Skip to Content

Educación física

Programacións Didácticas EF 2024-2025

Xov, 12/09/2024 - 17:04 — EF

Quedan adxuntas as programacións da materia de EF para este curso 2024-2025 xunto coa progrmación de Proxecto Competencial de 3º ESO

Representación das actividades de Acrosport no IES de Soutomaior

Xov, 20/06/2024 - 13:15 — admin

No IES de Soutomaior estamos xa a comezar a nosa especial despedida antes de disfrutar as vacacións de verán.

Para dinamizar o centro nestes últimos días, o Departamento de Educación Física organizou un ano máis as actividades de acrosport, nas que os diferentes grupos da ESO e 1º de Bacharelato mostraron aos seus compañeiros o traballo feito estas últimas semanas.

Sen dúbida o traballo levado a cabo polo alumnado e digno de aplauso. Na galería pódense visualizar as imaxes máis representativas de cada actuación.

 

 

Campionatos deportivos nos recreos no IES de Soutomaior

Xov, 06/06/2024 - 11:30 — admin

Un ano máis, o Departamento de Educación Física do IES de Soutomaior traballou duro para facer que os recreos non sexan únicamente un tempo de desconexión.

Para favorecer hábitos saudables no alumnado e un rato de diversión, aproveitamos os espazos exteriores para organizar varias actividades deportivas: ping pong, volley ball, fútbol e baloncesto.

Os rapaces organizáronse para crear equipos nos diferentes deportes e, unha vez chegou o bo tempo, tiveron lugar os enfrontamentos.

Como novidade este ano tivemos o tenis de mesa aproveitando a que solicitamos á consellería e a que nos cedeu o Concello de Soutomaior. Está a ter unha moi boa acollida entre a rapazada.

                              

Finalmente, o 21 de xuño despois do concerto de fin de curso puidéronse entregar os premios do torneo de ping pong. Noraboa aos gañadores.

Despedida no Campo do Salgueirón

Mar, 02/04/2024 - 12:30 — admin

O pasado 22 de Marzo, o IES de Soutomaior organizou varios partidos de fútbol para despedirnos do 2º trimestre.

Os cursos que participaron neste torneo deportivo foron os gañadores do concurso de "Aulas Limpas" organizado por Xefatura de Estudos co obxectivo de mellorar a orde e a limpeza nas aulas. Tamén, os gañadores entre os bacharelatos, tiveron a oportunidade de xogar contra os equipos de profesores e profesoras do centro.

Pese ás altas temperaturas que nos sorprenderon a todos, puidemos disfrutar de tres horas diferentes que amenizaron a mañá e que permitiron que a rapazada comezar a sentir as vacacións e desconectar dos exames.

O resto das imaxes pódense consultar na Galería

 

PROGRAMACIÓNS

Xov, 14/03/2024 - 14:29 — admin

Programacións Didácticas LOMLOE de Educación Física

Excursión a Manzaneda

22/02/2024 19:04
24/02/2024 19:04

Actividade suspendida

Debido a que non hai previsión de neve para a vindeira semana en Manzaneda tivemos que suspender a excursión, xa que o obxectivo da actividade era iniciarse nos deportes de inverno, cun primeiro achegamento aos deportes con neve.

Unha mágoa, pero esperamos ter oportunidade de buscar algunha actividade para 3º da ESO neste curso, e así compensar esta mala sorte.

Desde a secretaría do centro procederemos a facer a devolución do recaudado para esta actividade.

Fin de curso 22-23. Torneo da deportividade

Lun, 26/06/2023 - 11:00 — admin

Para celebrar o fin de curso o Departamento de Educación Física tamén organizou un campionato de fútbol 8 no que competiron seleccións da meirande parte dos cursos da ESO e 1º de Bacharelato.

Este evento celebrouse no campo do Salgueirón os días martes 20 e luns 21 facendo enfrontamentos entre os diferentes equipos e culminando cos enfrentamentos finais no último día. Como colofón, os gañadores tiveron a oportunidade de xogar coas seleccións do profesorado en partidos moi reñidos que se resolveron na tanda de penatis.

Grazas ao clima de deportividade poidemos disfrutar dunhas xornadas moi divertidas cun público completamente entregado animando ás xogadoras e xogadores que se deixaron a pel no campo.

Na galería podemos ver as imaxes dos equipos e dos partidos.

 

 

Fin de Curso 22-23. Actividades de acrosport

Ven, 23/06/2023 - 11:23 — admin

Os Departamentos de Educación Física e Música estiveron traballando moito co alumnado para poder celebrar nestes últimos días do curso, unhas actividades moi diferentes das habituais coas que toda a comunidade educativa puidemos disfrutar.

O luns 19, despois do recreo, tiveron lugar as diferentes actuacións de baile e acrosport. O público quedou abraiado pola entrega dos participantes que se creceron no escenario sacando o mellor de eles.

 

               

 

               

               

Despois das actuacións de 4º da ESO,  Sandra Soliño e Iria Pérez dedicaron unhas palabras de apoio e despedida aos seus titorandos e titorandas, pois algúns deles continuarán os seus estudos lonxe do IES de soutomaior. 

Moito ánimo e sorte a tod@s el@s.

 

 

Excursión a Manzaneda

Ven, 10/03/2023 - 12:49 — admin

O alumnado do IES de Soutomaior xa voltou de Manzaneda e poido disfrutar da neve así como tamén puido practicar os deportes de inverno previstos.

Dende o centro queremos agradecer o comportamento dos rapaces que fixeron posible que a excursión se desenvolvera correctamente e que tanto o profesorado e o alumnado puidera disfrutar deses días xuntos.

Xa só nos queda ollar as fotos lembrando eses bos momentos que pasamos xuntos.

Galería de fotos

Saímos cara Manzaneda

Mér, 15/02/2023 - 13:57 — admin

Gran parte do alumnado de 3ºda ESO colleu hoxe rumbo a Manzaneda para disfrutar da neve e da magnífica contorna que ofrece o macizo central ourensán.

O centro quere agradecer á organizadora, Vanesa Peón, todo o esforzo feito para que esta saída fora posible. Tamén queremos agradecer a axuda do profesorado acompañante: Alba Loureiro, Alejandro Sotelo e Damián Otero.

Boa viaxe!!

 

Distribuir contido


by Dr. Radut