Skip to Content

Convocatorias

Remata o prazo para entregar traballos para o XIV Verbas para Comunicar

Ven, 06/05/2022 - 17:14 — admin

O próximo mércores 11 ás 20h remata o prazo de presentación de traballos para unha nova edición do certame Verbas para Comunicar, que convoca a Concellaría de Xuventude de Soutomaior con motivo do Día das Letras Galegas.

Como xa sabedes, trátase dun concurso qure laciona a comunicación, a mocidade e a lingua galega ao que se poden presentar traballos en formato texto - redacción- ou audiovisual (individual ou grupal), no cal transmitades unha idea, un sentimento, unha opinión, unha creación artísticas, etc., sobre calquera tema que queiramos comunicar e compartir con outras persoas.

Podedes participar todos os mozos e mozas matriculados/as nalgún curso da ESO ou Bacharelato e que estuden no IES Soutomaior ou no Colexio Santiago Apóstolo. Hai dúas categorías:

  • Categoría A: 1º, 2º e 3º ESO.
  • Categoría B: 4º ESO, 1º e 2º BACH

Tedes máis información sobre o formato, os premios, etc. nas bases do concurso. A participación e o envío das vosas obras faise a través desa mesma páxina.

Infinitas - 8M

Xov, 03/03/2022 - 19:15 — admin

Mañá dá comezo o programa do 8M, Día Internacional da  Muller, da Concellería de Igualdade e o CIM de Soutomaior, coa sesión de contacontos "Carabranca", a cargo da artista polifacética Iria Pinheiro. 

Baixo o lema "8M INFINITAS", a campaña deste ano céntrase na diversidade dos feminismos e seguirá o 11 de marzo coa proxección de "Nós, infinitas", documental realizado por Raquel Fernández e Coral Piñeiro no que coñeceremos as reflexións de diferentes mulleres de Soutomaior sobre a igualdade e os retos das mulleres actuais. Entre elas, contaremos cos testemuños de Lucía Castrillo e Sofía Martínez, alumnas de 4º ESO do noso centro.

Xa o venres 18, a biblioteca municipal acollerá unha conferencia sobre a evolución do movemento feminista dende a transición. impartida por Raquel Fernández. Gustaríanos destacar a presenza no programa desta ex-alumna do CPI Manuel Padín Truiteiro, especialista en Historia Contemporánea e impulsora da iniciativa @mulleresgalegas, que podedes coñecer nesta entrevista que lle fixo o Nós Diario.

Ademais, gustaríanos destacar que o cartel do programa foi deseñado por Elba Alján, tamén ex-alumna do Padín, Técnica en Ilustración e premio extraordinario nas ensinanzas artísticas profesionais na modalidade de deseño. Elba describe así esta ilustración: "Nela podemos ver un grupo de amigas coas que podemos identificarnos. Están en harmonía sentadas nun dos muros da Peneda, deixando así ver unha paisaxe da Ría de Vigo sobre a que destaca a Ponte de Rande. A  escena sucede durante a  noite e pódese ver unha representación do ciclo lunar completo (que forma un infinito), xa que estes dous elementos sempre estiveron ligadas á muller pola súa misticidade e influencia sobre os nosos períodos, así tamén lembrándonos as meigas".

I Concurso de esopías IES de Soutomaior

Xov, 10/02/2022 - 18:50 — admin

Unha esopía é un texto condicionado ao número pi, cun máximo de 141 caracteres, no que as súas palabras deben ter o mesmo número de letras que indican a parte enteira e os sucesivos decimais.

BASES DO CONCURSO:

  • Elabora unha esopía en galego, castelán ou inglés (podes pedirlle ao teu profesor ou profesora de matemáticas unha plantilla) e entrégalla a alguén do Departamento de Matemáticas antes do día 7 de marzo.
  • O tema da esopía é libre, elíxelo ti.
  • A esopía debe ter un título, e debes engadir o teu nome, apelidos e curso.
  • Os textos que cumpran os requisitos de esopía, teñan sentido e sexan inéditos (non se admitirán textos copiados ou obtidos de calquera fonte), serán seleccionados e valorados por un xurado formado por profesorado do centro que decidirá que esopías son as premiadas.
  • O día 14 de marzo, Día Internacional das Matemáticas e do Número Pi coñeceremos as esopías gañadoras do I Concurso de Esopías do IES de Soutomaior.
  • Haberá varios premios sorpresa nas seguintes categorías:
    • 1º e 2º da ESO
    • 3º e 4º da ESO
    • 1º e 2º de Bacharelato

ANÍMATE A PARTICIPAR!

