Eventos
O director do Gabinete de comunicación da USC , Luis Celeiro, impartiu unha conferencia no noso centro, onde insistiu na necesidade que a sociedade ten de cidadáns formados, intelectualmente preparados e con capacidade de análise, e mostouse partidario da implantación dunha materia que axude ao alumnado a afondar na análise e valoración da información.
Sabemos que fan os nosos fillos e fillas co teléfono mobil con conexión a internet?
Este venres no salón de actos as 19:00 horas a xefa de estudos e a orientadora do centro falarán dos usos e abusos dos móbiles por parte dos adolescentes, onde en certos casos pode haber implicacións legais. Recomendamos especialmente a asistencia de pais, nais e titores legais do alumnado. Haberá unha posta en común e unha parte práctica polo que se recomenda traer un teléfono móbil intelixente (smartphone).
A fase de centro terá lugar o vindeiro luns 29 de xaneiro no salón de actos. Poderá participar alumnado de 2º ESO. Con posterioridade virán as fases rexional e nacional onde esperamos que o noso alumnado xogue un destacado papel, como en anos anteriores.
Ao longo de dúas semanas do mes de febreiro terá lugar a actividades "Finanzas para mortais", organizada polos departamentos de Economía e Comercio.
Asistirán os seguintes grupos nos seguintes horarios:
1 de febreiro, de 11:30 a 13 horas. Grupos 1º e 2º BAC (Economía), FP Básica, Ciclo medio comercio
5 de febreiro, de 11:30 a 13 horas: 4º de ESO (Economía)
7 de febreiro, de 10 a 11:30 horas. Grupos 1º e 2º BAC (Economía), FP Básica, Ciclo medio comercio
8 de febreiro, de 10 a 11:30 horas. 4º de ESO (Economía)
Hoxe o profesor de química orgánica, Ricardo Riguera nos falou do importante papel da química en campos tan diversos coma a perfumería, os pigmentos, os pegamentos, a cociña, os plásticos ou os medicamentos, e a necesidade de ter unha boa cultura científica para non ser presa fácil de publicistas interesados, pseudo-científicos e charlatáns.
Tal e como recollen os nosos amigos de "El Correo Gallego", Xema TV inaugurou as súas emisións cunha reportaxe do poeta Ardeiro. Podedes acceder a este e o resto dos contidos da emisora en
http://centros.edu.xunta.es/iesxulianmagarinos/xema.tv/
Estamos de Noraboa!
Acaba de publicarse a resolución definitiva dos Contratos Programa dirixidos á mellora do éxito escolar. O IES Xulían Magariños foi un dos centros seleccionados e o Contrato-Programa 2017-18 que asinará coa administración educativa recolle as seguintes liñas de actuación:
1. PROA (ACOMPAÑAMENTO ESCOLAR FÓRA DO HORARIO LECTIVO), o alumnado que o necesite terá clase polas tardes de luns e mércores con docente externo.
2. MELLORA DA CONVIVENCIA E PROMOCIÓN DA IGUALDADE NOS CENTROS (Colaboraremos coa organización e o orzamento dos VI Encontros de Centros para unha Convivencia Positiva que se celebrarán no IES Plurilingüe de Fontexería de Muros).
4. PREVENCIÓN DO ABANDONO TEMPERÁN E DO ABSENTISMO ESCOLAR, teremos agrupamentos en toda a ESO e reforzos en 1º e 2º ESO.
6. MELLORA DA CALIDADE NA XESTIÓN DOS CENTROS
O xoves 8 de febreiro o alumnado de 1º e 2º de bacharelato visitará diversas facultades do campus da USC. Haberá clase normal a 1ª hora.
Comenza o prazo de presentación de solicitudes para a inscrición nas probas de acceso a ciclos formativos.
Ollo! O prazo para inscribirse nas probas de acceso a ciclo superior é do 8 de febreiro ata o 23 de febreiro
Para inscribirse nas probas de acceso a ciclo medio o prazo será do 12 ao 23 de marzo
INFORMACIÓN REMITIDA POLA CONSELLERÍA
Información sobre a proba de acceso a ciclo superior
Información sobre a proba de acceso a ciclo medio
Hoxe poidemos disfrutar do talento do noso alumnado con moi bos traballos de caracterización e boas coreografías. Parabens!
