O Departamento de Inglés uniuse á celebración do día de San Patricio este venres 17 de marzo.
Para conmemoralo, aledaron o vestíbulo do centro cunha fermosa exposición cultural sobre Irlanda. O alumnado participou respostando a un cuestionario elaborado coa información que se atopaba nos paneis.
Ademais, o alumnado de 1º ESO grabou un vídeo explicativo sobre a festividade.
O pasado xoves, 9 de marzo, tivo lugar na Facultade de Xeografía e Historia da USC o certame da XIV Olimpiada de Xeografía, dirixida ao alumnado de 2º de bacharelato.
A olimpiada consiste nunha proba de 50 preguntas tipo test nas que deben respostar a cuestións relacionadas co temario que están a estudar no curso actual de Xeografía. A este evento presentáronse preto de 70 alumnos de diversos institutos de Galicia. Cada centro podería presentar ata 7 concursantes. No noso caso acudiron catro alumnos apadriñados polo profesorHumberto Martínez Gargamala que foi o promotor da participación do noso centro no evento. Eses alumnos foron: Belén García Dios, Sara García Rodríguez, Yago Hevia Otero e Carlos Pérez Krsticevic. A competición foi individual, pero ao seu remate, os nosos representantes saíron bastante contentos da proba. Tanto foi así, que a alumna Sara García Rodríguez acadou o 2º posto do certame.
Só os tres primeiros clasificados recibiron premio, así que podedes imaxinar a enorme ledicia que supuso para a nosa delegación ter obtido premio entre tanto participante. As felicitacións sinceras dos compañeiros e da propia organización cara a nosa campiona en medio do paraninfo da facultade quedan recollidas nas imaxes que acompañamos a esta reseña.
Parabéns merecidas para esa alumna excelente que é Sara García!!. Unha satisfacción ter alumnado desta categoría.Grazas.
Os alumnos e alumnas de 4º ESO A e 4º ESO D realizaron o luns 6 e o martes 7 un roteiro relacionado coa memoria histórica ao frente do cal estivo Mª Xesús López Escudeiro.
Durante o paseo, situou aos rapaces e rapazas no contexto histórico: informou sobre o golpe de estado de 1936 e sobre a represión posterior na cidade de Pontevedra e nas parroquias de Lérez, Mourente e Salcedo. Xuntos, localizaron espazos e feitos, mentres Mª Xesús López Escudeiro falaba de represaliados pontevedreses como Alexandre Bóveda ou varias mulleres, entre elas Josefina Arruty, mulleres que sufriron rapas de cabeza e violacións, entre outros terribles agravios.
Pola súa parte, o alumnado leu textos escritos polos represaliados, coma por exemplo, a carta da despedida de Bóveda á súa muller.
Pica na foto para ver o álbum
Álbum: Actividades -> Roteiro "Memoria de elefanta"
Este mércores 1 de marzo, axudamos a que a primaveira chegue ao instituto e permaneza nel durante moito tempo, pois o alumnado de 2º bacharelato de Debuxo Artístico e o de 4º ESO de Educación Plástica, coordinado pola súa profesora Aina Climent e coa Asociación "Vella Escola", realizou un mural que alegrará a chegada ao patio de todos os rapaces e rapazas.
Ademais, cada alumno e alumna de ESO e Bacharelato decorou unha bolsa de tela cun deseño de propia creación.
Esta actividade está enmarcada dentro das que realiza o Club Contra o Cambio Climático do noso centro. Seguindo a nosa liña, contribuimos co medio ambiente: cada metro de parede pintado equivale a plantar unha árbore, pois a pintura fotocatalítica é sostible porque absorbe CO2.
Aquí deixamos unha mostra do traballo desenvolvido ao longo desta mañán.
Pica na foto para ver o álbum
Álbum: Actividades -> Plantando árbores con pinceis
O mércores 1 de marzo, comezamos o mes, a primeira horiña, poñéndonos en forma para afrontar a última parte do trimestre.