No taboleiro do Departamento de Matemáticas, situado ao comezo do corredor da primeira planta, atoparás dous exemplos de esopías.

Matar un reiseñor, nova xuntanza do clube de lectura

Mar, 25/01/2022 - 10:00 — admin

 

O vindeiro venres, día 28 de xaneiro, reunirémonos na biblioteca, a 2ª hora, para intercambiar impresións sobre a novela gráfica Matar un ruiseñor, xenial adaptación, ilustrada por Fred Fordham, do clásico de Harper Lee.

Non esquezades traer o voso exemplar, xa que o empregaremos para algunha actividade...

Lucía Castrillo Sánchez, premiada no XX Certame Tíralle da Lingua de Narración Oral

Ven, 17/12/2021 - 15:16 — admin

O noso centro estivo moi ben representado na última edición do Certame Tíralle da Lingua de Narración Oral coas historias de Sabela Magariños (A filla do mar), Juan Canosa Álvarez (A cova do rei Cintolo), Ángela Laíns (Bambi, o aventureiro, bo amigo e compañeiro) e Marta Molina (O patiño repudiado), que demostraron o seu bo facer á hora de crear e recrear historias e saber contalas. Parabéns a todos/as pola súa implicación,a  calidade dos seus traballos e por partillar as súas contadas.

Pero, ademais, o xurado desta edición, composto por Beatriz Maceda Abeleira, ensinante e escritora; Emma Pedreira Lombardía, filóloga e escritora; e Xiana Parga de la Peña, licenciada en historia, bibliotecaria e contadora, decidiu outorgar o segundo premio na Categoría de 4º ESO e ensino postobrigatorio a Lucía Castrillo Sánchez pola historia Noite de rolda. Noraboa!!! (a noticia no Faro de Vigo)

O Tíralle da Lingua é un certame que organiza a Asociación Socio-Pedagóxica Galega dende hai xa 20 anos co obxectivo de fomentar e dinamizar o uso do galego como lingua de comunicación normalizada, como instrumento para crear e contar historias orais e como canle de expresión creativa da nosa mocidade.

Non resta máis que felicitar os nosos contadoras e contadoras e convidarvos a escoitar as súas contadas.

Animádesvos a participar no Clube de Lectura en Galego para persoas adultas?

Xov, 02/12/2021 - 15:33 — admin

Se estás interesado/a en participar nesta iniciativa da Biblioteca e o EDLG do IES de Soutomaior para o Curso 2021-2022, gustaríanos coñecer cales son as túas motivacións para forma parte do clube, cal  é a túa experiencia lectora en galego, que tipo de lecturas che gustan e che gustaría facer, con que dispoñibilidade horaria contas, etc.

Se tes uns minutos, agradecemos que cubras a nosa enquisa en liña. A información recollida nesta enquisa será tratada con confidencialidade polo profesorado da Biblioteca do IES e só para este fin.

Pautas para elixir os agasallos infantís de Nadal

Mér, 01/12/2021 - 11:27 — admin

O Centro de Formación de Recursos de Pontevedra organiza unha conferencia aberta a todas as familias, que co título “Pautas para elixir os agasallos infantís de Nadal” será impartida por Oscar Páramos, licenciado en psicoloxía, experto en comportamento deportivo e márketing dixital e Máster en psicoloxía infantil.

Esta conferencia enmárcase no programa "ENAPAS: A familia como motor de cambio"  e versará sobre a importancia do xogo no desenvolvemento afectivo-psicolóxico dos nenos/nenas para abordar e reflexionar sobre a importancia da elección dos agasallos infantís.

Terá lugar no Pazo da Cultura de Pontevedra o luns 13 de decembro entre as 18:30 e as 20:30 h.

 

E ti, non lle tiras da lingua?

Mar, 05/10/2021 - 20:55 — admin

O Clube da Lingua do IES convoca o Concurso de Relato Oral Tíralle da Lingua 2021 para todo o alumnado do centro. E en que consiste? En crear historias en lingua galega, de non máis de 5 minutos, coa intención de contalas en público ao xeito dos grandes contadores de historias que sempre houbo no noso país. 

Consultade as bases do certame premendo aquí. 

