suxestións e experiencias para todo o protesorado de linguas.

Queres coñecer máis polo miúdo a figura de Ramón Piñeiro e o tempo que lle tocou vivir? Daquela debe interesarche esta actividade formativa que se desenvolverá durante 8 días.

• Mércores 2 de novembro. Acto de inauguración. Valentín García Gómez. Anos 1920. Ramón Villares.
• Xoves 3 de novembro. Anos 1930. Emilio Grandío Seoane.
• Luns 7 de novembro. Anos 1940. Xosé Luís Pastoriza Rozas.
• Venres 11 de novembro. Anos 1950. José Ramón Rodríguez Lago.
• Luns 14 de novembro. Anos 1960. Miguel Barros Puente.
• Martes 15 de novembro. Anos 1970. Daniel Lañero Táboas.
• Mércores 23 de novembro. Anos 1980. Alba Díaz Geada.
• Xoves 24 de novembro. Presentación do libro A Galicia do século XX. Justo Beramendi.

Lugar de celebración: Centro Ramón Piñeiro

Horario: de 19:00 a 21:00h

Neste itinerario propoñemos un paseo visitando catro localidades (Santiago de Compostela, Padrón, Asados e Rianxo) con diversos puntos significativos (casa natal e vivencial, cemiterio...) da vida e da obra deste persoeiro senlleiro da literatura galega e pioneiro na renovación poética e na dignificación de Galiza e da súa lingua.

Coñecer a figura de Manuel Antonio axudará os participantes a entender os acontecementos políticos, sociais e culturais do século XX, época de cambios significativos na nosa literatura.

Esta actividade realizarase o sábado 3 de decembro e acompañaranos o especialista en Manuel Antonio, Xosé Luís Axeitos.

Teoría e propostas metodolóxicas axeitadas para desenvolver a competencia comunicativa a través de TIL e CLIL baseado na nova lexislación educativa.

Datas: 20, 27 de outubro. 3, 10, 17 de novembro e 1 de decembro.

Horario: 16:30 a 19:30 (3 de novembro 17:30 a 20:30)

Lugar: CAFI

Horas presenciais: 18 horas

Horas non presenciais: 4 horas (Farase unha actividade que haberá que entregar, dirixida por unha das relatoras do curso).

Prazo de inscrición ata o 25 de outubro.

Dicía Miguel de Unamuno de Salamanca:

Del corazón en las honduras guardo
tu alma robusta; cuando yo me muera
guarda, dorada Salamanca mía,
tú mi recuerdo.
Y cuando el sol al acostarse encienda
el oro secular que te recama,
con tu lenguaje, de lo eterno heraldo,
di tú que he sido.

O escritor naceu e pasou os seus primeiros anos en Bilbao, pero Salamanca foi a cidade donde viviu a maior parte da súa vida e onde desenvolveu unha intensa actividade docente, intelectual e política. Miguel de Unamuno foi unha das personalidades máis destacadas da literatura española do século XX, un pensador auténtico, poeta, dramaturgo, novelista, filósofo e ensaísta. Son moitos os espazos vinculados á súa figura que hoxe se poden visitar na cidade: a casa na que viviu, a Universidade na que foi reitor, os lugares que frecuentaba... Estes mesmos lugares son os escenarios nos que o director Alejandro Amenábar rodou a película Mientres dure la guerra, unha obra de ficción baseada en feitos reais, froito dun rigoroso labor de documentación. 

Da man de Francisco Blanco Prieto o vindeiro 22 de outubro percorreremos os lugares máis relevantes cos que seguir a pegada de Unamuno en Salamanca:

1. Medallón de Miguel de Unamuno, na Praza Maior
2. Unamuno no Concello de Salamanca.
3. Na súa casa de Bordadores.
4. Fronte á escultura de Unamuno.
5. Universidade de Salamanca.
6. Paraninfo da Universidade de Salamanca.
7. Casa Museo Unamuno: residencia do reitor.
8. Rúa Calderón de la Barca.
9. Facultade de Letras.
10. Convento de San Esteban.

Mediante esta actividade ofertada para o profesorado de italiano pretendemos proporcionar estratexias e recursos para desenvolver dramatizacións na aula, fomentar a aprendizaxe activa das linguas poñendo o foco na competencia comunicativa e favorecer a comunicación a través da conversa, da dramatización, da música e da reflexión en equipo todo en italiano. 

Para isto traballaremos estratexias e recursos dramáticos que promovan a competencia comunicativa, os xogos dramáticos aplicados ao ensino de linguas (comunicación non verbal, role play e improvisación), a oralidade a través da dramatización dos contos e o traballo grupal e individual para fomentar a cooperación, a creatividade, a escoita, a observación e a espontaneidade.

Datos importantes:

• Data: 22 de outubro de 2022.
• Horario: de 10:00 a 14:00 e de 16:00 a 20:00.
• Lugar: CAFI (Santiago de Compostela)