Skip to Content

Blogue de admin

Obxectos perdidos curso 2023/24

Lun, 01/07/2024 - 13:01 — admin

Outro curso máis o IES de Soutomaior fai recopilación dos obxectos que o alumnado deixou no centro.

Para poder consultar e acceder á galería hai que premer no seguinte debuxo. Se recoñecen algún dos obxectos poden reclamalo vindo ao centro na primeira quincena de xullo.

 

Objetos perdidos · Oberena

Admisión en ciclos de FP básica para o curso 24/25

Lun, 10/06/2024 - 14:12 — admin

Publicáronse as instruccións para a admisión en ciclos de FP básica para o curso 24/25.

O alumnnado de 3º e 4º da ESO poderá presentar a solicitude no centro de orixe (IES de Soutomaior) entre o 24 de xuño e o 4 de xullo (de 9:00 a 14:00h).

A solicitude en formato editable pódese descargar na seguinte ligazón: solicitude FP básica. Tamén está a súa disposición na secretaría do centro.

Datas da matrícula para o curso 2024-2025

Mér, 29/05/2024 - 11:15 — admin

NIVEL

 DÍA
1º e 2º de Bacharelato             Luns 1 de xullo
4º ESO    Martes 2 de xullo
3º ESO    Mércores 3 de xullo     
2ºESO    Xoves 4 de xullo
1ºESO   Venres 5 de xullo

ACTUALIZACIÓN DE ACTIVIDADES DO 11/05 - 3ª AVALIACIÓN

Ven, 08/05/2020 - 12:25 — admin

A continuación detállanse as tarefas actualizadas a día 11/05/2020:

 

CURSOS

TAREFAS

CONTRASINAL AV

ITI 1 ESO A

A segunda tarefa da 3ª avaliación xa está dispoñible na aula virtual. Para consultar dúbidas e entregala escribide a: tecnovilalonga@gmail.com

Contrasinal de convidado: ITI_1ESOA

ITI 1º ESO B e C

Na 3ª avaliación o seguemento da materia realizarase a través da aula virtual. Para consultar dúbidas escribide a: educacion.sml@gmail.com

Contrasinal de convidado: ITI_1ESOBC

2º ESO A,B e C:

Na 3ª avaliación o seguemento da materia realizarase a través da  aula virtual.

Contrasinal de convidado: TECNO_2ESO_20

3º ESO Saínza

Seguemento a través da aula virtual.

Contrasinal de convidado: TECNO_3ESO_ABC

3º ESO Gabriel

Seguemento a través da aula virtual.

Contrasinal de convidado: TECNO_3ESO_2019

3º ESO Bilingüe

Seguemento a través da aula virtual.

Contrasinal de convidado: TECNO_3ESO_BIL

4º ESO

Seguemento a través da aula virtual.

Contrasinal de convidado: TECNO_4ESO_2019

TIC 4 ESO

Seguemento por correo electrónico e drive. Tarefa Stop Motion. Data de entrega: 22/05

 

TIC 1º BACH

Seguemento a través da aula virtual.

Empregade o voso usuario como ata agora

Tecno Ind 1º BAC

Seguemento a través da aula virtual.

Empregade o voso usuario como ata agora

TIC 2ºBAC

Seguemento a través da aula virtual.

Empregade o voso usuario como ata agora

Recordamos que o enlace da Aula Virtual é o seguinte: https://www.edu.xunta.gal/centros/iessoutomaior/aulavirtual/

Se necesitades consultar dúbidas, os nosos correos son os seguintes:

 

  • Saínza: educacion.sml@gmail.com
  • Gabriel: tecnovilalonga@gmail.com

Soutominores. Clube de lectura no IES de Soutomaior

Mar, 09/07/2024 - 14:06 — admin

Non podemos deixar atrás este curso 2023-24 sen lembrar este creativo club de lectura.

Soutominores está formado por un grupo de alumnas e alumnos de 1º e 3º da ESO: os Soutolectores!!! A coordinadora foi Adriana, profesora de galego.

 

Nestes meses leron O Principiño e O Barón Rampante, libros que os cativaron os Soutolectores desde as primeiras liñas.

Ademais da lectura, o club realizou moitas actividades relacionadas co mundo dos libros e aproveitaron a Radio do centro para gravar pódcasts con entrevistas ás personaxes máis carismáticas das obras. Isto último foi posible grazas á supervisión técnica de Alba Loureiro, xefa de departamento de Lingua galega.

 

Podemos ver todo o traballado con máis detalle se accedemos ao seguinte PDF: ligazón.

Para poder escoitar os audios coas entrevistas do alumnado hai que premer na seguinte ligazón.

En hora boa aos Soutominores e á profe Adriana!!!

Retos do programa de Talentos Inclusivos

Ven, 05/07/2024 - 09:11 — admin

Os alumnos  e alumnas de 1º de bacharelato participantes no  programa de Talentos inclusivos organizado polo CITIC de Coruña deron resposta a varios retos propostos que facilitarían a vida de persoas con parálise cerabral.