Participa no Concurso de Relato Oral Tíralle da Lingua 2021

Mar, 05/10/2021 - 20:48 — admin

Tíralle da lingua é un certame de elaboración de historias orais en lingua galega no que podes crear ou recrear o teu propio relato para ser contado ante o público.

BASES DO CONCURSO

En que consiste?

  1. As historias poden ser de creación propia pero tamén un conto popular ou un texto literario, isto é, dun escritor ou escritora ao que ti lle dás o teu xeito particular.
  2. As historias contaranse en galego.
  3. Nas historias valorarase a calidade lingüística e o seu carácter construtivo: deben usar unha linguaxe non discriminatoria e non sexista, evitar a linguaxe malsoante e despectiva…, e ademais, como nacen para ser contadas, debe coidarse a dicción, a dramatización e a espontaneidade.
  4. O alumnado participante concursará individualmente ou en grupo, pero sempre respectando o tempo máximo por actuación, que será de 5 minutos. A superación dese tempo supón a descualificación. Cada alumno/a ou grupo poderá participar cun máximo dunha historia.
  5. O concurso vai destinado a todos os grupos da ESO e o Bacharelato.

Modo de entrega e prazo

  1. O alumnado deberá entregar a gravación en formato MP3 ao profesor Antonio (Inglés) ou ao seu profesorado de lingua galega antes do venres 5 de novembro.
  2. Unha vez recibidos todos os relatos, haberá unha contada no instituto, da que se avisará aos alumnos e alumnas seleccionados e que se anunciará con antelación.

Premios

  1. Haberá premios para os mellores relatos, que serán escollido por un xurado compostos por membros do Clube da Lingua do IES.
  2. O alumnado seleccionado poderá participar na fase final do Concurso Tíralle da Lingua 2021, que se celebrará a finais de novembro en Santiago organizado pola Asociación Socio-Pedagóxica Galega.

A fase final en Santiago

  1. Na fase final concederase un primeiro premio por nivel cun valor de 250 euros e un segundo, se o xurado así o estima, por valor de 150 euros. Os centros de ensino dos participantes gañadores recibirán un premio do mesmo importe.
  2. O xurado estará composto por tres persoas alleas aos centros participantes con experiencia nestas actividades, actuando de secretario/a un representante de Asociación Socio-Pedagóxica Galega.
  3. O xurado emitirá o ditame o mesmo día da celebración do concurso.
  4. A participación no concurso supón a aceptación íntegra das presentes bases. A AS-PG poderá modificar a modalidade da fase final por razóns que respondan a situación de emerxencia sanitaria que estamos a vivir.

Formación de Profesorado e outros proxectos (Curso 2023-2024)

Mar, 29/06/2021 - 22:24 — admin

 

Todos os plans e programas formativos recóllense neste Boletín Informativo (en actualización constante).

Plan de Formación Permanente de Profesorado

Plan Anual. Curso 2023-2024

a) Formación individual en FProfe.

Xa está dispoñible a inscrición nos cursos na Rede, na plataforma Platega, para o 1º trimestre. A data límite para a inscrición nestas actividades é o 15 de setembro. Podes acceder a Fprofe, aplicar os filtros de busca (forma de participación: Na rede) e inscribirte naquelas actividades que consideres máis axeita das para desenvolver as túas competencias profesionais docentes.

b) PFPP no IES de Soutomaior: PFPP IES DE SOUTOMAIOR 2022/2023

  1. Itinerario 1:
    1. Plan dixital do centro. Integración didáctica das TIC. Traballo colaborativo en rede a través de espazos virtuais. Educación dixital. 
    2. Edixgal. Posibilidade de formación para a xestión da plataforma.
    3. Integración didáctica das TIC. Formación en audácity e ferramentas para a implementación do proxecto da radio do centro.
  2. Itinerario 2:
    1. Mellora da convivencia no centro. Formación en prácticas restaurativas e posta en práctica dos círculos restaurativos como ferramenta de comunicación e expresión na aula. estas ferramentas poden ser utilizadas para a resolución de conflictos
  3. Outras liñas formativas posibles para abrir novos itinerarios formativos:
    • Deseño e desenvolvemento curricular no marco do modelo competencial.
    • Programas de Plurilingüísmo. Competencia comunicativa en linguas maternas e estranxeiras. Tratamento integrado de linguas.
    • Educación inclusiva e coeducativa.
    • Convivencia escolar e clima da aula. Saúde e benestar emocional. Relacións coas familias.
    • Actualización científica e didáctica do profesorado. Observación inter-pares e intercentros.
    • Mellora da xestión dos centros.
    • Internacionalización dos centros educativos: E-twinning e Eramus +.
    • Biblioteca escolar.
    • Iniciativas formativas no ámbito STEM (ciencia-tecnoloxía-enxeñaría-matemáticas).
    • A orientación vocacional e profesional.
    • Educación para o desenvolvemento sostible e a cidadanía global (conectado coa liña 4 dos Contratos-Programa Innova: EDUsostibilidade).
  4. Modalidades: curso, grupo de traballo, seminario.
  5. Deben ser presentados e aprobados polo Claustro e o Consello Escolar e formarán parte da PXA.

