Mediante esta actividade ofertada para o profesorado de italiano pretendemos proporcionar estratexias e recursos para desenvolver dramatizacións na aula, fomentar a aprendizaxe activa das linguas poñendo o foco na competencia comunicativa e favorecer a comunicación a través da conversa, da dramatización, da música e da reflexión en equipo todo en italiano. 

Para isto traballaremos estratexias e recursos dramáticos que promovan a competencia comunicativa, os xogos dramáticos aplicados ao ensino de linguas (comunicación non verbal, role play e improvisación), a oralidade a través da dramatización dos contos e o traballo grupal e individual para fomentar a cooperación, a creatividade, a escoita, a observación e a espontaneidade.

Datos importantes:

• Data: 22 de outubro de 2022.
• Horario: de 10:00 a 14:00 e de 16:00 a 20:00.
• Lugar: CAFI (Santiago de Compostela)

O curso Museos e itinerarios histórico-artísticos. Ensinar e aprender noutros contextos ten como obxectivo achegarlle ao profesorado de xeografía e historia galego as posibilidades e recursos didácticos existentes nos diferentes espazos da cidade de Compostela patrimonio histórico-artístico da humanidade.

A actividade inclúe varias visitas guiadas e distintos roteiros pola cidade co fin de explorar as súas posibilidades didácticas e a súa aplicación nas aulas. Neste caso imos apartarnos dos espazos máis emblemáticos, dígase Catedral, San Martiño Pinario ou San Francisco..., de Compostela xa que esta cidade oferta múltiples recursos menos coñecidos.

Malia centrarse en aspectos históricos e artísticos, tamén achegaremos algunhas pinceladas doutras materias (lingua galega, lengua española, ciencias...) que van complementar os distintos percorridos e que nos fornecen de aliados cando queiramos aplicar esta actividade nas nosas aulas.

Datos importantes:

• Código en fprofe: S2201090
• Data: entre o 19 de outubro ao 30 de novembro
• Relatores: 
  • Luis Leclerce e Pablo Sanmartín (Colectivo A Rula),  Xesús Borrageros, Manuel Gago,Eduardo Sánchez Novais e Mercedes Espiño

Programa:

• 19 de outubro - Luis Leclerce e Pablo Sanmartín (Colectivo A Rula): "Visita guiada ao Castriño de Conxo"
• 26 de outubro - Luis Leclerce e Pablo Sanmartín (Colectivo A Rula): "Os taboleiros de xogo da Compostela barroca"
• 2 de novembro - Xesús Borrageros: "Visita guiada ao Castelo da Rocha"
• 9 de novembro - Xesús Borrageros: "A muralla da Compostela medieval"
• 17 de novembro - Manuel Gago: "Compostela negra: escenarios de violencia, crime e castigo na cidade"
• 23 de novembro - Eduardo Sánchez Novais: "Compostela laboratorio de Arte"
• 30 de novembro - Mercedes Espiño: "As pegadas de Francisco Asorey en Compostela"

• Que é un dato persoal?
• Que tratamento de datos existen?
• Cales son as principais figuras implicadas?
• Por que principios e dereitos se rexe a protección de datos?
• De onde vén a necesidade e o interese en protexer os nosos datos?
• Por que se considera a protección de datos un dereito fundamental?
• Cales son as normas que a regulan?

Estas e outras moitas preguntas son as que se desenvolverán nesta actividade formativa.

• Código en fprofe: S2202026
• Fechas: 24 de novembro e 1 de decembro

• Programa:
  
  • 24/11/2022 - 17:00 - 21:00h

Vïctor Salgado Seguín - "LOPD e cuestións normativas"

• 01/12/2022 - 17:00 - 21:00h

Mónica Santiso e Fátima García Doval - "Protocolo de protección de datos"

Curso dirixido principalmente a profesorado de EOI pero tamén educación secundaria centrado na creación de materiais para ensinar e avaliar a mediación lingüística.

Sesións presenciais: 12 e 26 de novembro, 2022

Horario: 9 a 15 horas

Relatores: Juan Lago Leis e Cristina Rodríguez Rodríguez

Realizaranse tarefas na aula virtual do CAFI dirixidas polos relatores do curso.

Insrición ata o 1 de novembro en Fprofe.

Que é un paseo “matemático”?, é necesario saber moito de matemáticas para poder seguir un percorrido polas rúas e prazas de Compostela?

Non é iso, senón que podamos engadir aos moitos atractivos que ten a cidade, a de atopar elementos e propiedades matemáticas onde menos se espera. Deste xeito comprenderemos a beleza que se pode xerar cun adecuado emprego de formas e propiedades xeométricas, e adestraremos a nosa mirada para captar as relacións matemáticas que ás veces se esconden nos obxectos máis inesperados.

