Preme aquí para ver máis imaxes
De onte para hoxe apareceu un "Buzón do amor" no recibidor do IES por iniciativa do alumnado de 2º de Bacharelato. Establecéronse dous requisitos: que as mensaxes e cartas de amor e amizade non fosen anónimas e que fosen respectuosas, pois educamos nas relacións afectivas igualitarias e sans. Ademais, apostouse polo valor engadido do galego como lingua do amor. E a resposta foi multitudinaria! Todo un éxito! Na cafetería ata apareceron biscoitos amorosos.
Este é un bo momento para lembrar o traballo "Pepa e Moncho. Unha historia de amor romántico", 1º Premio do Certame ComunicaTedu 2019 na categoría de Bacharelato, ealizado por Alejandro Gómez Cerqueiro, Judith Domínguez Ahedo, Xiana Herrero Portela e Marta Reguera Ríos.
O CESGA convoca a IIª edición do concurso #ApuntasTech?, que ten como obxectivo xerar un catálogo de propostas concretas que alenten as vocacións tecnolóxicas temperás, principalmente entre as nenas entre 10 a 15 anos. Polo tanto, trátase de escoitar e recoller as ideas das e os protagonistas para gozar as TIC no aula de forma transversal, variada e inclusiva. Búscanse propostas divertidas, apaixonantes, innovadoras, que fagan uso das TIC de forma creativa e transversal, tanto con software como hardware, onde o uso da tecnoloxía non sexa únicamente o seu obxectivo final, senón un medio.