Todo o alumnado da ESO do IES Sánchez Cantón e do IES Valle Inclán, por primeira vez na súa historia, participou nunha competición fraternal de atletismo. Os máis pequenos (1º e 2º ESO) correron 1000 metros, e 2000 metros os maiores (3º e 4º ESO). Agradecemos ao alumnado de TSEASD a súa colaboración inestimable na organización desta actividade.
O pasado 27 de marzo o alumnado de Bioloxía de 4º ESO viaxou ata A Coruña para visitar dous museos emblemáticos: a Casa das Ciencias e a Domus, a Casa do Home. Foi tal o interese que espertou en eles a visita, que fixeron fotos de todo aquilo que observaron e non de si mesmos, cousa á que nos sorprende dada a súa afición aos selfies.
Deixamos aquí, unha breve mostra das fotografías que eles mesmos sacaron desta experiencia.
O pasado venres 17 de febreiro celebramos a 7ª edición do Entroido no Sánchez Cantón.
Vaia por diante o agradecemento a todo o alumnado (26 grupos, uns 720 alumnos e alumnas) e profesorado deste centro que estiveron preparando o evento durante dous meses, empregando do seu tempo libre para que todo saíse á perfección.
O noso agrademento tamén para o xurado que formado por: dúas profesoras en activo, (Lourdes García e María Buceta), un profesor xubilado (Xosé Manuel Calvo), unha administrativa do noso persoal de Secretaría (Ana Esteban), un representante da ANPA (Pepe Vázquez), tres exalumnos (Sofía Cortés, Carlos Fuertes e Laura Somoza), ademais dun alumno de 2º TSEASD (Gabriel Sineiro). A súa foi unha decisión moi difícil, pois cada ano as actuacións e a implicación do alumnado son maiores.
Queremos tamén agradecer o esforzo do alumnado e profesorado do CGTD que, por primeria vez na historia, adaptaron as súas circunstancias especiais ás datas, e se uniron á celebración desta festa con tanta tradición en Pontevedra.
Todos deixamos atrás os tempos da pandemia e os límites de aforo, para reunirnos e dar o mellor de nós mesmos.
No vídeo e nas fotos pódese ver o bo clima que se mantivo durante toda a mañán, que transcurriu entre risas, música e bailes.
1º ESO: Todo o alumnado do CEIP Plurilingüe Froebel e do CEP Campolongo que fixo reserva de praza para 1º ESO foi admitido.
1º BACH: O número de solicitudes de reserva para 1º Bacharelato de alumnado procedente do CPR Plurilingüe Nuestra Señora de los Dolores é superior ao número de vacantes dispoñibles no noso centro, polo que todo o alumnado que fixo reserva deberá presentar necesariamente a solicitude de admisión entre o 1 e o 20 de marzo de 2023.
O alumnado de 1º e 2º ESO celebrou o día de San Valentín participando nun concurso de poemas de amor en lingua inglesa. O obxectivo era escribir unha poesía de entre 4 e 12 versos e envialo en formato pdf utilizando algunha aplicación gráfica como canva.
As nosas ganadoras foron Cecilia Casal García de 1º ESO C e Agustina Mallo Guajardode 2º ESO C.
Os segundos premios recaeron en:
Greta Fernández Araujo (1ºESO C)
Antón Nogueira Rodríguez (1ºESO C)
Jorge Castillo González (1ºESO D)
Emilia López Leal (1ºESO D)
Mariela Inoa Vázquez (1ºESO D)
Catuxa Domínguez Estévez (1ºESO D)
Ana Paz González (2ºESO A)
Luis Carreño Paisa (2ºESO A)
Mario Lago Beloso (2ºESO B)
Pablo Fernández Curra (2ºESO D)
Todos os poemas presentados recolleranse nun libro que será encuadernado e exposto na biblioteca do centro.
Este será un ben merecido premio para todos os participantes. Noraboa!
Pica no álbum para ver as fotos
Álbum: Actividades -> Love poems for Valentine's Day