Innovación educativa

a)Plan Proxecta+ (Curso 2023-24)

  • Finalidade: fomentar a innovación educativa nos centros a través de programas educativos que fomenten o traballo cooperativo, interdisciplinar e competencial pero que ademais estean comprometidos coa consecución dos obxectivos de desenvolvemento sostible da Axenda 2030.
  • Liñas estratéxicas:
    • Desenvolvemento de iniciativas vinculadas aos obxectivos da Axenda 2030.
    • Desenvolvemento das competencias clave.
    • Desenvolvemento dos elementos transversais.
    • Utilización de estratexias metodolóxicas comúns.
  • Máis información: Plataforma Plan proxecta (Consultar Resolución do 22 de xuño do 2023)
  • Consta de 46 programas: consultar aquí. 
  • Prazo de solicitude: do 23 de xuño ata o 29 de setembro de 2023.

b) Contratos-programa Innova:

  • Finalidade: desenvolvemento das competencias clave, afondar no logro da excelencia educativa incentivar o talento do seu alumnado, promover hábitos de vida saudables, impulsar unha educación para o desenvolvemento sostible e mellorar a xestión dos centros.
  • Consta de 5 modalidades:
    • 1. O centro docente como entorno innovador de aprendizaxe a través da mellora permanente. (EDUinnova)
    • 2. O centro docente como promotor da excelencia a través do afondamento nun ámbito de coñecemento. (EDUexcelencia)
    • 3. O centro como dinamizador de hábitos de vida saudables. (EDUsaúde)
    • 4. O centro educativo comprometido cos Obxectivos de Desenvolvemento Sostible (ODS). (EDUsostibilidade)
    • 5. O centro educativo como modelo de calidade a nivel organizativo, de xestión e de funcionamento. (EDUcalidade)
  • Prazo de solicitude: demde o 23 de xuño ata o 22 de setembro de 2023.
  • Máis información: Resolución do 22 de xuño de 2023.

c) Contratos-programa Inclúe:

  • Finalidade: desenvolver un plan de mellora no que poidan, en función das necesidades detectadas e do seu proxecto educativo, acadar o éxito educativo a través da implementación de programas que promovan a igualdade de oportunidades entre homes e mulleres, a inclusión, a redución das taxas de abandono escolar temperán, o desenvolvemento da competencia emocional e, en xeral, a mellora do clima escolar de toda a comunidade educativa.
  • Consta de 5 actuacións: 
  • QUÉDA-T.
  • IGUÁLA-T.
  • CONVIVE-T.
  • INCLÚE-T.
  • EMOCIÓNA-T
  • Prazo de solicitude: dende o 17 de xuño ata o 20 de setembro de 2023.
  • Máis información: Portal Educativo  ( Consultar Resolución do 12 de xuño de 2023).

d) Polos creativos

  • Finalidade: promover a adquisición de competencias e coñecementos tecnolóxicos entre o alumnado apostando polo fomento de capacidades como o pensamento crítico, a resolución de problemas, o traballo en equipo, a creatividade ou a capacidade analítica, todos eles elementos académicos clave nun mundo cada vez máis dixitalizado e interconectado.

  • Ámbito STEM (Ciencia, Tecnoloxía e Matemáticas).

  • Equipamento específico: mobiliario especializado e tecnoloxía.

  • Mais información aquí.

  • Prazo: non hai

d) Clubs de Lectura

  • Finalidade: crear un espazo de aprendizaxe non formal baseado nunha metodoloxía de indagación onde os docentes suxiren diferentes accións enfocadas ao alumnado co obxecto de que poidan dar resposta ás súas curiosidades, aos seus intereses e resolver problemas. Deberá estar formado por un ou máis docentes de calquera especialidade e alumnado. Desenvolverase fóra do horario lectivo do alumnado nos espazos que se consideren ou habiliten do centro docente. Este horario deberá cumprir como mínimo unha media de catro horas ao mes,  comezando a partir da concesión definitiva do proxecto ata final do período lectivo do alumnado durante o curso 2023/24.
  • Máis información: Resolución para o curso 22/23
  • Prazo de solicitude: Aínda non dispoñible.

e) Club de Ciencia

  • Finalidade: crear un espazo de aprendizaxe non formal baseado nunha metodoloxía de indagación onde os docentes suxiren diferentes accións enfocadas ao alumnado co obxecto de que poidan dar resposta ás súas curiosidades, aos seus intereses e resolver problemas. Deberá estar formado por un ou máis docentes de calquera especialidade e alumnado. Desenvolverase fóra do horario lectivo do alumnado nos espazos que se consideren ou habiliten do centro docente. Este horario deberá cumprir como mínimo unha media de catro horas ao mes,  comezando a partir da concesión definitiva do proxecto ata final do período lectivo do alumnado durante o curso 2022/23.
  • Máis información: Portal educativo (Consultar Resolución do 28 de xuño de 2023).
  • Prazo de solicitude: ata o 18 de setembro de 2023. 

f) Digitalweek. Programa de inmersión lingüística en lingua inglesa a través de actividades dixitais

  • Finalidade: proporcionar ao alumnado participante unha actividade de inmersión lingüística que lle permita mellorar as suas destrezas de comprensión e expresión oral en lingua inglesa a través de actividades dixitais.
  • Actividades académicas, de tempo libre e obradoiros; a metodoloxía será activa, ludica e cooperativa.
  • Realizaranse en outubro e novembro de 2022 en réxime de internado en centro residencial durante unha semana..
  • Alumnado destinatario:25 alumnos/as da ESO por centro.
  • Máis información: Portal educativo (Consultar resolución do 22 de maio de 2023).
  • Prazo de solicitude: dende 25 de maio ata o 25 de xuño de 2023 (fóra de prazo).

g) Intercambios escolares Edu-exchanges

  • Finalidade: promover a participación dos estudantes en intercambios lingüísticos na 1ª ou na 2ª lingua estranxeira.
  • Máis información:
  • Prazo de solicitude: ata o 26 de setembro. 

h) Programa Galimiens

  • Finalidade: favorecer o intercambio en liña co alumnado de centros educativos da Académie d'Amiens durante o Curso 2022-2023. 
  • Máis información: Resolución do 20 de xuño de 2022.
  • Prazo de solicitude: ata o 26 de setembro.

 

OUTRAS INSTITUCIÓNS E SINDICATOS

CIG-Ensino

Programación e datas para o 1º trimestre 22-23 en https://www.cig-ensino.gal/cursos.html 

Para te matriculares, preme en “ligazón á matrícula” e solicita praza tendo en conta as seguintes datas:
- Cursos a distancia estará aberta a matrícula ata unha semana antes de comezo de cada curso.
- Cursos presenciais estará aberta a matrícula ata dous días antes de comezo de cada curso.

Depoemprende

  • Finalidade: promover no ámbito educativo dinámicas de traballo cooperativo que favorezan a adquisición de competencias e coñecementos vinculados á cultura emprendedora e ao espírito emprendedor a través da metodoloxía por proxectos.
  • Prazo de solicitude: ata o 29 de septembro de 2023.
  • Máis información: Boletín oficial da deputación.
  • Convocatoria no BOP

Proxecto RELEVO 2. Mocidade A bordo - GALP Ría de Vigo - A Guarda

  • Obxectivo: achegar o sector pesqueiro, marisqueiro e acuícola ao alumnado de 4º de ESO co fin de que coñezan as saídas profesionais e todo o que este sector lle ofrece no noso país. Poñerá en valor e daranse a coñecer os recursos do sector a disposición dos mozos e mozas para que poidan formarse e telos coma unha opción de futuro. O programa abordará o desenvolvemento da ECONOMÍA AZUL.
  • Alumnado: 4º ESO.
  • Máis info. en: https://arenariacoordinacion.com/relevo2/
  • Aínda non dispoñible.
Distribuir contido


by Dr. Radut