Guiarannos por estes estupendos paseos matemáticos os profesores e profesoras:

• Julio Rodríguez Taboada - CPI dous Dis - Rois (A Coruña)
• José Mª Barca López - IES Laxeiro - Lalín (Pontevedra)
• Maruxa Barca López - IES A Sangriña - A Guarda (Pontevedra)
• Pilar García Agra - IES nº1 - Ordes (A Coruña)

Todos eles son profesores de matemáticas e membros da sección de Santiago da Asociación Galega de Profesores de Educación Matemática "AGAPEMA".

Antes de comezar os paseos matemáticos, tivemos unha pequena sesión na que se nos mostrou o obxectivo dos mesmos e os itinerarios para os diversos grupos, como podedes lembrar neste vídeo do momento.

• Data: 19 de novembro de 2022

En Galicia existe unha gran tradición na utilización didáctica do patrimonio. Desde hai tempo xurdiu a tendencia de achegar o pasado ao alumnado a través de visitas a edificios, xacementos, museos, etc. Actualmente, esta tendencia incrementouse e ademais aumentou o número de lugares  visitables (coa incorporación dos centros de interpretación, de exposicións ou de itinerarios históricos). Todo iso, coa intención de achegar e de facilitar a aprendizaxe da historia.

Nesta actividade queremos acercar parte do patrimonio  prehistórico (petróglifos de Teo) e o modernismo (a Compostela Modernista) para a súa aplicación didáctica na aula.

• Datas de realización: 1 de outubro
• Horario: de 15:00 a 24:00 H.
• Código en  fprofe:  S2203005
• Relatores: Eduardo Sánchez Novais, Luis Leclere Rodríguez e Pablo Sanmartín López

Os Penedos de Pasarela e Traba é un enclave máxico e pouco usual no mundo. Xa eran ben coñecidos no 1835, cando o Instituto Xeolóxico e Mineiro de España recoñeceunos como Formas Singulares. O xeólogo Guillermo Schulz tamén o pon en valor cando realiza o primeiro mapa xeolóxico galego e, non de é de estrañar, porque nos atopamos #ante unha xoia ao descuberto de granito rosado.

Isidro Parga Pondal, director do Laboratorio xeolóxico de Laxe, nos anos 60 noméao como granito tipo Traba ou Pindo. Os Penedos de Pasarela e Traba non só chamaron a atención do xeólogos senón que tamén foi inspiración para varios escritores como Eduardo Pombal, Evaristo Martelo Paumán, Ramón Otero Pedrayo ou Manolo Rivas. Todos eles foron seducidos por este asombroso lugar.

No ano 2009 os Penedos de Pasarela e Traba foron declarados como Paisaxe Protexida. Desta forma, conseguiuse cumprir o obxectivo de conservar o medio natural e manter o equilibro co desenvolvemento sostible da zona.

Os Penedos de Pasarela e Traba están formados por rocas plutónicas, é dicir, rocas que se formaron no interior da cortiza terrestre. Son o resultado do arrefriado do magma en ascensión ata a superficie da terra. O choque de dúas placas de terreo na zona produciu altas temperaturas fundindo os materiais ata convertelos en magma, que, pola súa baixa densidade, emerxeu cara ás partes superiores arrefriándose lentamente.

Nesta zona o magma arrefriou a 24 quilómetros de profundidade, producindo estas rocas intrusivas (Rocas Plutónicas). Para poder apreciar as pedras como as vemos hoxe día, tiveron que pasar entre 200 e 23 millóns de anos de erosión que eliminaron os 24 quilómetros de rocas e sedimentos que había ata elas. Algo realmente fascinante! A terra retirou os moldes para mostrarnos tan belas esculturas.

Queres saber máis? Ben!

• Data: sábado 15 de outubro de 2022
• Relatores: Juan Ramón Vidal Romaní e Miro Villar

• Data: 5 de novembro de 2022
• Lugar: Aula 9 del CAFI
• Relatores: Yolanda Castaño e Raúl Vacas Polo

Moitos nenos prefiren os clásicos contos infantís pero a poesía tamén é unha excelente ferramenta para estimular a aprendizaxe, mellorar o vocabulario e fortalecer os vínculos afectivos. De feito, a poesía infantil é moito máis que un entretemento, é un recurso educativo que estimula o desenvolvemento emocional, cognitivo e comunicativo, á vez que potencia a adquisición de novos coñecementos e valores estéticos.

Púidose apreciar que, en comparación cos nenos que crecen escoitando só contos infantís, aqueles que gozan da poesía desenvolven mellores habilidades lingüísticas e cognitivas e teñen unha expresión corporal máis espontánea. Con todo, estas non son as únicas vantaxes da poesía para os nenos, hai moitas máis.

Por que é tan importante a poesía?

