3.2.1 Estrutura dos módulos.

Cabeceira do curso

A cabeceira

• Banner de Platega cos logos corporativos correspondentes
• Descrición da/s competencia/s traballadas no curso
• Imaxe identificativa e pequena descrición do curso

Na cabeceira do curso deben constar, na sección despregable correspondente, as competencias profesionais docentes que desenvolve o curso. No Modelo de cursos Platega atoparás unha táboa que poderás cubrir:

Unha vez creado o curso amosará este aspecto:

Módulo 0. Presentación do curso, da aula e das persoas participantes

Os cursos Platega incorporarán un módulo inicial titulado: Presentación do curso, da aula e das persoas participantes. Este módulo incluirá, tal como recolle o Modelo de cursos Platega:

Comunicarse e compartir:

1. Foro de novas, avisos e anuncios. Foro de subscrición forzada para todas as persoas participantes no que a titoría e a coordinación publican novas e anuncios. Os e as participantes non poden publicar nel.
2. Foro de consultas do módulo 0.
3. OPCIONAL Ligazón ao Cancelo do curso en Twitter, en caso de que se desexe utilizar esta rede social para a difusión e dinamización do curso.

 Traballar e avaliar:

1. Para comezar... Actividade destinada a familiarizar persoas participantes coas operacións básicas que usarán durante o curso.
2. Foro de presentacións, configurado cas instrucións precisas para que as persoas participantes realicen a súa presentación de forma axeitada.
3. OPCIONAL Cal é o teu punto de partida? Enquisa para analizar a situación inicial das persoas participantes tanto no referente á temática do curso como ás competencias traballadas no curso. Esta información pode utilizarse para constituír os subgrupos para os traballos colaborativos, avaliacións inter pares etc. Esta enquisa deben elaborala as persoas creadoras do curso e/ou a titoría.
4. OPCIONAL Escolla de subgrupo para os traballos colaborativos, en caso de que se realicen, ou para crear grupos por especialidade, etapa educativa etc.
5. OPCIONAL Pódese engadir unha tarefa máis sobre a temática específica do curso, que obrigue aos participantes a poñer en xogo os seus coñecementos iniciais sobre a temática do curso e sobre os desempeños que se traballarán posteriormente.

 Informarse e aprender:

1. Protocolo para a participación en cursos Platega.
2. Guía do curso.

No Modelo de cursos atoparás:

Unha vez creado o curso amosará este aspecto:

Módulos de Tarefas e Contidos

Os temas ou módulos do curso amosaranse estruturados do mesmo xeito, organizándoos en catro seccións:

• Cabeceira do tema. Amosará un título e unha imaxe representativos e un comentario breve presentando o tema e os obxectivos, contidos e tarefas. Estará sempre visible, desde a apertura do curso para que as persoas participantes teñan información suficiente sobre o curso, para decidir se este é do seu interese e, no caso contrario, soliciten a baixa nesa primeira semana e así poder ofertala ás persoas en reserva
• Folla de ruta ou similar.
• Comunicarse e compartir. Neste apartado incluiranse os espazos destinados á comunicación e interacción. En cada tema haberá: un Foro de consultas do Módulo correspondente. Se o deseño do módulo así o demandara, calquera outro foro que fora preciso (para a formación de grupos, para a discusión sobre un tema concreto ou para organizar o traballo colaborativo).
• Traballar e avaliar. Neste espazo incluiremos todas as actividades do curso: as Actividades voluntarias non avaliables e que non puntúan e as Tarefas avaliables, que puntúan na cualificación final. A avaliación das tarefas levarase a cabo de acordo coas directrices indicadas no apartado 2.4. Avaliación e cualificación. A construción do coñecemento nun curso na Rede deberá ser, na medida do posible, colaborativa, para o que deberán incluírse actividades colaborativas do tipo Foro, Wiki, Glosario, Base de datos, Taller etc. Estas actividades deberán desenvolverse en pequenos grupos ou en gran grupo e intentando respectar as regras do traballo colaborativo.
•  Informarse e aprender. Espazo adicado a recoller os contidos do Módulo en diferentes formatos, así como todo aquel material de consulta que poidan precisar os participantes para a construción individual e colectiva do coñecemento para alcanzar a consecución dos obxectivos do curso (Páxina, Libro, Cartafol con documentos, páxina web con recursos dixitais, etc.)

A progresión na secuencia de contidos debe ser equilibrada e lóxica e os módulos deben ter unha distribución e duración compensada. Pensa sempre en que o curso poida adaptarse a diferentes niveis, para o cal axuda incluír conceptos previos, glosarios ou información de ampliación (do tipo “Para ampliar / Para saber máis”). 

Débese lograr que a presentación de contidos sexa o máis interactiva e navegable posible e empregar linguaxes multimedia variadas (infografías, videotitoriais, glosarios, etc) Para a presentación dos contidos expositivos usaranse os recursos propios de Moodle (Páxina e Libro) ou ben outros soportes (eXelearning, obxectos multimedia, videotitoriais, etc.) Os arquivos fonte ou editables deste segundo tipo incluiranse no cartafol Arquivos fonte da zona de mantemento e coordinación. Non esquezas respectar sempre os dereitos de autor dos materiais empregados.

No Modelo de cursos:

Os módulos coas tarefas e contidos dos cursos teñen a mesma estrutura e aspecto.

Exemplo de módulo dun curso Platega:

Proxecto final e avaliación do curso

 Proxecto final  que integre as tarefas realizadas nun traballo global ou proxecto final que sexa transferible ás aulas / centros. Avaliación do curso.

• Especificacións ou características do proxecto final, se o houbera.
• Avaliación do curso (na que os participantes avalían o curso) 
• Avaliación das subcompetencias e certificación da formación (para informar aos participantes da súa nota final)
• Foro de despedidas e peche do curso.

No Modelo:

Exemplo no curso "Crear cursos Platega":

Licenza do curso

Necesariamente CC BY-NC-SA

• Atribución da propiedade intelectual dos recursos empregados, propio e alleos. Nesta páxina farase a atribución da propiedade intelectual dos recursos empregados no curso, tales como as imaxes que se empreguen na páxina principal do curso para evitar ter que facelo no seu pé por razóns estéticas. 

• Débese indicar a orixe do curso: se é un curso derivado doutro do INTEF ou se é de nova creación cunha licenza de formación de modalidade 5. De non ser ningún destes casos, un curso de nova creación por exemplo, deben eliminarse os textos referentes a isto.

No Modelo:

Licenza do curso Crear Plategas:

Nesta imaxe apréciase que a licenza do curso é CC BY-SA e non CC BY-NC-SA, como é obrigatorio actualmente, porque cando se creou ese curso a licenza establecida pola Consellería era esa. 

Zona de coordinación e mantemento

5. Zona de coordinación e mantemento

1. Cronograma, seguimento e asesoramento para a creación do curso.
2. Ligazón aos espazos de apoio, para acceder a el en cun clic.
3. Arquivos fonte. Cartafol no que se gardarán todos os arquivos fonte dos recursos de elaboración propia incorporados ao curso.
4. Foro da coordinación e titorías. Medio habitual de comunicación entre a coordinación do curso e a titoría.
5. Control de altas e baixas. Anotaranse aquí as baixas / altas que se produzan.
6. Bitácora do curso. Historial das edicións do curso que recollerá datos básicos.

Debe permanecer completamente oculto aos participantes.

No Modelo atoparás: