Clubs de lectura

No informe “Jóvenes y lectura” da FGSR (2022) afírmase que na adolescencia se perden lectores que, nunha idade máis avanzada, non se recuperan senón moi parcialmente; tamén se fala da necesidade de crear un espazo atractivo e fixo para as lecturas dos adolescentes e unha das propostas para frear esa perda de lectores e fomentar unha relación rica coa lectura coma un factor de equilíbrio fronte à fatiga dixital sería formar parte dun club de lectura que favorecera o seu interés por socializar ao compartir gustos, identificarse cunha xeración, identificarse cun xénero. Nesa liña enmarcamos os fins das nosas prácticas lectoras: unha mirada hacia a innovación, un acceso equitativo aos libros e unha perspectiva arredor do servicio público da lectura.

O nome xenérico para todos os grupos lectores integrantes do club de lectura do noso IES é “Nube de palabras”. Este club leva funcionando varios anos e neste curso 22/23 contaremos con 15 grupos lectores para o alumnado da ESO e Bacharelato compostos por 8-10 mozos/-as; os clubs lerán en catro linguas: galego, portugués, castelán e inglés e haberá clubs de xenéricos de narrativa nestas linguas e temáticos de imaxes, cultura clásica e igualdade. Os mediadores e mediadoras para compartir lecturas coa nosa mocidade, para desfrutar e participar na formación de lectores críticos seremos 11 docentes de materias diversas

O pasado sábado 20 de novembro celebráronse os Encontros de Bibliotecas Escolares de Galicia en Santiago de Compostela. Alí estivo a nosa compañeira Anxos Rial, Coordinadora dos Clubs de Lectura do IES Sánchez Cantón, invitada pola organización para realizar unha ponencia.

Anxos explicou nunha sala do Pazo de Congresos, repleta de profesorado de toda Galicia, o funcionamento dos 15 clubs que neste momento existen no instituto, nos cales participan 160 alumnos e alumnas, 11 profesores e profesoras e a súa evolución dende que hai 10 anos, cando se fundou o Club de Lectura “Nube de palabras” no IES Sánchez Cantón.

Noraboa polo teu magnífico traballo, Anxos!