Moitos pais pensan que a poesía é simplemente unha forma de expresión máis bonita pero en realidade é moito máis que iso. A poesía tamén é estética, ritmo, creatividade, imaxinación e coñecemento. A poesía non só entretén aos nenos senón que estimula o seu desenvolvemento. Algunhas das vantaxes de lerlles poemas  aos nenos son:

• Favorece o desenvolvemento da linguaxe.
• Desenvolve novas habilidades comunicativas.
• Enriquece a asimilación e o uso de novas palabras.
• Permite apreciar a musicalidade e as imaxes da linguaxe con maior facilidade.
• Favorece a comprensión de conceptos cada vez máis complexos que estimulan o desenvolvemento do pensamento e a linguaxe.
• Estimula o gusto pola lectura, o que favorece a formación do hábito de ler.
• Fortalece o vínculo afectivo do adolescente cos seus pais, á vez que lle axuda a expresar libremente as súas emocións.
• Fomenta a creatividade, a imaxinación e a comprensión, o cal é moi importante á hora de resolver os conflitos.
• Estimula a memoria auditiva e rítmica dos nenos, así como a memoria visual.
• Promove a formación de valores estéticos xa que a poesía sempre é unha expresión da cultura e da sociedade.
• Potencia a aprendizaxe artística a través do ritmo e a musicalidade.
• Favorece a aprendizaxe significativa de novos coñecementos que axudan a formarse unha visión do mundo máis integradora.

• Data: 5 de novembro de 2022
• Lugar: Aula11 del CAFI
• Relatores: Raúl Vacas Polo e Tamara Andrés

Moitos nenos prefiren os clásicos contos infantís pero a poesía tamén é unha excelente ferramenta para estimular a aprendizaxe, mellorar o vocabulario e fortalecer os vínculos afectivos. De feito, a poesía infantil é moito máis que un entretemento, é un recurso educativo que estimula o desenvolvemento emocional, cognitivo e comunicativo, á vez que potencia a adquisición de novos coñecementos e valores estéticos.

Púidose apreciar que, en comparación cos nenos que crecen escoitando só contos infantís, aqueles que gozan da poesía desenvolven mellores habilidades lingüísticas e cognitivas e teñen unha expresión corporal máis espontánea. Con todo, estas non son as únicas vantaxes da poesía para os nenos, hai moitas máis.

Por que é tan importante a poesía infantil?

Moitos pais pensan que a poesía é simplemente unha forma de expresión máis bonita pero en realidade é moito máis que iso. A poesía tamén é estética, ritmo, creatividade, imaxinación e coñecemento. A poesía non só entretén aos nenos senón que estimula o seu desenvolvemento. Algunhas das vantaxes de lerlles poemas  aos nenos son:

• Favorece o desenvolvemento da linguaxe xa que adoita utilizar frases máis complexas e elaboradas que os contos.
• Desenvolve novas habilidades comunicativas e potencia a expresión verbal, fundamentalmente a través das rimas.
• Enriquece a asimilación e o uso de novas palabras que amplían considerablemente o vocabulario infantil.
• Permite apreciar a musicalidade e as imaxes da linguaxe con maior facilidade.
• Favorece a comprensión de conceptos cada vez máis complexos que estimulan o desenvolvemento do pensamento e a linguaxe.
• Estimula o gusto pola lectura, o que favorece a formación do hábito de ler desde idades temperás.
• Fortalece o vínculo afectivo do neno cos seus pais, á vez que lle axuda a expresar libremente as súas emocións.
• Fomenta a creatividade, a imaxinación e a comprensión, o cal é moi importante á hora de resolver os conflitos que poden aparecer na etapa infantil.
• Estimula a memoria auditiva e rítmica dos nenos, así como a memoria visual.
• Promove a formación de valores estéticos xa que a poesía sempre é unha expresión da cultura e a sociedade na que o neno se debe inserir.
• Potencia a aprendizaxe artística a través do ritmo e a musicalidade.
• Favorece a aprendizaxe significativa de novos coñecementos que axudan a formarse unha visión do mundo máis integradora.

O Dándolle continuidade á actividade que desenvolvemos o curso pasado co profesorado de portugués, este ano desenvolveremos a actividade G2202012 - Didáctica do portugués no ensino secundario na que queremos avanzar na innovación e solidez didáctica do portugués como segunda lingua estranxeira, abordar as dificultades e solucións para o traballo de expresión, recepción e produción oral e escrita do alumnado e propoñer exemplos de boas prácticas para fomentar e facilitar a aprendizaxe do alumnado para o cal abordaremos os coñecementos contextuais das comunidades de lingua portuguesa, a produción e recepción escritas e orais.

• Data: 5 de novembro de 2022
• Lugar: Biblioteca do CAFI
• Relator: Elías Feijó Torres