E se queredes ver algunhas fotos xa sabedes que están no Facebook do instituto.
Escrito da dirección do centro para solicitar o ciclo de Atención á Dependencia..
Pode descargar o arquivo en formato PDF aquí.
O Concello de Negreira apoia a solicitude.
13/3 No pleno celebrado onte no Concello de Negreira aprobouse a solicitude de apoio do IES Xulián Magariños para a incorporción do Grao Medio de Atención a Persoas en situación de Dependencia á ofera educativa comarcal.
O concello de A Baña apoia a solicitude.
29/3 O pleno Municipal de A Baña aproba por unanimidade que se potencie a oferta educativa do IES Xulián Magariños coa incorporación do ciclo medio de Atención a persoas con dependencia. (ver nova na web municipal)
Motivos para solicitar a implantación do novo ciclo.
9/2 O noso director explica as razóns polas que un novo ciclo de FP de Atención a Persoas Dependentes sería moi positivo para a comarca e a vila de Negreira. Hai espazo e sobre todo existe demanda e posibilidades de traballo para o alumnado que curse o ciclo.
Temor a que non se autorice o ciclo solicitado
A 12 de xuño aínda non hai confirmación de que se vaia autorizar impartir ese novo ciclo na comarca Barcalesa, o cal significa que probablemente a solicitude sexa denegada
Publicouse no BOE (Xoves 15 de febreiro de 2018) a resolución para participar nos "campus Científicos de Verán"
Os campamentos teñen una semana de duración, durante o mes de xullo, e abarcan diversas áreas científicas de enorme interese e actualidade. (intelixencia artificial en Salamanca, Astrofísica en Canarias, organismos mariños en Vigo...) Mirade o catálogo!
Este programa está dirixido a alumnado de 4º de ESO que curse bioloxía e xeoloxía e física e química ou ciencias aplicadas e tecnoloxía e tamén a alumnado de 1º de bacharelato de ciencias e que tivera unha nota media no curso pasado igual ou superior a 8,5.
O prazo de solicitudes remata o 9 de marzo as 15:00
Máis información no BOE do 15 de febreiro e na web www.campuscientificos.es
Como ao longo destes derradeiros cursos, o alumnado de Latín e Grego disfrutará dunha viaxe didáctica a Italia entre os dias 10 e 17 de febreiro. "Fortuna vobiscum".
A alumna de 4º ESO Sara Marcos foi gañadora do III concurso de Nadal sobre danos ao medio ambiente convocado pola Asociación de Amigos do Museo de Historia natural da USC. Noraboa!
Un grupo de alumnos e alumnas de 3º ESO, 1º BAC e 2º BAC participará na Olimpiada Filosófica que terá lugar en Santiago, na Facultade de Filosofía
O alumnado de 4º de ESO das materias de tecnoloxía e cultura científica e varios alumnos de 3º de ESO participarán o vindeiro luns nos obradoiros que a Fundación Repsol organizará nas instalacións do noso centro educativo. Por medio de diversas actividades preténdese concienciar as novas xeracións do uso responsable da enerxía e da importancia do aforro e a eficiencia enerxética. O obradoiro comezará as 9:35 e rematará as 13:35.
O vindeiro venres, día 23, o alumnado de 2º de ESO realizará unha visita ao complexo medioambiental do Barbanza, organizada polo Departamento de Física e Química. Sairán en dous turnos, un primeiro á primeira hora, con volta ao redor das 11 (2º A e B) e un segundo saíndo ás 11:35 e con volta a última hora (2º C e agrupamento).
O noso agradecemento á Asociación de Nais e Pais do instituto " A Barcalesa" pola doazón dunha mesa de tenis de mesa que quedará instalada no exterior do centro e ampliará a oferta de actividades lúdicas para o alumnado.
Desde este martes, hai máis dunha decena de científicas galegas e outras tantas do resto do mundo que xa son un pouco máis visibles. A ‘Editatona’, unha xornada de traballo impulsada pola Biblioteca Universitaria e a Oficina de Igualdade da USC, e que contou coa colaboración da Asociación de Mulleres Investigadoras e Tecnólogas de Galicia (Amit-Gal), para editar e mellorar os artigos da Galipedia sobre as científicas galegas, conseguiu crear ou ampliar 23 novas páxinas.
http://www.gciencia.com/ciencia/cientificas-galegas-galipedia/