No mes de Abril e para conmemorar o Día do Libro, tivemos a sorte de contar coa escritora, Ledicia Costas. Para esta visita preparámonos a fondo, o alumnado de 4º leu "Escarlatina a cociñeira defunta" e o alumnado de 6º, "Jule Verne e as mulleres planta". Durante todo o trimestre limos con moito detalle estes libros que nos apasionaron e preparamos moitos traballos, que moi orgullosos ensinamos a Ledicia.
Ledicia enamorounos coas súas palabras e as súas historias, estivemos moi atentos a todo o que contaba.
