Novas

Este curso, varias alumnas de 1º de Bacharelato participaron de xeito voluntario no "Concurso de Imaxes e Pezas Audiovisuais co motivo do 25 N", cun vídeo no que transmiten de xeito contundente unha mensaxe de apoio a aquelas mulleres que sufren de violencia machista.

Esta semana, saíron publicados os premios, coa boa nova de que o grupo participante do IES de Soutomaior obtivo o 2º premio co seu traballo "A violencia non é un conto".

Fabiola Alonso Gómez, Elba Cabaleiro Cernadas, Safae el Gad el Arfaoui, Haizea Ferradanes López, Carla Gándara Casal e Aroa Agregán acudiron este xoves 21 de novembro á Cidade da Cultura en Santiago de Compostela ao acto de entrega do galardón xunto coa profesora Ana Aguiar Hormías que as axudou coa elaboración deste producto audiovisual.

Dende o centro queremos agradecer o esforzo do alumnado e a profesora participantes e felicitalos polo éxito acadado.

Este curso 2024/25, o alumnado  de 3º da ESO será o beneficiario para comezar as accións do programa e traballará cos instructores YAM de España.

A finalidade deste plan é dotar ao alumnado de ferramentas que os axudarán a enfrontarse a situacións difíciles da vida cotiá. Esto favorecerá a prevención de problemas no seu estado de saúde mental e os fortalecerá para evitar que "pequenos" obtáculos se convirtan en males maiores a medio e longo prazo.

Este modelo de intervención está recomendado pola OMS e por Save the children, pois tras ser avaliado por un estudo con máis de 11.000 alumnos, demostrou que é eficaz  para reducir intentos de suicidio e ideacións suicidas entre mozos sen problemas de saúde preexistentes nun 50%.

Para acollerse ao programa o alumnado poderá encher a autorización que se lles enviarán ás familias.

A páxina web oficial do programa (SERGAS) ofrece máis información que pode resultar útil ás familias interesadas. Tamén está adxunta nesta entrada.

O sábado 28 de setembro celebrouse o curso de formación do Proxecto Ríos organizado por ADEGA no IES de Soutomaior.
Coñecimos de primeira man o traballo do IES de Ponte Caldelas e os compañeiros do grupo entomolóxico da Universidade de Vigo axudáronnos a identificar os macroinvertebrados. As profesoras xa estamos preparadas para comezar o proxecto no noso centro.

O sábado 15 de xuño, o alumnado de 2º de bacharelato acudiu ao Castelo de Soutomaior xunto as súas familias e parte do profesorado do centro para celebrar a graduación deste curso 2023/24.

O público e os homenaxeados congregáronse nun escenario disposto nos xardíns e, as 18:30 comezaron os discursos recordando anécdotas e experiencias dunha etapa que dende agora, xa queda atrás.

Entre os discursos cómpre destacar a intervención do alcalde de Soutomaior que tivo unhas bonitas palabras, non só como cabeza do goberno do Concello senón como docente.

Dende o centro queremos agradecer a axuda do Concello, que nos facilitou o equipo de son e tódalas cadeiras así como do Hotel, que sempre nos bota unha man coa loxística. Tamén queremos agradecer, como non, a Deputación de Pontevedra que nos deran a posibilidade de poder celebrar un acto tan bonito no Castelo de Soutomaior, marco de incomparable beleza e que, sen dúbida, permanecerá no recordo dunha xeración de estudantes aos que desexamos o mellor no seu futuro.

 Pódense consultar as fotos do acto na galería da páxina web.

Os concelleiros Diego Moreira e Silvia Cernadas achegáronse onte á Biblioteca do Instituto para faceren entrega de varios exemplares da publicación sobre o Castelo de Soutomaior que o Diario Nós acaba de sacar.

Esta publicación, realizada polo historiador Suso Vila, que conta con diversos textos e ilustracións, servirá para o seu uso e lectura por parte do Club de Lectura de 1º de Bacharelato, así como por parte das persoas interesadas.

Agradecemos ao Concello de Soutomaior esta entrega.