Un deles consistía  na creación dun dispositivo de comunicación sinxelo e accesible para persoas con dificultades para comunicarse oralmente. Este dispositivo conta con dous botóns: un designado para respostas afirmativas ("Si") e outro para respostas negativas ("Non"). Ao presionar cada botón, o dispositivo xerará un sinal auditiva e visual, proporcionando unha forma clara e directa de comunicación. Para a creación deste obxecto foi necesario  instalar o programa nunha controladora, conectar uns botóns Arcade de 100 mm e deseñar unha caixa  en 3D na que se axustaran os compoñentes visibles para despois imprimila cun plástico PLA.

Podemos ver o vídeo do dispositivo en funcionamento se prememos na seguinte imaxe.

O IES de soutomaior na MEGABAU

Lun, 01/07/2024 - 14:17 — admin

A MEGABAU é un evento de homenaxe ao estudantado con mellores expedientes Galicia ABAU 2024 e aos seus centros educativos. Por primeira vez, a Universidade da Coruña organizou este evento en colaboración coas outras dúas universidades públicas galegas e a consellería de Educación, Ciencia, Universidades e Formación Profesional.

Nel, alumnado do IES de Soutomaior, Lucía Castrillo Sánchez e Samuel López Lorenzo foron convidadas ao Coliseum da Coruña xa que as súa cualificacións estiveron por enriba dun 9 no proceso de selectividade.

Dende o centro queremos dar a noraboa a estos dous alumnos e as súas familias polo seu esforzo e dedicación durante os seis anos de vida académica no IES de soutomaior.

Mellores expedientes curso 2023/24

Lun, 01/07/2024 - 13:49 — admin

O IES de Soutomaior non pode despedirse deste curso 2023-2024 sen facer unha mención e agradecendo o esforzo aos mellores expedientes académicos daqueles alumnos e alumnas que acadaron unha media de todas as súas materias a finais de curso igual ou superior a 9.

Unha mención aínda máis especial se cabe, merece o alumnado que recibiu unha Matrícula de Honra (MH). Esperamos que agora disfrutedes dun merecido descanso desconectando un pouco de cara o curso que ven. Parabéns.

1o ESO

2o ESO

3o ESO
  • Lola Agulla Rodríguez
  • Noa Gutiérrez Fraguas
  • Zoe Pérez Pérez
  • Luján Crespo Gámez
  • María Uxía Granja García
  • Blanca Otero Valladares
  • Valeria Búa Ruibal
  • Diego Parada Conde
  • Artai Rivas Barreiro
  • Daniela García García
  • Aroa García Conde
  • Vega Gómez Álvarez

 
  •  Juan Canosa Álvarez
  • Sabela Cernadas Soliño
  • Ángela O´neill Barreiro
  • Lucía Cima Orge
  • Lola Álvarez Arza
  • Ana Castro Lemos
  • Judith Duarte Raña

 

4o ESO

1o Bacharelato

2o Bacharelato

 

  • Mateo Fernández Carro
  • Rosalía Narciso Cancela
  • Rania Rhnim
  • José Fernández Reguera

 
  • Yiwei Jin
  • Anxo Muiños Seoane
  • Zaira Pazos González
  • Rocío Santoro Orge
  • Dafne Teixeira Criado

 

 

  • Lucía Castrillo Sánchez
  • Samuel López Lorenzo
  • Sabela Magariños Pereira

Exposición no IES de Soutomaior: "Vai de Viño"

Lun, 24/06/2024 - 13:14 — admin

Dentro das actividades levadas a cabo este ano no centro, cómpre sinalar a levada a cabo polo Departamento de Debuxo que contou coa participación de alumnas e alumnos de 3º e 4º da ESO.

Os estudantes implicados, puderon visitar bodegas da contorna. Así coñeceron de primeira man as características do seu traballo e todos os procesos necesarios para a producción do viño.

Un dos obxectivos do proxecto era facer fotografías destas visitas e das bodegas para, posteriormente, expoñelas no centro. O xoves 20 de xuño tivo lugar o acto onde se inauguró a exposición que estará no IES de Soutomaior ata o 7 de xullo e mudarase posteriormente á biblioteca de Arcade.

Dende o centro queremos agradecer o traballo ás impulsoras deste Plan Proxecta: Ana Aguiar e Beatriz Díaz. Tamén agradecer ao alumnado participante o seu esforzo e traballo.

Pódense visualizar máis imaxes do acto e da exposición na galería da páxina web do centro.

Concerto de fin de curso no IES de Soutomaior

Lun, 24/06/2024 - 12:41 — admin

Despois dun curso agotador chegou o momento de festexar a finalización do curso 2023/24.

O venres 21 de xuño despois do recreo, o alumnado e profesorado baixaron ao ximnasio a disfrutar das actuacións preparadas polo alumnado participante. Estes estiveron ensaiando coa coordinación de Paula Veiga Sertal en recreos e ocos nas últimas semanas do curso.

O espectáculo foi moi variado, e o público quedou abraiado polo nivel das pezas que se representaron. Ao rematar o concerto, o director repartiu os trofeos do torneo de ping pong organizado polo alumnado de 3º da ESO.

Dende o centro queremos agradecer a Paula e Damián a súa implicación na organización do concerto e ao alumnado a súa participación no evento. Sen eles, este tipo de actividades non sería posible.

Hai máis imaxes colgadas na galería da páxina web do centro. Os vídeos grabados das actuacións están gardados en vicedirección.

 

Distribuir contido


by Dr. Radut